కొబ్బరి నీళ్లు మన ఆరోగ్యానికి చేసే మేలు ఎంతో. వీటిలో పోషకాలు పుష్కలంగా ఉంటాయి. ఈ వాటర్ ను తాగితే మనం ఎన్నో రోగాలకు దూరంగా ఉంటాం. కానీ కొంతమందికి మాత్రం ఈ కొబ్బరి నీళ్లు విషంలాగే ఉంటాయి. వాళ్లు అస్సలు తాగకూడదు.
హెల్తీ డ్రింక్స్ అంటే మనకు ముందుగా గుర్తొచ్చేది కొబ్బరి నీళ్లే. ఈ వాటర్ సహజ హైడ్రేటింగ్ డ్రింక్. దీన్ని మన ఆహారంలో చేర్చుకోవడం వల్ల ఎన్నో ఆరోగ్య ప్రయోజనాలు కలుగుతాయి. దీనిలో ఎన్నో రకాల పోషకాలుంటాయి. అలాగే దీనిలో ఎలక్ట్రోలైట్లు కూడా పుష్కలంగా ఉంటాయి.
కొబ్బరి నీళ్లలో యాంటీఆక్సిడెంట్లు, పొటాషియం, కాల్షియం, మెగ్నీషియం వంటి ముఖ్యమైన ఖనిజాలు కూడా మెండుగా ఉంటాయి. నిజానికి కొబ్బరి నీళ్లు మన ఆరోగ్యానికి చాలా మంచివి. కానీ కొంతమందికి మాత్రం ఈ కొబ్బరి నీళ్లు విషంతో సమానం. ఆరోగ్య నిపుణుల ప్రకారం.. కొబ్బరి నీళ్లను కొంతమంది అస్సలు తాగకూడదు. వాళ్లు ఎవరంటే?
డయాబెటిస్ ఉన్నవారు
డయాబెటీస్ ఉన్నవారు చాలా మంది కొబ్బరి నీళ్లు మంచివని తాగుతుంటారు. కానీ డయాబెటిక్ పేషెంట్లు కొబ్బరి నీళ్లను తాగకపోవడమే మంచిది. ఎందుకంటే ఈ వాటర్ లో కూడా షుగర్ ఉంటుంది.
అందుకే దీన్ని తాగితే రక్తంలో చక్కెర స్థాయిలు పెరుగుతాయి. అందుకే కార్బోహైడ్రేట్లు తీసుకోవడంలో జాగ్రత్తలు తీసుకునేవారికి కొబ్బరి నీళ్లు మంచివి కావు. మీకు షుగర్ వ్యాధి ఉంటే కొబ్బరి నీళ్లను ఎట్టిపరిస్థితిలో తాగకండి.
కిడ్నీ సమస్యలు ఉంటే..
కిడ్నీ సమస్యలున్న వారు కూడా కొబ్బరి నీళ్లను అస్సలు తాగకూడదు. ఎందుకంటే కొబ్బరి నీళ్లలో పొటాషియం ఎక్కువ మొత్తంలో ఉంటుంది. ఇది మూత్రపిండాల సమస్యలతో బాధపడేవారికి హాని కలిగిస్తుంది. ముఖ్యంగా పొటాషియాన్ని తక్కువగా తీసుకునేవారికి కొబ్బరి నీళ్లు విషంలాగే పనిచేస్తాయి. ఇది హైపర్కలేమియాకు దారితీస్తుంది.
అధిక రక్తపోటు ఉన్నవారు
అధిక రక్తపోటు ఉన్నవారు ఫుడ్ విషయంలో చాలా జాగ్రత్తగా ఉండాలి. కానీ చాలా మంది బీపీ పేషెంట్లు కొబ్బరి నీళ్లు మంచి చేస్తాయని చాలా తాగేస్తుంటారు. కానీ ఇలా అస్సలు తాగకూడదు.
కొబ్బరి నీళ్లలో సోడియం ఎక్కువ మొత్తంలో ఉంటుంది. ఇది మీ రక్తపోటును బాగా పెంచుతుంది. లేదా తగ్గిస్తుంది. రక్తపోటును తగ్గించే మందులు తీసుకునేవారు కొబ్బరి నీళ్లను తాగకపోవడమే మంచిది.
శస్త్రచికిత్స చేయించుకున్న వ్యక్తులు
శస్త్రచికిత్స సమయంలో, ఆ తర్వాత రక్తపోటు, రక్తంలో చక్కెరను నియంత్రించడానికి మీరు కొబ్బరి నీళ్లను తాగకూడదు. శస్త్రచికిత్సకు కనీసం రెండు వారాల ముందు కొబ్బరి నీళ్లను తాగడం ఆపేయాలి. ఇది మీ ఆరోగ్యాన్ని రిస్క్ లో పడేస్తుంది.
గర్భం మొదటి త్రైమాసికంలో
గర్భం దాల్చిన వారు కూడా కొబ్బరి నీళ్లను ఎక్కువగా తాగేస్తుంటారు. కానీ ఆరోగ్య నిపుణుల ప్రకారం.. గర్భందాల్చిన మొదటి మూడు నెలల్లో కొబ్బరినీళ్లను తాగకపోవడమే మంచిది. నిజానికి ఈ సమయంలో కొబ్బరి నీళ్లను తాగడం వల్ల జలుబు చేస్తుంది. ఇది గర్భస్రావం, మంట లక్షణాలను పెంచుతుంది. అలాగే మార్నింగ్ సిక్నెస్ వంటి జీర్ణ సమస్యలకు కూడా దారితీస్తుందని నిపుణులు చెబుతున్నారు.