ఎండాకాలంలో వీటిని తింటే మీరు ఖచ్చితంగా బరువు తగ్గుతారు

నిజానికి బరువు తగ్గడం చాలా కష్టమైన పని అని చాలా మంది అనుకుంటారు. కానీ ఖచ్చితంగా ట్రై చేస్తే మంచి మీరు కోరుకున్న విధంగా బరువు తగ్గుతారు. అయితే ఈ ఎండాకాలంలో కొన్ని ఆహారాలను తిన్నా వేగంగా బరువు తగ్గుతారని ఆరోగ్య నిపుణులు చెబుతున్నారు.   

ప్రస్తుతం ఎండలు దంచికొడుతున్నాయి. దీంతో బాడీ టెంపరేచర్ బాగా పెరిగిపోతుంది. అయితే కొన్ని ఆహారాలు శరీరాన్ని చల్లబరచడమే కాదు.. ఆకలిని కూడా నియింత్రణలో ఉంచుతాయి. నిజానికి వేడి ఆకలిని తగ్గిస్తుంది. నిర్జలీకరణాన్ని పెంచుతుందని నిపుణులు చెబుతున్నారు. ఎండాకాలంలో బరువు తగ్గాలనుకునేవారు ఖచ్చితంగా తినాల్సిన ఆహారాలేంటో ఇప్పుడు తెలుసుకుందాం.. 

తాజా సీజనల్ ఫ్రూట్స్

సీజనల్ పండ్లు మన ఆరోగ్యానికి ఎంతో మేలు చేస్తాయి. పుచ్చకాయల నుంచి మామిడి, బెర్రీల వరకు సీజనల్ ఫ్రూట్స్ ఎండాకాలంలో పుష్కలంగా లభిస్తాయి. ఈ పండ్లలో విటమిన్లు సమృద్ధిగా ఉంటాయి. అంతేకాదు వీటిలో వాటర్ కంటెంట్ కూడా ఎక్కువగా ఉంటుంది. తగ్గిన ఆకలిని పెంచడానికి ఈ పండ్లు సహాయపడతాయి. పుచ్చకాయలు, ఖర్బూజాలు, పైనాపిల్స్, పీచెస్ వంటి హైడ్రేటింగ్ పండ్లను రోజూ తినండి. వీటిలో విటమిన్ సి సమృద్ధిగా ఉంటుంది. ఇది మీ ఇమ్యూనిటీ శక్తిని పెంచుతుంది. అలాగే మీ శరీరంలోని నీటి స్థాయి తగ్గకుండా చూస్తుంది. శరీర ఉష్ణోగ్రతను అదుపులో ఉంచడానికి సహాయపడుతుంది. 

సత్తు డ్రింక్

ఎండాకాలంలో సత్తు పానీయాన్ని ఎక్కువగా తాగుతుంటారు. ఎందుకంటే దీనిలో శీతలీకరణ, హైడ్రేటింగ్  లక్షణాలు ఉంటాయి. అంతేకాదు ఇది పోషకాలకు అద్భుతమైన మూలం. ప్రోటీన్, ఫైబర్, కాల్షియం, మెగ్నీషియం అధికంగా ఉండే ఈ పానీయాన్ని తీసుకోవడం మీ రోజువారీ పోషక అవసరాలు తీరుతాయి. అలాగే ఇది మీ శరీరాన్ని కూల్ గా ఉంచుతుంది. 

సలాడ్ లు

ఆరోగ్య నిపుణుల ప్రకారం.. ఎండాకాలంలో సలాడ్స్ ను తింటే కూడా ఎంతో మంచి జరుగుతుంది. సలాడ్స్ వంటి పచ్చి, శుభ్రమైన ఆహారాన్ని తినడం వల్ల అపారమైన ఆరోగ్య ప్రయోజనాలను పొందుతారు. కాలే, పాలకూర వంటటి ఆకుకూరలలో కెరోటినాయిడ్లు పుష్కలంగా ఉంటాయి. వీటిని మన శరీరం విటమిన్ ఎగా మారుస్తుంది. విటమిన్ ఎ హానికరమైన యువి కిరణాల నుంచి మనకు రక్షణ కల్పిస్తుంది. ఇది సూర్యుడికి వ్యతిరేకంగా చర్మం నిరోధకతను బలోపేతం చేయడానికి సహాయపడుతుంది. దీంతతో పొడి చర్మం సమస్య తొలగిపోతుంది. వీటికి మీకు తాజా సిట్రస్ పండ్లను కూడా జోడించొచ్చు.

ice tea

ఐస్ టీలు

ఐస్డ్ కాఫీని కూడా సమ్మర్ లో ఎక్కువగా తాగుతారు. పెరుగుతున్న ఉష్ణోగ్రతల నుంచి మిమ్మల్ని హైడ్రేట్ గా చేయడానికి ఈ పానీయం బాగా సహాయపడుతుంది. పుదీనా, నిమ్మకాయ, పీచెస్, కొన్ని అదనపు బెర్రీలతో చేసిన ఐస్డ్ టీ బలే టేస్టీగా ఉంటుంది. ఇది మిమ్మల్ని ఆరోగ్యంగా ఉంచుతుంది. 

కొబ్బరి నీరు

కొబ్బరి నీటిలో ఎలక్ట్రోలైట్స్ ఉంటాయి. ఇవి శరీరాన్ని రిఫ్రెష్ గా, చల్లగా ఉంచుతాయి. ఎలక్ట్రోలైట్స్ ఎక్కువగా ఉండే ఈ డ్రింక్ వేసవిలో వేడిని ఎదుర్కోవటానికి సహాయపడుతుంది. ఇది రోజంతా మిమ్మల్ని హైడ్రేట్ గా, రిఫ్రెష్ గా ఉంచుతుంది. కొబ్బరి నీరు జీర్ణక్రియకు సహాయపడుతుంది. అలాగే గట్ ను చల్లగా ఉంచుతుంది.