ఫిబ్రవరి నెల వచ్చిందంటే చాలు ప్రేమికులు మొత్తం తమ ప్రేమ పండుగను జరుపుకుంటారు. ఫిబ్రవరి 14న ప్రేమికుల రోజు సందర్భంగా ఆ ప్రేమికుల రోజున తమ ప్రేమను మరింత బలపరుచుకుంటారు. ఇక ఫిబ్రవరి 7 నుండి ఫిబ్రవరి 14 వరకు ఉన్న ఈ వారం రోజులను ప్రేమికుల వారంగా జరుపుకుంటారు. అయితే 7 నుండి 14 వరకు ప్రతిరోజు ఒక్కొక్క రోజుగా ప్రత్యేకమైన రోజుగా జరుపుకుంటారు ప్రేమికులు.
అయితే ప్రేమికుల రోజు మొదటి రోజు అయిన 7 న రోజ్ డే అని జరుపుకుంటారు. ఇక మొత్తానికి ఈరోజు నుండి ప్రారంభం కాగా ఈరోజు తమకు అత్యంత ఇష్టమైన వారికి తమలో ఉన్న ప్రేమను తెలపటానికి ఉత్తరాలు, గిఫ్టులు, కవితలు వంటివి పంచుకుంటారు. అయితే గులాబీని పంచుకోటంలో కూడా ఒక ప్రత్యేక విశేషం ఉందని చెప్పాలి. మామూలుగా ప్రేమను తెలపటానికి ఎర్ర గులాబీయే కాకుండా.. రకరకాల రంగుల గులాబీలను కూడాఇచ్చుకుంటారు. అయితే ఒక్కొక్క రంగు గులాబీకి కూడా ఒక ప్రాముఖ్యత ఉంది.
ఎర్ర గులాబీ: ఎర్ర గులాబీ అనేది ప్రేమకు చిహ్నం లాంటిది. ఇక ఎర్ర గులాబీలను ఎవరికైనా ఇస్తున్నారు అంటే వాళ్ళను మీరు ప్రేమిస్తున్నారు అని అర్థం. ఇక అది వాళ్లు తీసుకున్నట్లయితే మీ ప్రేమ సక్సెస్ అయినట్లే.
ఆరెంజ్ గులాబీ: మీరు ఎవరినైనా ఇష్టపడినట్లయితే.. వారికి ఆ ఇష్టాన్ని తెలపడానికి ఆరెంజ్ గులాబీని అందివ్వాలి. అంతేకాకుండా మనసులో మాటను బయటకి చెప్పుకోవాలి.
పీచు గులాబీ: మీరు మీ మనసులో మాటను మీరు ఇష్టపడుతున్న వారికి చెప్పటానికి సిగ్గుపడుతున్న లేదా భయపడుతున్న వెంటనే బయటికి చెప్పకుండా ఈ పువ్వు ద్వారా వారికి మీ మనసులో మాట అని చెప్పవచ్చు.
పసుపు గులాబీ: పసుపు గులాబీ అనేది ఇద్దరి మధ్య ఉన్న స్నేహ బంధాన్ని బలంగా ఉంటుంది. ఇక వారిపై ఇష్టం, అభిమానం, ఆ స్నేహం అలాగే కలకాలం ఉండటానికి పసుపు గులాబీ ఇవ్వాలి.
లావెండర్ గులాబీ: లావెండర్ గులాబీ అనేది చాలా అరుదైనది. చూడటానికి చాలా అందంగా ఉంటుంది. మీరు ఎవరినైనా మొదటి చూపుల్లోనే ఇష్టపడితే వారికి వెంటనే తెలియచేయడానికి ఈ గులాబీని బహుమతిగా ఇవ్వాలి. అంతేకాకుండా అందాన్ని పోగొట్టడానికి కూడా ఈ గులాబీని ఇస్తే సరిపోతుంది.
పింక్ గులాబీ: పింకు గులాబీ అనేది ఒక మంచి అభిమానానికి గుర్తింపు అని చెప్పాలి. ఎవరినైనా అభినందించాలన్న, మెచ్చుకోవాలన్న పింక్ గులాబీ ఇస్తే సరిపోతుంది.
తెల్ల గులాబీ: తెల్ల గులాబీని శుభాకాంక్షలు తెలియడానికి ఇచ్చుకుంటారు. ఎవరైనా దూరమవుతే వారికి నివాళిగా తెల్ల గులాబిని ఇస్తారు. కానీ ఈ ప్రేమికుల వారంలో తెల్ల గులాబీని ఎవరు ఇవ్వటానికి అంతగా ఇష్టపడరు.
ఇక ఈ ప్రేమికుల వారం మీకు మంచి ప్రత్యేకమైన వారం కావటానికి.. ముఖ్యంగా మీ ప్రియమైన వారిని మరోసారి ఆకట్టుకోవడానికి ఈ విధంగా శుభాకాంక్షలు చెప్పండి.
ఈ ప్రేమ వారోత్సవాల్లో ఈ మొదటి రోజు గులాబీల గుబాళింపులో గడవాలి మన ప్రతిరోజు.. హ్యాపీ రోజ్ డే. రంగురంగుల రోజా పువ్వులా నువ్వు ఎప్పుడు నవ్వుతూ ఉండాలని కోరుకుంటున్నా.. హ్యాపీ రోజ్ డే..
జన్మజన్మలకు గుర్తుండిపోయే విధంగా నీ మదిలో నిలిచిపోతాను ప్రియా.. హ్యాపీ వాలెంటైన్స్ డే.. రోజ్ డే రోజు ఇష్టమైన వాళ్లకు గులాబీలు పంపిస్తాం కదా అందుకే నేను నీకు పంపిస్తున్నాను.. ఎందుకంటే నువ్వు నాకు ఇష్టం కదా.. హ్యాపీ రోజ్ డే..