గుండె జబ్బులు ఆడవాళ్లకే ఎక్కువగా వస్తాయా?

ప్రపంచంలోనే నెంబర్ వన్ కిల్లర్ అయిన గుండె సంబంధిత సమస్యలతో బాదపడేవారి సంఖ్య రోజు రోజుకు ఎక్కువవుతోంది. ఒక తాజా అధ్యయనం ప్రకారం.. పురుషులతో పోలిస్తే మహిళలకే గుండె జబ్బులు ఎక్కువగా వస్తున్నాయి. 

ఇండియాతో సహా 15 దేశాలకు చెందిన 50 అధ్యయనాల విశ్లేషణ ప్రకారం.. ప్రపంచంలోనే నంబర్ వన్ కిల్లర్ అయిన గుండె సంబంధిత సమస్యలతో బాధపడుతున్నప్పుడు, చికిత్స తీసుకుంటున్నప్పుడు మహిళలు అధ్వాన్నమైన ఫలితాలను పొందారు. పీర్-రివ్యూడ్ జర్నల్ "ఆర్టిరియోస్క్లెరోసిస్, థ్రోంబోసిస్, వాస్కులర్ బయాలజీ" లో ప్రచురించబడిన ఈ విశ్లేషణ.. మహిళలు గుండె సమస్యలను ఎదుర్కొన్నప్పుడు.. వారు సాధారణ ఛాతీ నొప్పి కంటే ఎక్కువగా బాధపడతారని తేలింది.

Heart diseases

వాంతులు, దవడ నొప్పి, కడుపు నొప్పి వంటి లక్షణాలు కూడా వీరిలో సాధారణం. ఈ లక్షణాలను డాక్టర్లు లేదా రోగులు స్వయంగా తెలుసుకోకపోతే, రోగ నిర్ధారణ,  చికిత్స లేట్ అవుతుంది. ఇది వీరి పరిస్థితిని మరింత  దిగజార్చుతుందని నిపుణులు అంటున్నారు. 

గుండె సంబంధిత వ్యాధుల నిర్ధారణ, చికిత్స, లక్షణాల నిర్ధారణలో పురుషులు, మహిళల మధ్య విస్తుపోయే తేడాలను మేము కనుగొన్నాము" అని యూనివర్శిటీ ఆఫ్ మేరీల్యాండ్ స్కూల్ ఆఫ్ మెడిసిన్ కు చెందిన జుకర్బర్గ్ కాలేజ్ ఆఫ్ హెల్త్ సైన్సెస్ అసోసియేట్ ప్రొఫెసర్ మహ్ది ఓ గరెల్నాబి అన్నారు. కరోనా లక్షణాలు కనిపించిన తర్వాత పురుషుల కంటే మహిళలే లేట్ గా హాస్పటల్ కు వెళ్లారని, పురుషులతో సమానంగా మహిళలను డాక్టర్లు ఆసుపత్రిలో చేర్చుకోవడం లేదని ఆయన అన్నారు.

యువతుల్లో హార్ట్ ఎటాక్ రేట్ పెరుగుతోందని ఈ విశ్లేషణలో తేలింది. ఈ మధ్య కాలంలో  35 నుంచి 54 సంవత్సరాల వయసున్న మహిళల్లో గుండెపోటు 21 శాతం నుంచి 31 శాతానికి పెరిగింది. పురుషుల రేటు కూడా కొద్దిగా పెరిగింది.  వీరి శాతం 30 నుంచి 33 శాతానికి పెరిగింది.

కొరోనరీ ఆర్టరీ డిసీజ్ ఉన్న దాదాపు 15,000 మంది రోగులపై జరిపిన మరో అధ్యయనంలో.. యువ రోగుల్లో.. మహిళలు 30 రోజుల్లో చనిపోయే ప్రమాదం ఆరు రెట్లు పెరిగిందని విశ్లేషణ వెల్లడించింది. యువతుల్లో హార్ట్ ఎటాక్ రేటు పెరుగుతుండటం ఆందోళన కలిగిస్తోందని గరెల్నాబీ అన్నారు. గర్భధారణ సమయంలో అకాల రుతువిరతి, ఎండోమెట్రియోసిస్, రక్తపోటు సమస్యలు మహిళలకు ప్రమాద కారకాలని అంటున్నారు. 

ఫ్లోరిడా హాస్పటల్స్ లో చికిత్స పొందిన రోగుల ఒక అధ్యయనంలో.. మహిళలకు మహిళా వైద్యులు చికిత్స చేసినప్పుడు.. మొత్తం అధ్యయన జనాభాతో పోలిస్తే వారి మరణాల సంభావ్యత 11.9 శాతం నుంచి 5.4 శాతానికి తగ్గిందని ఫలితాలు చూపించాయి. లక్షణాలు, ఆసుపత్రిలో చేరడం, రోగ నిర్ధారణ, చికిత్సల కోసం లింగం ద్వారా తేడాలు హృదయ సంబంధ వ్యాధులకు పురుషుల కంటే మహిళలు అధ్వాన్నమైన ఫలితాలను పొందుతున్నారని డేటా చూపిస్తుంది" అని గరెల్నాబి అన్నారు.