Ambani: బంగారం, డైమండ్స్ కాదు, అంబానీ పెద్ద కోడలు శ్లోకా కి ఈ బ్రేస్లెట్ ఎందుకు ఫేవరేట్?

శ్లోకా ఫ్యాషన్ విషయంలో ఎప్పుడూ ట్రెండ్ సెట్ చేస్తూనే ఉంటుంది. ముఖ్యంగా ఆమె దుస్తులు, జ్యూవెలరీ, తన వాచ్ , హ్యాండ్ బ్యాగ్ కలెక్షన్లతో ఆకట్టుకుంటూ ఉంటుంది.

అంబానీ పెద్ద కోడలు..

ముకేష్ అంబానీ మన దేశంలోనే అత్యంత ధనవంతుడు. రిలయన్స్ ఇండస్ట్రీస్ కి అధినేత అయిన ఆయన తరచూ ఏదో ఒక విషయంలో వార్తల్లోకి ఎక్కుతూనే ఉంటాడు. ఆయనతో పాటు.. ఆయన కుటుంబ సభ్యులు కూడా వార్తల్లో నిలుస్తూనే ఉంటారు. తాజాగా.. ముకేష్ అంబానీ పెద్ద కోడలు శ్లోకా మెహతా నెట్టింట వైరల్ గా మారింది. శ్లోకా ఫ్యాషన్ విషయంలో ఎప్పుడూ ట్రెండ్ సెట్ చేస్తూనే ఉంటుంది. ముఖ్యంగా ఆమె దుస్తులు, జ్యూవెలరీ, తన వాచ్ , హ్యాండ్ బ్యాగ్ కలెక్షన్లతో ఆకట్టుకుంటూ ఉంటుంది. కాగా, తాజాగా ఆమె ధరించిన ఓ బ్రేస్లెట్ నెట్టింట వైరల్ గా మారింది.

బ్రేస్లెట్ స్పెషాలిటీ..

రీసెంట్ గా శ్లోకా మెహతా మసూమ్ మినావాలా పాడ్ కాస్ట్ లో పాల్గొన్నారు.చాలా సింపుల్ లుక్ లో అందరినీ ఆకట్టుకుంది. అయితే.. ఆమె చేతికి ఉన్న ఒక పూసల బ్రేస్లెట్ చాలా మందిని విపరీతంగా ఆకట్టుకుంటోంది. ఈ బ్రేస్లెట్ ఇప్పుడు కాదు.. ఆమె ఏ ఫంక్షన్ లో ఏ దుస్తులు ధరించినా కూడా చేతికి మాత్రం కచ్చితంగా ఉంటుంది. దాని వెనక ఉన్న ప్రత్యేకత ఏంటో ఇప్పుడు తెలుసుకుందాం...

తన పిల్లలపై ప్రేమతో...

ఈ బ్రేస్లెట్ ని ఆమె ఫ్యాషన్ కోసం కాదు.. తన పిల్లలపై ఉన్న ప్రేమను తెలియజేయడానికి ధరించడం విశేషం. తన పిల్లలు పృథ్వీ, వేదలపై ఉన్న ప్రేమకు గుర్తుగా ఆమె ఈ బ్రేస్లెట్ ని ధరించడం విశేషం. మూడు లైన్ల పూసలు ఉన్న ఈ బ్రేస్లెట్ పైన పృథ్వీ,వేద, మమ్మా( శ్లోకా) అని రాసి ఉంటుంది. అందుకే.. ఇది ఆమెకు అంత స్పెషల్. ఏ డ్రెస్ వేసుకున్నా మర్చిపోకుండా.. దీనిని ధరిస్తూ ఉంటారు. ఓ వైపు తన పిల్లలపై ఉన్న ప్రేమను తెలియజేస్తూనే.. మరోవైపు... అది ఫ్యాషన్ లుక్ ని కూడా ఇస్తోంది. ఈ చిన్న బ్రేస్లేట్ తో తనకు తన పిల్లలపై ఎంత ప్రేమ ఉందో శ్లోక చెప్పకనే చెబుతోంది.