దాల్చిన చెక్క ఒక మసాలా దినుసు. ఇది ఫుడ్ టేస్ట్ ను పెంచుతుంది. ఇదొక్కటే కాదు ఈ దాల్చిన చెక్క మన ఆరోగ్యానికి కూడా ఎన్నో విధాలుగా మేలు చేస్తుంది. పడుకునే ముందు దాల్చిన చెక్క నీటిని తాగితే మీరు ఎన్నో అనారోగ్య సమస్యలకు దూరంగా ఉంటారు.
మనం వంటల్లో ఉపయోగించే మసాలా దినుసుల్లో దాల్చిన చెక్క ఒకటి. ఇది ఆహారం రుచిని పెంచడమొక్కటే కాదు మన ఆరోగ్యానికి కూడా ఎన్నో విధాలుగా ఉపయోగపడుతుంది. యాంటీ ఆక్సిడెంట్లు పుష్కలంగా ఉండే దాల్చిన చెక్క నీటిని రాత్రి పడుకునే ముందు తాగడం వల్ల శరీరం మొత్తం ఆరోగ్యానికి మంచిదని పోషకాహార నిపుణులు అంటున్నారు. అసలు పడుకునే ముందు దాల్చిన చెక్క వాటర్ ను తాగితే ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం పదండి.
దాల్చిన చెక్క వాటర్ మధుమేహులకు ఒక ఔషదంలాగే పనిచేస్తుంది. వీల్లు రాత్రి పడుకునే ముందు దాల్చిన చెక్క నీటిని తాగడం వల్ల ఉదయం రక్తంలో చక్కెర స్థాయిలు పెరగకుండా ఉంటాయి. అలాగే దాల్చినచెక్క వాటర్ శరీరంలో పేరుకుపోయిన చెడు కొలెస్ట్రాల్ స్థాయిలను తగ్గించడానికి కూడా ఉపయోగపడుతుందని కనుగొనబడింది. అందుకే దాల్చిన చెక్క నీటిని తాగడం వల్ల శరీరంలో కొలెస్ట్రాల్ స్థాయిలు తగ్గుతాయి. అలాగే ఇది గుండెను ఆరోగ్యంగా ఉంచడానికి కూడా సహాయపడుతుంది.
యాంటీఆక్సిడెంట్లు మెండుగా ఉండే దాల్చిన చెక్క నీటిని తాగడం వల్ల కూడా రోగనిరోధక శక్తి పెరుగుతుందని ఆరోగ్య నిపుణులు చెబుతున్నారు. దాల్చిన చెక్క నీటిని తాగడం వల్ల శరీరంలో రక్త ప్రసరణ పెరుగుతుందని నిపుణులు చెబుతున్నారు.
రాత్రిపూట దాల్చిన చెక్క నీటిని తాగడం వల్ల జీర్ణక్రియ మెరుగుపడుతుంది. కడుపు ఉబ్బరం కూడా నియంత్రణలోకి వస్తుంది. గ్యాస్, అజీర్ణంతో పాటుగా మలబద్దకం వంటి సమస్యలు కూడా తగ్గుతాయి.
బరువు తగ్గాలనుకునే వారికి దాల్చిన చెక్క నీరు కూడా ఎంతో ప్రయోజనకరంగా ఉంటుంది. దాల్చిన చెక్క నీటిని తాగడం వల్ల ఆకలి చాలా వరకు తగ్గుతుంది. బెల్లీ ఫ్యాట్ ను తగ్గించుకోవాలనుకునేవారు దాల్చిన చెక్క నీటిని తాగొచ్చు. యాంటీ ఇన్ఫ్లమేటరీ, యాంటీమైక్రోబయల్, యాంటీ ఆక్సిడెంట్ లక్షణాలున్న దాల్చినచెక్క నీటిని తాగడం వల్ల మెదడు, చర్మం ఆరోగ్యంగా ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి