Health Tips: పచ్చి బఠాణీలతో అదిరిపోయే ఆరోగ్య ప్రయోజనాలున్నాయి తెలుసా..?

Health Tips: పచ్చిబఠాణీల్లో పొటాషియం, కాల్షియం, మెగ్నీషియం, యాంటీ ఆక్సిడెంట్లు పుష్కలంగా ఉంటాయి. ఇవి రక్తపోటును తగ్గించడంతో పాటుగా ఎన్నో అనారోగ్య సమస్యలను తగ్గిస్తాయి. 

శాకాహారాలన్నింటిలో బఠాణీల్లోనే పోషకాలు ఎక్కువగా ఉంటాయి. వీటిని క్రమం తప్పకుండా తీసుకోవడం వల్ల ఎన్నో అనారోగ్య సమస్యలను తగ్గిస్తాయి. ఆకుపచ్చ బఠానీల్లో ప్రోటీన్, ఫైబర్ ఎక్కువ మొత్తంలో ఉంటాయి. 100 గ్రాముల పచ్చి బఠానీల్లో 78 కేలరీలు ఉంటాయి. 

పచ్చి బఠానీలు బరువు తగ్గించడానికే కాదు.. బరువును నియంత్రించడానికి కూడా సహాయపడతాయని ఆరోగ్య నిపుణులు చెబుతున్నారు. దీనిలో మెగ్నీషియం, యాంటీ ఆక్సిడెంట్లు,క్యాల్షియం, పొటాషియం వంటి ముఖ్యమైన పోషకాలు ఉంటాయి. ఇవి రక్తపోటు స్థాయిలను నియంత్రించడంలో ఎంతో సహాయపడతాయి. అంతేకాదు గుండెను కూడా ఆరోగ్యంగా, ఫిట్ గా ఉంచుతాయి. 

వీటిలో ఎక్కువగా ఉండే ఫైబర్స్ జీర్ణక్రియ పనితీరును సులభతరం చేస్తుంది. పచ్చి బఠానీల్లో ఉండే  ఇనుము రక్తహీనతను,  ఇనుము లోపాన్ని నివారిస్తుంది. శరీరంలో తగినంత ఇనుము లేకపోతే మీ శరీరం తగినంత ఆరోగ్యకరమైన ఆక్సిజన్ ను తీసుకువెళ్ళే ఎర్ర రక్త కణాలను ఉత్పత్తి చేయదు. దీంతో హిమోగ్లోబిన్ లోపిస్తుంది. ఇనుము శరీరంలో తగినంతగా ఉంటే అలసట మటుమాయం అవుతుంది. శరీరానికి అవసరమైన శక్తి కూడా అందుతుంది. 

పచ్చి బఠాణీలు టైప్  2 డయాబెటిస్ ప్రమాదాన్ని తగ్గిస్తుంది. ఊబకాయ ప్రమాదాలను కూడా తగ్గించడానికి ఎంతో సహాయపడుతుంది. దీనిలో ఉండే ఫైబర్ కంటెంట్ జీవక్రియ ఆరోగ్యానికి మేలు చేస్తుంది.  దీనిలో గ్లైసెమిక్ స్థాయిలను తక్కువగా ఉంటుంది. కాబట్టి పచ్చి బఠాణీలు రక్తంలో చక్కెర స్థాయిలను తగ్గించడానికి కూడా సహాయపడతాయన్న మాట. 

వీటిలో విటమిన్ సి కూడా ఎక్కువ మొత్తంలో ఉంటుంది. ఇది రోగనిరోధక శక్తిని పెంచడానికి ఎంతో సహాయపడుతుంది. ఎన్నో రకాల రోగాలను కూడా ఈ విటమిన్ తగ్గిస్తుంది. 

ఇవి కంటి ఆరోగ్యానికి కూడా ఎంతో మేలు చేస్తుంది. వీటిలో ఉండే కెరోటినాయిడ్ వర్ణద్రవ్యం లుటిన్ తో నిండి ఉంటుంది. ఈ లుటిన్ కంటిశుక్లం, మాక్యులర్ క్షీణత లేదా వృద్ధాప్యంలో దృష్టి కోల్పోయే ప్రమాదాన్ని తగ్గిస్తుంది. ఇవి కూడా కంటిచూపును మెరుగుపరుస్తాయి. 

ఆకుపచ్చ బఠానీల్లో కరగని ఫైబర్స్ ఉంటాయి. ఇవి స్ట్రోక్, గుండె జబ్బుల ప్రమాదాన్ని తగ్గించడంలో సహాయపడతాయి. ఆకుపచ్చ బఠానీల్లో ఉండే ఔషదగుణాలు రక్తంలో చక్కెరను స్థాయిలను కంట్రోల్ లో ఉంచడానికి సహాయపడతాయి.

100 గ్రాముల పచ్చి బఠానీలలో 81 కేలరీలు మాత్రమే ఉంటాయి. వీటిలో ఉండే ఫైబర్ కంటెంట్ బరువును తగ్గించడంలో ఎఫెక్టీవ్ గా పనిచేస్తుంది. అంతేకాదు ఇది ఆకలిని తగ్గించడంలో కూడా ఎంతో సహాయపడుతుంది.