ఉసిరి నీటిని తాగితే ఎన్ని సమస్యలు తగ్గిపోతాయా...?

ఉసిరి ప్రయోజనాలు: ఉసిరి మనకు ఎన్నో విధాలా మేలు చేస్తుంది. ముఖ్యంగా క్రమం తప్పకుండా ఉసిరి వాటర్ ను తాగితే ఎన్నో అనారోగ్య సమస్యలు తగ్గిపోతాయి.   

ఉసిరి చేసే మేలు దాదాపుగా అందిరికీ ఎరుకే. దీనిలో ఇతర పోషకాలతో పాటుగా విటమిన్ సి ఎక్కువ మొత్తంలో ఉంటుంది. అందుకే దీన్ని సూపర్ ఫుడ్ అంటారు. సాధారణంగా ఉసిరితో చట్నీ, ఊరగాయ, జ్యూస్ లను తయారుచేసుకుని తీసుకంటారు. దీన్ని ఏ రూపంలో తీసుకున్నా ప్రయోజనాలు మాత్రం పక్కాగా అందుతాయి. అయితే ఉసిరి నీటిని ప్రతిరోజూ ఉదయం ఖాళీకడుపున తాగితే  ఎన్నో  అనారోగ్య సమస్యలు తొలగిపోతాయని పోషకాహార నిపుణులు చెబుతున్నారు. 

ఉసిరిలో విటమిన్ ఎ, విటమిన్ ఇ, విటమిన్ సి, పిండి పదార్థాలు, కాల్షియం, ఫైబర్,ప్రోటీన్లు పుష్కలంగా ఉంటాయి. ఇకపోతే దీనిలో కొంచెం కూడా చక్కెర ఉండదు. ఈ కాయ మన ఆరోగ్యానికి ఎంతో సహాయపడుతుందని నిరూపించబడింది కూడా. 

ఉసిరి నీటిని తయారుచేసే పద్దతి

ముందుగా గ్లాస్ నీటిని తీసుకుని అందులో ఒక టీస్పూన్ ఉసిరి పొడిని వేసి మిక్స్ చేయండి. ఈ నీటిని బాగా కలగలిపి ఫిల్టర్ చేసి తాగండి. అది కూడా ఉదయం పరిగడుపున. అప్పుడే మీ ఆరోగ్యం మరింత బాగుంటుంది. 

ఉసిరి నీటిని తాగడం వల్ల కలిగే ప్రయోజనాలు

బరువును తగ్గిస్తుంది

ఉసిరిలో అమైనో ఆమ్లాలు అధిక మొత్తంలో ఉంటాయి. ఇవి బరువును తగ్గించడంలో ఎఫెక్టీవ్ గా పనిచేస్తాయి. అంతేకాదు ఇవి జీవక్రియ రేటును కూడా పెంచుతాయి. దీంతో నడుము, పొట్ట చుట్టు ఉండే కొవ్వు తొందరగా తగ్గిపోతుంది. ఇందుకే ఉసిరి వాటర్ ను బరువును తగ్గించే పానీయం అంటారు. 

మధుమేహులకు ప్రయోజనకరంగా ఉంటుంది..

ఉసిరి వాటర్ మధుమేహులకు దివ్య ఔషదంలా పనిచేస్తుంది. అయితే మధుమేహం వల్ల ఎన్నో రకాల రోగాలొచ్చే ప్రమాదం ఉంది. అయితే షుగర్ పేషెంట్లు రెగ్యులర్ గా ఉదయం పరిగడుపున ఉసిరి వాటర్ ను తాగడం వల్ల రక్తంలో చక్కెర స్థాయిలు నియంత్రణలో ఉంటాయి. 

జుట్టుకు, చర్మానికి మంచిది

ఉసిరి చర్మానికి, జుట్టుకు కూడా మేలు చేస్తుంది. అందుకే దీనిని బ్యూటీ ప్రొడక్ట్స్ లో కూడా ఉపయోగిస్తారు. ఇవి అందాన్ని పెంచడంలో కీలక పాత్ర పోషిస్తాయి. క్రమం తప్పకుండా ఉసిరి వాటర్ ను తాగడం వల్ల ముడతలు, మొటిమలు తగ్గిపోతాయి. ఈ నీరు జుట్టును బలంగా, నల్లగా, ఒత్తుగా పెరిగేలా చేస్తుంది.