జుట్టుకు షికాకాయ పెడితే ఏమౌతుందో తెలుసా?

జుట్టుకు షికాకాయని ఎన్నో ఏండ్లుగా ఉపయోగిస్తున్నారు. కానీ నేటి తరానికి ఇది మన జుట్టుకు చేసే మేలు గురించి అస్సలు తెలియదు. అసలు జుట్టుకు షికాకాయను పెట్టడం వల్ల కలిగే ఆరోగ్య ప్రయోజనాలేంటో ఇప్పుడు తెలుసుకుందాం పదండి. 

షికాకాయలో మన జుట్టుకు మేలు చేసే ఎన్నో పోషకాలు పుష్కలంగా ఉంటాయి. దీనిలో విటమిన్ ఎ, విటమిన్ ఇ, విటమిన్ సి, విటమిన్ డి, విటమిన్ కె లు పుష్కలంగా ఉంటాయి. ఈ షికాకాయి మన జుట్టుకు అవసరమైన పోషణను అందిస్తుంది. దీనిలో ఎక్స్ఫోలియేటింగ్ లక్షణాలు కూడా ఉంటాయి.

ఇవి నెత్తిమీద చనిపోయిన చర్మ కణాలను సులువుగా తొలగిస్తాయి. అంతేకాదు ఇవి జుట్టుకు మంచి తేమను అందించి జుట్టు పొడుగ్గా పెరగడానికి సహాయపడుతుంది.

అంతేకాకుండా ఈ షికాకైలో యాంటీమైక్రోబయల్ లక్షణాలు కూడా ఉంటాయి. ఇవి నెత్తిమీద ఇన్ఫెక్షన్లను తగ్గిస్తాయి. దీనిలో ఉండే యాంటీ ఆక్సిడెంట్ లక్షణాలు జుట్టును ఆక్సీకరణ ఒత్తిడి నుంచి రక్షిస్తాయి.

జుట్టుకు షికాకాయ ప్రయోజనాలు

జుట్టు రాలడం తగ్గుతుంది

పెద్దలకే కాదు టీనేజర్లకు కూడా జుట్టు విపరీతంగా రాలుతుంటుంది. ఈ సమస్యను తగ్గించుకోవడానికి షికాకై బాగా ఉపయోగపడుతుంది. దీనిల ఉండే విటమిన్లు, ఇతర లక్షణాలు  జుట్టు రాలడాన్ని చాలా వరకు తగ్గిస్తాయి. అలాగే ఇది మీ జుట్టును అందంగా చేస్తుంది. 

జుట్టు పెరుగుతుంది

ఎన్నో ఏండ్లుగా  షికాకాయి పౌడర్ ను జుట్టు పెరగడానికి ఉపయోగిస్తూ వస్తున్నాయి. మీ జుట్టు చిన్నగా ఉంటే గనుక మీరు షికాకైని వాడండి. ఈ షికాకై లో ఉండే రకరకాల విటమిన్లు మీ జుట్టుకు అవసరమైన పోషణను అందిస్తాయి. దీంతో మీ జుట్టు ఆరోగ్యంగా పెరుగుతుంది. 

చుండ్రు తగ్గుతుంది

చుండ్రు వల్లే జుట్టు ఎక్కువగా ఊడిపోతుంది. అయితే చుండ్రును తగ్గించడంలో ఈ షికాకాయి పౌడర్ చాలా ఎఫెక్టీవ్ గా పనిచేస్తుంది. ఈ పౌడర్ జుట్టు, నెత్తిమీద తొందరగా పోగొడుతుంది.చుండ్రును వదిలించుకోవడానికి  సింపుల్ డిఐవై మాస్క్ కోసం పెరుగుతో కలపండి.

జుట్టు ఆకృతిని మెరుగుపరుస్తుంది

కొందరి జుట్టు జీవం లేనట్టుగా ఉంటుంది. ఇలాంటి జుట్టుకు షికాకై బాగా ఉపయోగపడుతుంది. మీ హెయిర్ వాష్ దినచర్యలో షికాకాయిని ఉపయోగిస్తే మీ జుట్టు షైనీగా, ఆరోగ్యంగా ఉంటుంది. దీని పోషణ జుట్టు నష్టాన్ని తగ్గిస్తుంది. దీనిని ఉపయోగించడం వల్ల జుట్టు సహజంగా మెరుస్తుంది. షికాకై ని రెగ్యులర్ గా ఉపయోగించడం వల్ల మీ జుట్టు ఆరోగ్యంగా, నిండుగా కనిపిస్తుంది.