Arthritis: కీళ్ల నొప్పులతో బాధపడేవారు ఈ ఆహారాలను అస్సలు తినకూడదు.. లేదంటే నొప్పులు ఎక్కువవుతాయి జాగ్రత్త..

Arthritis: ప్రస్తుతం కీళ్ల నొప్పులతో బాధపడేవారి సంఖ్య బాగా పెరిగింది. ఎన్ని హాస్పటల్లు తిరిగినా, ఎన్ని మందులు వాడినా ఈ నొప్పులు మాత్రం విడిచిపోవు. అయితే వీరు కొన్ని రకాల ఆహార పదార్థాలు తింటే ఆ నొప్పులు ఇంకా ఎక్కువయ్యే ప్రమాదం  ఉంది.

Arthritis:కీళ్ల నొప్పులతో ఇబ్బందులు ఎదుర్కొనే వారికి చలికాలంలో ఈ నొప్పులు ఎక్కువయ్యే ప్రమాదం ఉందని ఆరోగ్య నిపుణులు చెబుతున్నారు. ఈ సమస్యతో బాధపడేవారికి కీళ్లు వాపు , నొప్పులు ఎక్కువగా వస్తూ ఉంటాయి. నొప్పి లేదా వాపు వారి పరిస్థితులను బట్టి అది రుమటాయిడ్ ఆర్ధరైటిస్ లేదా ఆస్టియో ఆర్ధరైటిసో వైద్యులు నిర్ధారిస్తారు. అయితే ఈ రెండింటి లక్షణాలు కూడా ఒకేలా ఉంటాయని వైద్యులు చెబుతున్నారు. ఈ సమస్యలు రావడానికి అసలైన కారణాలు తెలియలేదు కానీ.. ఆహారం కూడా దీనిపై ప్రభావంల చూపిస్తుందని కొంతమంది వైద్యులు విశ్వసిస్తున్నారు. అంటే నొప్పి తీవ్రమవడం, వాపు రావడం వంటివన్న మాట. కొన్ని రకాల ఆహార పదార్థాలు తింటే కీళ్ల వాపు, నొప్పులు మరింత ఎక్కువ అవుతాయి. అవేంటో ఇప్పుడు తెలుసుకుందాం.

డీప్ గా వేయించిన ఆహార పదార్థాలు కీళ్ల నొప్పులను అధికం చేస్తాయి. అందుకే ట్రాన్స్ ఫ్యాట్ లు ఎక్కువ మొత్తంలో ఉండే ఆహార పదార్థాలను తినకూడదు. రుమాటాయిట్ ఆర్ధరైటిస్ కు పొట్టలోని చెడు బ్యాక్టీరియాకు సంబంధం ఉంటుందని అమెరికాకు చెందిన మాయో క్లినిగ్ పరిశోధన వెళ్లడించింది. మన శరీరంలో చెడు బ్యాక్టీరియా కంటే మంచి బ్యాక్టీరియానే ఎక్కువ మొత్తంలో ఉండాలి. ఎందుకంటే చెడు బ్యాక్టీరియా వల్ల ఈ కీళ్ల నొప్పులు మరింత ఎక్కువ అవుతాయి. కాగా వేయించిన ఫుడు తింటే చెడు బ్యాక్టీరియా పెరుగుతుంది. సో ఇలాంటి ఫుడ్ కు దూరంగా ఉండాలి.

మద్యపానం:  ఆల్కహాల్ ఆరోగ్యానికి ఏ విధంగా మంచిది కాదు. ఆల్కహాల్ ఉన్న ఏ పానియాలైనా శరీరానికి చెడు చేసేవే కానీ ఎప్పుడూ మంచి చేయవు. అయితే Antioxidants ఉన్న వైన్ తాగితే వచ్చే నష్టం ఏమీ లేదని ఆరోగ్య నిపుణులు చెబుతున్నారు. కాకపోతే దీన్ని కూడా మితంగానే తాగాలి. వోడ్కా, బీరు, బ్రాంది వంటి ఆల్కహాల్ ను మాత్రం అస్సలు తాగకూడదు. ఇందులో యూరిక్ ఆసిడ్ ఉంటుంది. దీని వల్ల కీళ్ల నొప్పులు మరింత పెరుగుతాయి. అలా అని తియ్యని సోడాలు కూడా ఆరోగ్యానికి మంచివి కావు. 

కీళ్ల నొప్పులు ఉన్న వారు కొన్ని రకాల కూరగాయలకు దూరంగా ఉండాలి. బంగాళదుంపలు, టమోటాలు, వంకాయలు, మిరియాలను చాలా తక్కువ మొత్తంలో తినాలని ఆరోగ్య నిపుణులు సూచిస్తున్నారు. ఎందుకంటే ఇవి నొప్పిని మరింత పెంచుతాయి. అయితే వీటని పూర్తిగా కూడా మానేయకూడదు. ఎందుకంటే పోషకాహార లోపం ఏర్పడుతుంది కాబట్టి. అందుకే వీటిని తీసుకునే ముందు వైద్యులను సంప్రదించడం మంచిది. 

కీళ్ల నొప్పులతో బాధపడేవారు Processed food కు ఎంత దూరంగా ఉంటే అంత మంచిది.  చక్కెరతో చేసిన ఆహారాలకు దూరంగా ఉండాలి. ఎందుకంటే షుగర్ ను ప్రాసెస్ చేసే అమ్ముతారు కాబట్టి. అందుకే చక్కెరకు బదులుగా బెల్లంతో తయారుచేసిన ఫుడ్ ను తీసుకోవాలి. దీన్ని తింటే ఎటువంటి సమస్యలు రావు.