బరువు తగ్గాలంటే సరైన డైట్ ను పాటించడమే కాదు..దాన్ని సరైన టైంలో ఫాలో కావాలని ఆరోగ్య నిపుణులు చెబుతున్నారు. నిపుణుల ప్రకారం.. మధ్యాహ్నం ఒక సమయంలో తింటే మీరు బరువు తగ్గే అవకాశం ఎక్కువగ ఉంటుంది.
చాలా మంది ఆహారపు అలవాట్లు సరిగ్గా లేవు. దీనికి తోడు ఎలాంటి శారీరక శ్రమ లేకపోవడంతో చిన్న వయసులోనే అధిక బరువు బారిన పడుతున్నారు. ముఖ్యంగా 30 నుంచి 50 ఏళ్ల మధ్య వయసున్న ఆడవాళ్లు, మగవారు ఊబకాయంతో బాదపడుతున్నారు.
ఇక ఎలాగైనా బరువు తగ్గాలని ఎన్నో ప్రయత్నాలు కూడా చేస్తున్నారు. దీనికోసం ఎన్నో పద్దతులను ఫాలో అవుతున్నారు. అయినా కొంచెం కూడా బరువు తగ్గని వారున్నారు. అయితే బరువు తగ్గాలనుకునేవారు మధ్యాహ్న ఏ టైంలో తింటే మంచిదో ఇప్పుడు తెలుసుకుందాం పదండి.
బరువు తగ్గడానికి మధ్యాహ్న భోజనానికి సరైన టైం ఏది?
ఒక అధ్యయనం ప్రకారం.. మీరు తినే ఫుడ్ శరీరంలో ఉన్న ప్రోటీన్ ను ప్రభావితం చేస్తుంది. అంటే మీరు బరువు తగ్గడానికి సహాయపడే ప్రోటీన్లు మధ్యాహ్న భోజనంలో పుష్కలంగా ఉంటాయి. అందుకే మధ్యాహ్న భోజన టైం మీ బరువు తగ్గడంపై ప్రత్యక్ష ప్రభావాన్ని చూపిస్తుంది.
ఫుడ్ టైమింగ్స్ ను మార్చితే బరువు పెరుగుతారన్న మాటను వినే ఉంటారు. మీరు ఎప్పుడూ లంచ్ టైం ను మారిస్తే పక్కాగా మరింత బరువు పెరుగుతారు. అందుకే బరువు తగ్గాలనుకునేవారు భోజన సమయాన్ని ఎక్కువగా మార్చకూడదు. అయితే ఆడవారికి లంచ్ టైంలో చాలా తేడాలు ఉంటాయి. కాబట్టి మీరు ఒకేసమయానికి తినేలా చూసుకోవాలి.
అధ్యయనం ఏం చెబుతోంది?
అమెరికన్ జర్నల్ ఆఫ్ క్లినికల్ న్యూట్రిషన్ లో ప్రచురితమైన ఒక నివేదిక ప్రకారం.. ఎట్టి పరిస్థితిలో మధ్యాహ్నం 3 గంటల తర్వాత లంచ్ అస్సలు చేయకూడదు. మీరు గనుకు మధ్యాహ్నం 3 గంటల తర్వాత భోజనం చేస్తే తగ్గడానికి బదులు మరింత బరువు పెరుగుతారు.
ఈ పరిశోధనలో పాల్గొన్న 1200 మంది మధ్యాహ్నం 3 గంటల తర్వాత భోజనం చేసేవారు. వీళ్లంతా బాగా బరువు పెరిగారు. అయితే మధ్యాహ్నం 3 గంటల లోపు లంచ్ చేయడం మొదలుపెట్టిన వారు మాత్రం ఫాస్ట్ గా బరువు తగ్గడం ప్రారంభించారు.
బరువు తగ్గడానికి లంచ్ టైమ్ ఎంత?
ఒక అధ్యయనం ప్రకారం.. మధ్యాహ్నం తినే భోజనంలో బరువు తగ్గడానికి సహాయపడే ప్రోటీన్లు మెండుగా ఉంటాయి.
అయితే జెనెటిక్స్ వల్ల బరువు పెరిగిన వారిలో ఈ ప్రోటీన్ తక్కువ స్థాయిలో ఉంటుందని పరిశోధనలో తేలింది. 3 గంటల తర్వాత భోజనం చేసే వారు అస్సలు బరువు తగ్గరు. అందుకే బరువు ఎక్కువగా ఉన్నవారు మధ్యాహ్నం 3 గంటలకల్లా భోజనం చేసేయాలి.
బరువు తగ్గడానికి భోజనం ఎందుకు ముఖ్యం?
మధ్యాహ్న భోజనం చేసే టైం మన ఆరోగ్యంపై ప్రత్యక్ష ప్రభావాన్ని చూపుతుందంటున్నారు నిపుణులు. దీనికి అసలు కారణం సిర్కాడియన్ రిథమ్. దీనినే జీవ గడియారం అంటారు. మీరు బరువు తగ్గడానికి ప్రయత్నిస్తున్నట్టైతే మార్నింగ్ బ్రేక్ ఫాస్ట్ లో ఎక్కువ కేలరీలున్న ఫుడ్ ను తినొచ్చు.
మధ్యాహ్నం తినడానికి సరైన సమయం ఏది?
మీరు హెల్తీగా తినడం ముఖ్యమే. కానీ దాన్ని ఎప్పుడు తింటున్నారనేది ఇంకా ముఖ్యం. ఎందుకంటే సరైన సమయానికి తింటేనే మీ జీవ గడియారం సక్రమంగా పనిచేస్తుంది. మధ్యాహ్నం ఒంటిగంట నుంచి 3 గంటల మధ్య భోజనం చేస్తే మీరు ఆరోగ్యంగా ఉంటారు.
మధ్యాహ్న భోజనంతో పాటుగా రాత్రి భోజనం కూడా సమయానికే తినాలి. సాయంత్రం 5 నుంచి 7 గంటల మధ్య తింటే సరిపోతుంది. ఇక ఉదయం 6 గంటల నుంచి 9 గంటల మధ్య బ్రేక్ ఫాస్ట్ చేయాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి