మీకు ఈ అలవాట్లున్నాయా? అయితే మీ కంటి చూపు తగ్గడం గ్యారంటీ..!

మన శరీర అవయవాల్లో కళ్లు అతి ముఖ్యమైనవి. వీటిని ఎంతో జాగ్రత్తగా కాపాడుకోవాల్సి ఉంటుంది. లేదంటే కంటిచూపు తగ్గిపోగ్గి.. చివరికి ఏది చూడకుండా అయిపోతారు.  

పంచేంద్రియాల్లో కళ్లు అత్యంత అందమైన అవయవం. ముఖ్యమైన అవయవం కూడా. మనం లేచినప్పటి నుంచి పడుకునే వరకు మన కళ్లు కష్టపడుతూనే ఉంటాయి. ఇలాంటి కళ్లను మనం ఎంతో జాగ్రత్తగా చూసుకోవాలి. అయితే  ఎన్నో కారణాల వల్ల కంటి ఆరోగ్యం క్షీణిస్తుంది. అలాగే కళ్లు కూడా సరిగ్గా కనిపించవు. మన అలవాట్లు కూడా కంటి చూపును దెబ్బతీస్తాయని నిపుణులు చెబుతున్నారు. అవేంటో తెలుసుకుందాం పదండి. 

స్క్రీన్ ను ఎక్కువ సేపు చూడటం

ఎక్కువ సేపు చూడటం ఆరోగ్యానికి మంచిది కాదు. దీనివల్ల కళ్లు బాగా దెబ్బతింటాయి. స్మార్ట్ ఫోన్లు, ఇతర ఎలక్ట్రానిక్ పరికరాలను ఎక్కువగా ఉపయోగించడం వల్ల కళ్లపై ఒత్తిడి పడుతుంది. వీటి బ్లూ లైట్ కంటి చూపును తగ్గిస్తుంది. అందుకే స్క్రీన్ ను చూసే టైం ను తగ్గించుకోండి. 

smoking

స్మోకింగ్

స్మోకింగ్  ఆరోగ్యానికి బద్ద శత్రువు. స్మోకింగ్, పొగాకు ఉత్పత్తులను ఎక్కువగా ఉపయోగించడం వల్ల కళ్ళలోని కండరాలు దెబ్బతింటాయి. కళ్లు మసకగా కూడా కనిస్తాయి. అందుకే ఈ అలవాటును మానుకోండి. 

ఐ డ్రాప్ట్స్

కళ్లు మంట పుడుతున్నాయనో.. లేకపోతే మరేదైనా  కారణం చేతనో డాక్టర్ సలహా లేకుండా కంటి చుక్కలను ఎక్కువగా వేయడం కంటి ఆరోగ్యానికి అస్సలు మంచిది కాదు. కళ్లు ఎర్రగా అయితే వెంటనే ఐ డ్రాప్స్ ను వేసుకునే అలవాటును మానుకోండి. 

బయటకు వెళ్ళేటప్పుడు సన్ గ్లాసెస్ ను పెట్టుకోకపోవడం వల్ల ప్రమాదకరమైన యువి కిరణాలు కంటిపై పడతాయి. దీంతో కంటి చూపు మందగించడం ప్రారంభవుతుంది.  పోషకాల లోపం వల్ల కూడా కంటి చూపు తగ్గుతుంది. అందుకే మీ ఆహారంలో విటమిన్ ఎ,  విటమిన్ సి, జింక్, ఒమేగా -3 కొవ్వు ఆమ్లాలు ఎక్కువగా ఉండేట్టు చూసుకోండి. ఇవి కంటి ఆరోగ్యానికి చాలా మంచిది.

నీళ్లు సరిపడా తాగకపోయినా కంటి ఆరోగ్యం దెబ్బతింటుంది. అందుకే నీటిని పుష్కలంగా తాగండి.  నిద్రలేమి కూడా కళ్ళ ఆరోగ్యాన్ని ప్రభావితం చేస్తుంది. అందుకే రోజుకు 7 నుంచి 8 గంటలు నిద్ర తగ్గకుండా పడుకోండి.