దీనితో.. దగ్గు, జలుబు, గొంతునొప్పి వెంటనే తగ్గిపోతాయ్

వాతావరణంలో వచ్చే మార్పుల వల్ల మన ఇమ్యూనిటీ పవర్ బాగా తగ్గుతుంది. దీంతో దగ్గు, జలుబు, గొంతు నొప్పి వంటి సమస్యలు వస్తాయి. అయితే వీటిని తగ్గించుకోవడానికి కొన్ని ఇంటి చిట్కాలు చాలా ఎఫెక్టీవ్ గా పనిచేస్తాయి. అవేంటంటే? 

cough

మిగతా కాలాలతో పోలిస్తే చలికాలంలోనే దగ్గు, జలుబు, గొంతునొప్పి వంటి సమస్యలు ఎక్కువగా వస్తుంటాయి. దీనికి కారణం.. వాతావరణంలో వచ్చే పెద్ద మార్పు. ఈ మార్పు వల్ల మన రోగనిరోధక శక్తి తగ్గుతుంది. దీంతోనే లేనిపోని అనారోగ్య సమస్యలు చుట్టుకుంటాయి.

ఆరోగ్య నిపుణుల ప్రకారం.. దగ్గు, జలుబు, గొంతునొప్పి వంటి సమస్యలను తొందరగా తగ్గించుకోవడానికి కొన్ని సూపర్ ఫుడ్స్ బాగా సహాయపడతాయి. వీటిని మీ రోజువారి ఆహారంలో భాగం చేసుకుంటే జలుబు, దగ్గు, వైరల్ ఫీవర్ నుంచి మిమ్మల్ని మీరు రక్షించుకోగలుగుతారు. ఇంతకీ అవేంటంటే? 

దగ్గు, జలుబు, గొంతునొప్పిని తగ్గించే ఆహారాలు 

అల్లం

అల్లంలో ఎన్నో ఔషదగుణాలుంటాయి. ఇవి మనల్ని ఎన్నో జబ్బులకు దూరంగా ఉంచుతాయి. ముఖ్యంగా దీన్ని ఉపయోగించి మనం ఎన్నో చిన్న చిన్న అనారోగ్య సమస్యలను తగ్గించుకోవచ్చు. అందుకే దీన్ని ఎన్నో ఏండ్ల నుంచి ఆయుర్వేదంలో ఉపయోగిస్తూ వస్తున్నారు.

ginger water

అల్లంలో యాంటీ ఇన్ఫ్లమేటరీ, యాంటీ వైరల్, యాంటీబయోటిక్ లక్షణాలు పుష్కలంగా ఉంటాయి. ఇవి మన ఆరోగ్యాన్ని కాపాడటంలో చాలా ఎఫెక్టీవ్ గా పనిచేస్తాయి. దగ్గు, జలుబు, గొంతునొప్పి తగ్గాలంటే మీరు ప్రతిరోజూ ఒక టీస్పూన్ తురిమిన అల్లాన్ని నీటిలో కలిపి తాగండి.

ఇది మీ మొత్తం ఆరోగ్యాన్ని కాపాడుతుంది. మీ ఇమ్యూనిటీ పవర్ ను పెంచుతుంది. దీంతో సీజనల్ వ్యాధులు, ఫ్లూ వచ్చే ప్రమాదం తగ్గుతుంది. 

Turmeric Milk

నల్ల మిరియాలు కలిపిన పసుపు పాలు

నల్ల మిరియాల్లో, పసుపులో మన ఆరోగ్యాన్ని కాపాడే లక్షణాలు మెండుగా ఉంటాయి.నిపుణుల ప్రకారం.. జలుబు, గొంతునొప్పి సమస్యలు తగ్గడానికి పసుపు పాలు  చాలా ఎఫెక్టీవ్ గా పనిచేస్తాయి. ఈ పాలను తాగితే మన శరీరానికి ఎన్నో విధాలా మేలు జరుగుతుంది.

ఇందుకోసం రోజూ పడుకునే ముందు ఒక గ్లాసు పసుపు పాలలో చిటికెడు నల్ల మిరియాల పొడిని వేసి కలిపి తాగండి. పసుపులో ఉండే కర్కుమిన్ అనే సమ్మేళనం, నల్ల మిరియాల్లో ఉండే పైపెరిన్ రోగనిరోధక వ్యవస్థను బలంగా చేస్తాయి. 

సీజనల్ సిట్రస్ పండ్లు

సిట్రస్ పండ్లు మన ఆరోగ్యానికి ఎన్నో విధాలుగా మేలు చేస్తాయి. అందుకే వీటిని మీ రోజువారి ఆహారంలో చేర్చండి. నిమ్మ,  నారింజ, చిలగడదుంప,  జామ  వంటి సీజన్ సిట్రస్ పండ్లలో విటమిన్ సి పుష్కలంగా ఉంటుంది.

ఇది మీ ఇమ్యూనిటీ పవర్ ను పెంచడంలో కీలక పాత్ర పోషిస్తాయి. వీటిలో ఉండే విటమిన్ సి శరీరంలో తెల్ల రక్త కణాలు ఏర్పడటానికి కూడా సహాయపడతాయి. ఇది వ్యాధులతో మీ శరీరం పోరాడటానికి కూడా సహాయపడుతుంది.