కనుబొమ్మల వెంట్రుకలు ఎందుకు రాలిపోతాయి?

కొంతమందికి కనుబొమ్మల వెంట్రుకలు కూడా విపరీతంగా రాలిపోతూ ఉంటాయి. దీనివల్ల కనుబొమ్మలు పల్చగా కనిపిస్తాయి. అయితే ఈ వెంట్రుకలు రాడటానికి ఎన్నో కారణాలు ఉన్నాయి. అవేంటి? రాలకుండా ఉండేందుకు ఏం చేయాలో ఇప్పుడు తెలుసుకుందాం.. 

ఒకప్పుడు సన్నని కనుబొమ్మలనే ఇష్టపడేవారు. ఇప్పుడు హీరోయిన్ల నుంచి సాధారణ జనాల వరకు ప్రతి ఒక్కరూ మందపాటి, ఒత్తైన కనుబొమ్మలనే ఇష్టపడుతున్నారు. అయితే కొంతమందికి తలలోని వెంట్రుకల మాదిరిగానే కనుబొమ్మల వెంట్రుకలు కూడా ఊడిపోతూ ఉంటాయి. కనుబొమ్మల జుట్టు రాలడానికి అంతర్గత, బాహ్య కారణాలు ఉండొచ్చు. అలాగే ఓవర్ థింకింగ్ వంటి చిన్న సెలూన్ ప్రమాదాలు లేదా అలోపేసియా, విటమిన్ లోపాలు, ఒత్తిడి వంటి ఆరోగ్య సమస్యల వల్ల కూడా ఊడిపోతాయని నిపునులు చెబుతున్నారు. మరి కనుబొమ్మలు ఎందుకు రాలుతాయి? వీటిని ఎలా తగ్గించాలో ఇప్పుడు తెలుసుకుందాం పదండి. 

కనుబొమ్మల వెంట్రుకలు రాలడానికి కారణమేంటి?

ఒకటి లేదా రెండు కనుబొమ్మల వెంట్రుకలు రాలడం సర్వసాధారణం. కానీ కనుబొమ్మలు మరీ పల్చబడటం మాత్రం ఎన్నో సమస్యలను సూచిస్తుంది. కనుబొమ్మల వెంట్రుకలు మడరోసిస్ అనేది సమస్య వల్ల కూడా రాలుతాయని నిపుణులు చెబుతున్నారు. దీనివల్ల కనుబొమ్మ వెంట్రుకలు పూర్తిగా లేదా పాక్షికంగా ఊడిపోవచ్చు. 

కనుబొమ్మల వెంట్రుకలు రాలడానికి మరికొన్ని కారణాలు

1. జన్యుపరంగా
2. ఒత్తిడి
3. ఆందోళన
4. స్వయం ప్రతిరక్షక పరిస్థితులు
5. పోషక లోపాలు
6. చర్మ పరిస్థితులు

కనుబొమ్మల వెంట్రుకలు రాలకుండా ఉండాలంటే?

ఆముదం నూనె

కనుబొమ్మల జుట్టు పెరుగుదలకు ఒక హోం రెమెడీ కాస్టర్ ఆయిల్. ఇది నిర్దిష్ట హార్మోన్లను ప్రభావితం చేసి వెంట్రుకల కుదుళ్లను సక్రియం చేస్తుంది. మందపాటి కనుబొమ్మలను పొందడానికి కాటన్ ను తీసుకుని దానిని ఆముదం నూనెలో ముంచి మీ కనుబొమ్మలకు కొద్దిగా పెట్టండి. 

కనుబొమ్మలు ఒత్తుగా పెరగడానికి మీరు పండ్లు, కూరగాయలు, లీన్ ప్రోటీన్ ను ఎక్కువగా తినండి 
అలాగే మసాజ్ థెరపీ లేదా ధ్యానం వంటి ఒత్తిడిని తగ్గించడానికి, విశ్రాంతి తీసుకోవడానికి వివిధ పద్ధతులను పాటించండి. 
మీ కనుబొమ్మలను అతిగా తిప్పడం లేదా వాటికి కఠినమైన రసాయనాలను ఉపయోగించడం మానుకోండి 
గ్లైకోలిక్ ఆమ్లాలు లేదా హెయిర్ బ్లీచ్ లేదా డై ఉపయోగిస్తున్నప్పుడు మీ కనుబొమ్మలకు పెట్రోలియం జెల్లీని పెట్టండి.