మొటిమల మచ్చలు పోవట్లేదా? అయితే ఈ ఫేస్ ప్యాక్స్ ను ట్రై చేయండి

మొటిమల మాదిరిగానే మొటిమల మచ్చలు కూడా అంత సులువుగా తగ్గవు. అయితే కొన్ని ఫేస్ ప్యాక్స్ తో ఈ మొటిమల మచ్చలు సులువుగా పోతాయి.   

మొటిమలతో బాధపడేవారు చాలా మందే ఉంటారు. కానీ ఈ మొటిమలు అంత సులువుగా తగ్గవు. ఈ మొటిమల వల్ల ముఖంపై మచ్చలు ఏర్పడతాయి. అయితే ఈ మచ్చలు కూడా మొటిమల లాగే అంత సులువుగా తగ్గవు. అయితే కొన్ని సింపుల్ ఫేస్ ప్యాక్స్ తో ఈ మొటిమల మచ్చలను తగ్గించుకోవచ్చు. అవేంటో ఇప్పుడు తెలుసుకుందాం.. 

1. అర టీస్పూన్ పసుపును తీసుకుని అందులో ఒక టేబుల్ స్పూన్ తేనెను వేసి బాగా కపలండి. తర్వాత ఈ మిశ్రమాన్ని నల్లటి మచ్చలకు అప్లై చేయండి. 30 నిమిషాల తర్వాత ముఖాన్ని నీట్ గా కడిగేసుకోండి. 

2. అర టీస్పూన్ పసుపుని తీసుకుని టీ స్పూన్ శెనగపిండిని,  కొన్ని పాలు పోసి పేస్ట్ లా తయారుచేసుకోండి.  ఈ మిశ్రమాన్ని ముఖానికి అప్లై చేయండి. 20నిమిషాల తర్వాత ముఖాన్ని నార్మల్ వాటర్ తో కడిగేసుకోండి. ఇలా వారానికి రెండుసార్లు ప్రయత్నించడం వల్ల మంచి ఫలితం ఉంటుంది.

Image: Getty

3. పాలలో రెండు టీస్పూన్ల ఓట్ మీల్, ఒక టీస్పూన్ తేనెను వేసి బాగా మిక్స్ చేసి ముఖానికి అప్లై చేయండి. 30 నిమిషాల తర్వాత ముఖాన్ని కడిగేసుకోవాలి. ఇలా వారానికి మూడు నాలుగు సార్లు చేస్తే మొటిమల మచ్చలు తొలగిపోతాయి.

Image: Getty

4. అరకప్పు కీరదోసకాయ పేస్ట్ ను తీసుకుని అందులో పావుకప్పు పెరుగును వేసి బాగా కలపాలి. ఈ మిశ్రమాన్ని ముఖానికి అప్లై చేసి అరగంట తర్వాత కడిగేయాలి.

5. మొటిమల మచ్చలన్నింటికీ కలబంద జెల్ ను అప్లై చేయాలి. 30 నిమిషాల తర్వాత కడిగేసుకోవాలి. మీరు దీన్ని వారానికి రెండుసార్లు ప్రయత్నిస్తే మంచి ఫలితం ఉంటుంది.