మెత్తని పరుపులపై కాదు.. నేలపై పడుకోండి.. ఎన్నో లాభాలను పొందుతారు

ఖరీదైన, మెత్తని పరుపులపై పడుకోనిదే కొందరికైతే నిద్రే రాదు. కానీ వీటి వల్ల ఎలాంటి ప్రయోజనాలు లేవు తెలుసా.. నేలపై పడుకోవడం వల్ల వెన్ను నొప్పి నుంచి ఎన్నో సమస్యలు ఇట్టే తగ్గిపోతాయి. 

మెత్తని పరుపులపై పడుకోగాలనే తొందరగా నిద్రొస్తుంది. అందుకే ప్రస్తుతం అందరూ మెత్తని పరుపులపైనే నిద్రపోతున్నారు. మరీ కొందరికైతే పరుపు లేనిదే నిద్రకూడా పట్టదు. కానీ ఇలాంటి అలవాటు అస్సలు మంచిది కాదంటున్నారు నిపుణులు. మన శరీరానికి మెత్తగా ఉండే పరుపులు చేసే నష్టం అంతా ఇంతా కాదు. వీటిపై పడుకోవడం వల్ల ఉదయం బాగా అలసిపోయినట్టుగా ఉంటుది. కాళ్లు, చేతులు, పాదాలు బాగా నొప్పి పెడతాయి. వెన్ను నొప్పి కూడా ఉంటుంది. నిజానికి ఈ సమస్యలు మీరు నిద్రపోయే ప్లేస్, పరుపు కూడా ఒక కారణమే అంటున్నారు నిపుణులు. దీనిపై పడుకోవడం వల్ల శరీరంలో తిమ్మిరి ఉంటుంది. ఇలాంటి పరిస్థితిలో పరుపుపై పడుకోవడం కంటే నేలపై పడుకోవడమే మంచిదంటున్నారు నిపుణుల. దీనివల్ల ఎలాంటి ప్రయోజనాలున్నాయో తెలుసుకుందాం పదండి. 

నేలపై ఎలా పడుకోవాలి

ముందుగా మీరు పడుకునే ప్లేస్ ను క్లీన్ చేయండి. ఆ నేలపై చాప లేదా మెత్తని బెడ్ షీట్ ను వేసి పడుకోండి. కుడివైపున తిరిగి పడుకోవడం వల్ల హాయిగా నిద్రపడుతుంది. ఎడమవైపున పడుకుంటే కడుపునకు సంబంధించిన సమస్యలు తగ్గిపోతాయి. జీర్ణం కూడా తొందరగా అవుతుంది. నేలపై పడుకోవడం వల్ల రక్త ప్రసరణ కూడా బాగా జరుగుతుందని నిపుణులు చెబుతున్నారు. మెదడుకు ఆక్సిజన్ సరఫరా సక్రమంగా జరుగుతుంది. అయితే కొంతమందికి మాత్రం కడుపు మీద పడుకునే అలవాటు ఉంటుంది. నేలపై కడుపు మీద పడుకోవడం వల్ల నడుము, వీపు, భుజం నొప్పి నుంచి ఉపశమనం లభిస్తుంది. 

Sleeping on the floor

నేలపై పడుకోవడం వల్ల వెన్ను నొప్పి నుంచి కూడా ఉపశమనం లభిస్తుంది. అందుకే వెన్ను నొప్పితో బాధపడేవారు నేలపై పడుకోవాలని ఆరోగ్య నిపుణులు సలహానిస్తుంటారు. 

Sleeping on the floor

పరుపులపై నిద్రపోయే కొంతమందికి సరిగ్గా నిద్రపట్టదు. ఒకవేళ పడుకున్న వెంటనే నిద్రపోయినా.. సగం రాత్రి మెలుకువ వచ్చే ఛాన్సెస్ ఉన్నాయి. అయితే పరుపుపై పడుకునే అలవాటు ఉన్నవారు నేలపై పడుకుంటే మొదట్లో కాస్త ఇబ్బంది కలిగినా.. రానురాను అలవాటు అవుతుంది. నేలపై పడుకోవడం వల్ల హాయిగా నిద్రపోతారు కూడా. 

Sleeping on the floor

ఫ్లోర్ ఉష్ణోగ్రత చాలా చల్లగా ఉంటుంది. అందుకే వేసవిలో చాలా మంది నేలపైనే నిద్రపోవడానికి ఇష్టపడతారు. నేలపై పడుకోవడం వల్ల శరీర ఉష్ణోగ్రత తగ్గుతుంది. ఇది రక్త ప్రసరణను కూడా మెరుగుపరుస్తుంది.

Sleeping on the floor

నేలపై పడుకుంటే మీ మెదడు విశ్రాంతి మోడ్ లో ఉంటుంది. ఆందోళన, ఒత్తిడి వంటి సమస్యలు కూడా తగ్గిపోతాయి.  ఇది మాత్రమే కాదు నేలపై పడుకోవడం కూడా మీ శరీర భంగిమను మెరుగుపరుస్తుంది.

Sleeping on the floor

వెన్నునొప్పిలో ఇబ్బంది పడేవారు, నడుముకు శస్త్రచికిత్స చేయించుకున్నవారు నేలపై పడుకోవడం మంచిది కాదు. గర్భిణీ స్త్రీలు కూడా నేలపై పడుకోకూడదని నిపుణులు చెబుతున్నారు. అలాగే చలి కాలంలో కూడా నేలపై పడుకోకూడదు. ముందే ఫ్లోర్ చల్లగా ఉండటం.. దానిపై పడుకుంటే జలుబు చేస్తుంది. వృద్ధులు కూడా నేలపై పడుకోకూడదు. అలాగే ఎముకల నొప్పి ఉన్నవారు, ఏదో ఒక రకమైన అలర్జీ, ఆర్థరైటిస్ లేదా బోలు ఎముకల వ్యాధి సమస్యలు ఉన్నవారు కూడా నేలపై పడుకోకూడదని ఆరోగ్య నిపుణులు సలహానిస్తున్నారు.