మహిళల్లో పెరుగుతున్న సంతానలేమి.. సమస్య నుంచి బయటపడాలంటే..!

అండాశయం, గర్బాశయం, ఫెలోపియన్ గొట్టాలు, ఎండోక్రైనన్ వ్యవస్థలో కనిపించే అసమానత వల్ల మహిళల్లో వంధ్యత్వం వస్తోందని నిపుణులు చెబుతున్నారు. సంతానలేమి సమస్య నుంచి బటయపడాలంటే ఇలా చేయాల్సిందేనంటున్నారు నిపుణులు. 

infertility

ప్రస్తుత కాలంలో సంతానలేమి ప్రధాన సమస్యగా మారుతోంది. ఈ సమస్యను అధిగమించడానికి హాస్పటల్ల చుట్టూ తిరిగేవారు చాలా మందే ఉన్నారు. సరైన పోషణ, సరైన జీవనశైలి సంతానోత్పత్తిని మెరుగుపరచడానికి సహాయపడతాయి. 

ప్రపంచ ఆరోగ్య సంస్థ ప్రకారం.. వంధ్యత్వం మిలియన్ల మంది ప్రజలను ప్రభావితం చేస్తోంది. ఇది వారి కుటుంబాలను, సమాజాన్ని ప్రభావితం చేస్తుంది. ప్రపంచవ్యాప్తంగా పునరుత్పత్తి వయసులో ఉన్న ప్రతి ఆరుగురిలో ఒకరు సంతానలేమికి గురవుతున్నారని గణాంకాలు చెబుతున్నాయి. అండాశయం, గర్భాశయం, ఫెలోపియన్ గొట్టాలు, ఎండోక్రైన్ వ్యవస్థలో కనిపించే అసమానత వల్ల మహిళల్లో వంధ్యత్వం సమస్య వస్తుంది.

ఎండోమెట్రియోసిస్, సెప్టల్ గర్భాశయం, ఫైబ్రాయిడ్లు వంటి గర్భాశయ రుగ్మతలు ఈ సమస్యను కలిగిస్తాయి. అలాగే అండాశయానికి సంబంధించిన పాలిసిస్టిక్ ఒవేరియన్ సిండ్రోమ్, ఇతర ఫోలిక్యులర్ డిజార్డర్స్ వంటి సమస్యలు కూడా సంతానలేమికి కారణమవుతాయి. దీనికి తోడు హార్మోన్ల అసమతుల్యత కూడా దీనికి ఒక ప్రధాన కారణం. సంతానలేమి సమస్యను పోగొట్టడానికి ఆడవారు ఎలాంటి పనులు చేయాలంటే..

యోని పరిశుభ్రత 

సంతానోత్పత్తి నేరుగా యోని పరిశుభ్రతతో సంబంధం కలిగి ఉంటుందని నిపుణులు అంటున్నారు. ఎస్టీడీలు, యుటిఐలతో సహా ఏదైనా బ్యాక్టీరియల్ ఇన్ఫెక్షన్ తో బాధపడుతుంటే దాని ప్రభావం మీ సంతానోత్పత్తిపై కనిపిస్తుంది. ఇలాంటప్పుడు యోని పరిశుభ్రతకు ప్రాధాన్యతనివ్వడం చాలా ముఖ్యం. మూత్ర విసర్జన తర్వాత యోనిని శుభ్రం చేయండి. అలాలగే సెక్స్ తర్వాత యోని పరిశుభ్రతను పాటించండి. ఇది కటిలో మంటను కలిగిస్తుంది.

Image: Getty

వ్యాయామం

కండరాల నొప్పుల వల్ల సంతానలేమి సమస్య కూడా పెరుగుతుంది. ఇందుకోసం క్రమం తప్పకుండా యోగా చేయండి. అలాగే ఎక్కువసేపు కూర్చోవడం మానుకోండి. అండోత్సర్గము ప్రభావితం కాకుండా నిరోధించడానికి యోగాను చేయండి. ఇందుకోసం కోనసనం, పశ్చిమోత్తనసనం, శవాసన, ప్రాణాయామం వంటివి చేయండి.

బరువును నియంత్రించండి

శరీర బరువు విపరీతంగా పెరిగితే కూడా వంధ్యత్వం సమస్య వస్తుంది. నిజానికి శరీరంలో నిల్వ ఉన్న కొవ్వు పీరియడ్ చక్రాన్ని ప్రభావితం చేస్తుంది. దీనివల్ల పీరియడ్స్ సక్రమంగా ఉండవు. దీని ప్రభావం శరీరంలో అండం ఎదుగుదలపై కనిపిస్తుంది. అందుకే రన్నింగ్, వాకింగ్, యోగా, వ్యాయామం ద్వారా బరువును నియంత్రించండి. అధిక బరువు లేదా ఊబకాయం కారణంగా శరీరంలో ఈస్ట్రోజెన్ హార్మోన్ పెరగడం ప్రారంభమవుతుంది. ఇది వంధ్యత్వానికి కారణమవుతుంది.

Image: Getty Images

ఒత్తిడి

మీరు పిల్లలను కనాలనుకుంటే మిమ్మల్ని మీరు రిలాక్స్ గా ఉంచుకోండి. అన్ని రకాల ఒత్తిడులకు దూరంగా ఉండండి. ఒత్తిడి ఎక్కువగా ఉంటే గర్భవతి అయ్యే అవకాశాలు తగ్గుతాయి. ఇది శరీరంలో హార్మోన్ల మార్పులకు కారణమవుతుంది. మీరు ఒత్తిడికి గురైనట్టు అనిపిస్తే మిమ్మల్ని రిలాక్స్ చేసే చర్యలో పాల్గొనండి. ఎప్పుడూ సంతోషంగా ఉండటం వల్ల శరీరంలో సంతోషకరమైన హార్మోన్లు విడుదలవుతాయి. ఇవి గర్భధారణలో ప్రభావవంతంగా ఉంటాయి.

healthy food

ఆరోగ్యకరమైన ఆహారం 

ఫోలేట్, జింక్ వంటి యాంటీఆక్సిడెంట్లు సంతానోత్పత్తిని పెంచడంలో ముఖ్యమైన పాత్ర పోషిస్తాయి. వీటి సాయంతో శరీరంలోని ఫ్రీరాడికల్స్ డీయాక్టివేట్ అవుతాయి. ఇవి గుడ్డుకు హాని కలిగించేలా పనిచేస్తాయి. నేషనల్ లైబ్రరీ ఆఫ్ మెడిసిన్ పరిశోధన ప్రకారం.. యాంటీఆక్సిడెంట్లు ఎక్కువగా ఉండే 75 గ్రాముల వాల్ నట్స్ ను తినడం వల్ల పురుషుల స్పెర్మ్ నాణ్యత మెరుగుపడుతుందని కనుగొనబడింది. అలాగే  మహిళలపై చేసిన ఒక పరిశోధనలో ఫోలేట్ క్రమం తప్పకుండా తీసుకోవడం గర్భందాల్చే అవకాశవం పెరుగుతుందని తేలింది.