మలబద్దకం సమస్యతో బాధపడుతున్నారా? దీనికి కారణాలు, చికిత్స ఏంటంటే..

రక్తస్రావం, బరువు తగ్గడం, పొత్తికడుపులో నొప్పి ఉంటే మలబద్దకం ప్రమాదకరంగా మారుతుంది. ఎందుకంటే ఇవి పెద్దపేగు లేదా మల కణితులు కావొచ్చు.   

Constipation

మలబద్ధకం అనేది ఒక సాధారణ జీర్ణశయాంతర రుగ్మత. జనాభాలో సుమారు 20 శాతం మంది ఈ సమస్యతో బాధపడుతున్నారు. వృద్ధుల్లోనే ఈ సమస్య ఎక్కువగా కనిపిస్తుంది. చిన్న పిల్లలతో పోల్చితే  వృద్ధ మహిళలే తీవ్రమైన మలబద్ధకంతో ఎక్కువగా బాధపడుతున్నారట. ఈ మలబద్దకం ఎన్నో సమస్యలకు దారితీస్తుంది. అందుకే ఈ సమస్య బారిన పడకుండా చూసుకోవాలి. 

మలబద్దకానికి కారణాలు

జీవనశైలిలో సమస్యలు, ఫైబర్ కంటెంట్ ను తక్కువగా తీసుకోవడం, నీటిని తక్కువగా తాగడం,  వ్యాయామం చేయకపోవడం ఈ సమస్యకు సాధారణ కారణాలు. డయాబెటిస్, థైరాయిడ్ సమస్యలు, మూత్రపిండాల వ్యాధులు, గుండె జబ్బులు, పార్కిన్సోనిజం, స్ట్రోక్, వెన్నుపాము సమస్యలు వంటి రోగాలు కూడా మలబద్దకానికి దారితీస్తాయి. ముఖ్యంగా యాంటాసిడ్లు, ఐరన్ సప్లిమెంట్స్, కొన్ని రకాల బీపీ మందులు, యాంటిడిప్రెసెంట్స్ వంటివి కూడా మలబద్దకానికి దారితీస్తాయి. మలబద్దకం సమస్యతో పాటుగా రక్తస్రావం, బరువు తగ్గడం లేదా పొత్తి కడుపులో గడ్డలు ఉంటే ఈ మలబద్దకం ప్రమాదకరంగా పరిగణించాలని హెచ్చరిస్తున్నారు. ఎందుకంటే ఇవి పెద్దప్రేగు లేదా మల కణితులు కావొచ్చంటున్నారు డాక్టర్లు, ఆరోగ్య నిపుణులు. 

అవసరమైన పరీక్షలు చేయించుకోవాలి

రక్తంలో చక్కెరలు, థైరాయిడ్, కాల్షియం, భాస్వరం, హిమోగ్లోబిన్ వంటి మెడికల్ టెస్ట్ లు తప్పకుండా చేయించుకోవాలి. గుండె, మూత్రపిండాలు ఆరోగ్యంగా ఉండటానికి నీటిని పుష్కలంగా తాగాలి.  మూత్రపిండాల వ్యాధులు నీటిని సరిగ్గా తాగకపోతే వస్తాయి. ఇలాంటి వారు ఉదయం లేవగానే ఒక లీటరు నుంచి 1,250 మి.లీ గోరువెచ్చని నీటిని తాగాలి. మరో 2 లీటర్ల నీటిని రోజంతా తాగాలి. ఉదయం 8 లేదా 8:30 సమయంలో బ్రేక్ ఫాస్ట్ ను చేయండి. పండ్లు,  కూరగాయలతో రాత్రి 7 గంటలకు ముందే తేలికపాటి భోజనం చేయండి. తింటున్నప్పుడు నీటిని తాగడం మానేయండి. తిన్న తర్వాత అరగంట లేదా గంట  తర్వాతే నీటిని తాగండి. 20 నిమిషాల కన్నా తక్కువసేపు ఆహారం తింటూ.. ఫుడ్ ను బాగా నమలక పోతే మలబద్దకం సమస్య వస్తుంది. ప్రతి ఒక్కరూ రోజుకు ౩౦ నిమిషాలైనా నడవాలి లేదా పరిగెత్తాలి. ప్రతి భోజనంలో 30 నుంచి 40 శాతం సలాడ్ ఉండాలి. పచ్చిగా లేదా 5 నిమిషాల కన్నా తక్కువ ఉడికించి తినాలి.

వైద్యుడిని ఎప్పుడు సంప్రదించాలి? 

మీకు మలబద్ధకం సమస్య ఉంటే వైద్యుడిని  తప్పకుండా సంప్రదించండి. లక్షణాలు మరీ ఎక్కువగా ఉంటే గ్యాస్ట్రోఎంటరాలజిస్ట్ ను సంప్రదించండి. మందుల ద్వారా కూడా మలబద్దకం సమస్యను తగ్గించుకోవచ్చు. అయితే కొంతమందికి బయోఫీడ్బ్యాక్ చికిత్స అవసరమవుతుంది. 

constipation

మలబద్దకాన్ని తగ్గించుకోకపోతే రక్తస్రావం అయ్యి పైల్స్ వస్తుంది. అలాగే నిరాశ, నిద్ర రుగ్మతలు, మానసిక సమస్యలు వస్తుంటాయి. మలబద్ధకం అనేది సర్వ సాధారణ సమస్య. ఇది తిరిగి వచ్చే అవకాశం ఉంది. కానీ సరైన జాగ్రత్త,  శ్రద్ధతో నివారించవచ్చు.