Fruits for Pregnant Women: గర్భధారణ సమయంలో పండ్లు తినడం వల్ల తల్లీ బిడ్డ ఇద్దరూ ఆరోగ్యంగా ఉంటారు. పండ్లలో ఉండే పోషకాలు, విటమిన్లు, ఖనిజాలు, ఫైబర్ తల్లీ బిడ్డ ఆరోగ్యానికి ఎంతో అవసరం కూడా.
గర్భాధారణ సమయంలో ప్రతి స్త్రీ తమ ఆరోగ్యం పట్ల ఎంతో శ్రద్ధ తీసుకోవాల్సి ఉంటుంది. ఎందుకంటే.. ఈ సమయంలో వీరు తీసుకునే ఆహారమే తల్లి ఆరోగ్యం, మీ బిడ్డ ఆరోగ్యం ఎలా ఉండాలో డిసైడ్ చేస్తుంది. ముఖ్యంగా బిడ్డ ఎదుగుదల బాగుండాలంటే పోషకాహారం తప్పక తీసుకోవాల్సి ఉంటుంది. ఈ పోషకాలన్నీ తల్లి ద్వారానే బిడ్డకు అందుతాయి. కాబట్టి బిడ్డ ఆరోగ్యానికి ఎలాంటి పోషకాలు తీసుకోవాలో తెలుసుకోవడం చాలా ముఖ్యం.
అయితే గర్భంతో ఉన్నప్పుడు కొన్ని రకాల పండ్లకు దూరంగా ఉండాల్సి ఉంటుంది. కానీ కొందరికీ ఏ పండ్లు తినాలో తెలియక మొత్తం అన్ని పండ్లను అవాయిడ్ చేస్తుంటారు. కానీ ఈ సమయంలోపండ్లు తినడం వల్ల తల్లి, బిడ్డ ఆరోగ్యానికి ఎంతో మేలు జరుగుతుంది. ఎందుకంటే పండ్లలో పోషకాలు సమృద్ధిగా ఉంటాయి. అలాగే విటమిన్లు, ఖనిజాలు, ఫైబర్ కూడా పుష్కలంగా ఉంటాయి. ఇవన్నీ తల్లీ బిడ్డలను క్షేమంగా ఉంచుతాయి.
గర్భిణులుగా ఉన్న సమయంలో కొన్నిరకాల పండ్లను తప్పకుండా తినాలి. వీటి ద్వారానే బిడ్డ ఎదుగుదలకు అవసరమైన పోషకాలు లభిస్తాయి. అంతేకాదు ఈ పండ్లు ఆకలిని తీర్చడానికి కూడా సహాయపడతాయి. ఈ పండ్లు జంక్ ఫుడ్స్ ను తినాలన్నా కోరికలను కూడా తగ్గిస్తాయి. గర్భధారణ తప్పక తినాల్సిన పండ్లేమిటో తెలుసుకుందాం పదండి.
అరటిపండ్లు (Banana) .. గర్భిణీ స్త్రీలకు అరటిపండ్లు సూపర్ ఫుడ్ అనే చెప్పాలి. ఇందులో క్యాల్షియం, పొటాషియం సమృద్ధిగా ఉంటాయి. ఇది మలబద్ధకాన్ని నివారించడంలో సహాయపడుతుంది. అరటిపండ్లలో ఒమేగా -3, ఒమేగా -6 వంటి అవసరమైన కొవ్వు ఆమ్లాలు కూడా ఉన్నాయి. ఒమేగా -3 కొవ్వు ఆమ్లాలు ప్రసవానికి ముందు నొప్పి, ప్రసవ ప్రమాదాన్ని కూడా తగ్గించడంలో సహాయపడతాయి, అలాగే ప్రీక్లాంప్సియా, నిరాశ వంటి సమస్యలను తగ్గిస్తాయి.
ఆపిల్ (Apple) .. ఆపిల్ పండ్లు మన ఆరోగ్యానికి ఎంతో మేలు చేస్తాయి. అందులోనూ గర్భవతులు తప్పక తినాల్సిన పండ్లలో ఇదీ ఒకటి. ఈ పండు తినడం వల్ల మీ బిడ్డ రోగనిరోధక శక్తిని, బలాన్ని పెంచుతుంది. ఆపిల్స్ లో పోషకాలు, విటమిన్లు ఎ, ఇ, డి, జింక్ వంటివి పుష్కలంగా ఉంటాయి.
కివి (Kiwi).. కివిలో విటమిన్ సి, విటమిన్ ఇ, విటమిన్ ఎ, పొటాషియం, ఫాస్ఫరస్, మెగ్నీషియం, ఫోలిక్ యాసిడ్, డైటరీ ఫైబర్ వంటివి పుష్కలంగా ఉన్నాయి. జలుబు లేదా దగ్గు రాకుండా నిరోధించడంలో కూడా కివి ఎంతో సహాయపడుతుంది. ఎందుకంటే వీటిలో భాస్వరం ఎక్కువగా ఉంటుంది. ఇందులో ఉండే ఇనుము శోషణకు సహాయపడుతుంది. కివి రక్తం గడ్డకట్టే ప్రమాదాన్ని కూడా తగ్గిస్తుంది.
నారింజ (Orange)..నారింజ ఇతర సిట్రస్ పండ్లలో విటమిన్ సి పుష్కలంగా ఉంటుంది. ఇది శిశువు ఎముకలు, దంతాలు ఏర్పడటానికి సహాయపడతుంది. అలాగే బిడ్డ పెరగడానికి ఈ విటమిన్ ఎంతో ఉపయోగపడుతుంది. విటమిన్ సి ఇనుమును శోషించుకోవడానికి కూడా సహాయపడుతుంది, ఇది శరీరానికి అవసరమైన ముఖ్యమైన ఖనిజం.
నేరేడు (Apricot) పండు.. నేరెడు పండు ఫోలిక్ యాసిడ్, కాల్షియం, పొటాషియం, మెగ్నీషియం, ఇతర విటమిన్లు, ఖనిజాలు పుష్కలంగా ఉంటాయి. ఎండిన ఆప్రికాట్లలో ఇనుము, ఫైబర్ పుష్కలంగా ఉంటాయి. ఇది ఎర్ర రక్త కణాల సంఖ్యను పెంచడానికి సహాయపడుతుంది.