గుండె జబ్బులు.. మీ చర్మంపై కనిపించే హెచ్చరిక సంకేతాలు.. వీటిని లైట్ తీసుకున్నారో..!

కొన్ని కొన్ని సార్లు మీ చర్మం కూడా మీ గుండె బలహీనంతంగా ఉందని, మీకు గుండె జబ్బులు ఉన్నాయని తెలియజేస్తుందని ఆరోగ్య నిపుణులు చెబుతున్నారు.   

అనారోగ్యకరమైన గట్ మొటిమలు, పొడి బారడం వంటి చర్మ సమస్యలను కలిగిస్తుంది. మీ చర్మం మీ గట్ ఆరోగ్యం ఎలా ఉందో స్పష్టంగా చెబుతుందని నిపుణులు చెబుతున్నారు. అంతేకాదు చర్మం మీ గుండె సమస్యల గురించి కూడా మిమ్మల్ని హెచ్చరిస్తుంది. కొన్ని సార్లు మీ చర్మం లేదా పెదవులు నీలం రంగులోకి మారొచ్చు. చర్మంపై పసుపు రంగు గడ్డలను కూడా గుర్తించొచ్చు. ఏదో ఒక విధంగానైతే మీ చర్మం మీ గుండె బలహీనంగా ఉందని, గుండెపై మరింత శ్రద్ధ అవసరమని హెచ్చరిస్తుంది. మీ చర్మంపై కనిపించే గుండె సమస్యల లక్షణాలు ఎలా ఉంటాయో ఇప్పుడు తెలుసుకుందాం.. 

heart health

సైనోసిస్

అంటే దీనిలో మీ చర్మం, పెదవులు, గోర్లు నీలం రంగులో కనిపిస్తాయి. రక్తంలో ఆక్సిజన్ స్థాయి తగ్గినప్పుడు ఇలా జరుగుతుంది. ఇది గుండె ఆగిపోవడం లేదా పుట్టుకతో వచ్చే గుండె లోపానికి సంకేతం కావొచ్చని నిపుణులు చెబుతున్నారు. 

heart attack

క్లబ్బింగ్

ఇది చేతివేళ్లు లేదా కాళ్ల వేళ్ల విస్తరణ. ఈ సమస్యలో గోర్లు గుండ్రంగా ఉంటాయి. ఇది ఎక్కువగా రక్తంలో దీర్ఘకాలిక తక్కువ ఆక్సిజన్ స్థాయిలతో సంబంధం కలిగి ఉంటుంది. పుట్టుకతో వచ్చే గుండె జబ్బులు లేదా దీర్ఘకాలిక ఊపిరితిత్తుల వ్యాధులను కూడా ఇది సూచిస్తుంది. 

Xanthomas

క్సాంతోమాస్ కొవ్వు నిక్షేపాలు. ఇవి చర్మంపై పసుపు రంగు గడ్డలుగా కనిపిస్తాయి. కొలెస్ట్రాల్ స్థాయిలు ఎక్కువగా ఉన్నవారిలోనే ఇవి కనిపిస్తాయి. ఇది గుండె జబ్బులకు ప్రమాద కారకం.

Heart Attack

పెటెచియా

అవి చాలా చిన్న ఎరుపు లేదా ఊదా రంగు మచ్చలు. ఇవి చర్మం కింద రక్తస్రావం జరిగినప్పుడు కనిపిస్తాయి. అవి ఇన్ఫెక్టివ్ ఎండోకార్డిటిస్ కు సంకేతం కావొచ్చంటున్నారు నిపుణులు. ఇది గుండె కవాటాల తీవ్రమైన ఇన్ఫెక్షన్ అని నిపుణులు అంటున్నారు. 

Irregular heartbeats

ఓస్లర్ నోడ్స్ 

ఓస్లర్ కణుపులు వేళ్లు, కాలిపై ఉంటాయి.  Janeway lesions అరచేతులు, అరికాళ్ళపై నొప్పిలేని ఎరుపు లేదా బూడిద మచ్చలు. ఇన్ఫెక్టివ్ ఎండోకార్డిటిస్ లో రెండూ కనిపిస్తాయి.

heart

స్పైడర్ సిరలు

ఇవి చర్మం ఉపరితలానికి దగ్గరగా కనిపించే చిన్న, విస్తరించిన రక్త నాళాలు. ఇవి సాలెపురుగు వలను పోలిన నమూనాలో కనిపిస్తాయి. అందుకే వీటిని స్పైడర్ సిరలు అని అంటారు. ఇవి కొన్ని రకాల గుండె కవాట లోపాలు లేదా కాలేయ వ్యాధితో సంబంధం కలిగి ఉంటాయి. ఇవి పరోక్షంగా గుండె పనితీరును ప్రభావితం చేస్తాయి.