ఇండోర్ సైక్లింగ్ తో ఏమేం లాభాలున్నాయో తెలుసా?

ఇండోర్ సైక్లింగ్ తో ఎన్నో ఆరోగ్య ప్రయోజనాలు కలుగుతాయి. ఇది శరీరాన్ని ఫిట్ గా ఉంచడమే కాకుండా గుండె జబ్బుల ముప్పును కూడా తగ్గిస్తుంది.  

ఇండోర్ సైక్లింగ్ శారీరక, మానసిక ఆరోగ్యానికి ప్రయోజనకరంగా ఉంటుంది. పబ్మెడ్ ప్రచురించిన 2019 సమీక్ష ప్రకారం.. ఇండోర్ సైక్లింగ్ ను ఆరోగ్యకరమైన ఆహారంతో కలిపినప్పుడు.. ఇది ఒక వ్యక్తిని ఎన్నో రోగాల ముప్పు నుంచి కాపాడుతుంది. ఇది మీ ఏరోబిక్ సామర్థ్యాన్ని కూడా పెంచుతుంది. అలాగే గుండె ఆరోగ్యాన్ని మెరుగుపరుస్తుంది. ఇండోర్ సైక్లింగ్ తో ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం.. 

heart health

గుండె ఆరోగ్యాన్ని మెరుగుపరుస్తుంది

ఇండోర్ సైక్లింగ్ మంచి హృదయనాళ వ్యాయామం. ఇండోర్ సైక్లింగ్ హృదయ స్పందన రేటును పెంచుతుంది. ఇది మీ గుండె కండరాలను బలోపేతం చేయడానికి, శరీరంలోకి రక్తాన్ని సమర్థవంతంగా పంప్ చేయడానికి సహాయపడుతుంది. ఈ వ్యాయామాన్ని స్థిరంగా చేయడం వల్ల రక్త ప్రసరణ, ఊపిరితిత్తుల సామర్థ్యం మెరుగుపడుతుంది. దీంతో అధిక రక్తపోటు పోటు సమస్యలు రావు. గుండె జబ్బుల ప్రమాదం కూడా తగ్గుతుంది. 

Weight Loss

బరువు తగ్గడాన్ని పెంచుతుంది

ఏ రకమైన కదలిక అయినా సరే శరీరానికి ఎంతో మంచి చేస్తుంది. సైక్లింగ్ ఎఫెక్టీవ్ కేలరీల బర్నింగ్ వ్యాయామం. సైక్లింగ్ తో బెల్లీ ఫ్యాట్ ను తగ్గించుకోవచ్చు. హార్వర్డ్ మెడికల్ స్కూల్ ప్రకారం.. 70 కిలోల బరువున్న వ్యక్తి ఇండోర్ సైక్లింగ్ వల్ల 250 నిమిషాల్లో 30 కేలరీలను బర్న్ చేయగలడు. అందుకే మీరు బరువు తగ్గాలనుకుంటే జిమ్ముకు బదులుగా ఇంట్లో ఉండి దీన్ని తొక్కండి. 

అంతేకాదు ఈ సైకిల్ ను తొక్కడం వల్ల మీ కాలు కదలికలు మెరుగుపడతాయి. మీ కాళ్లలోని కండరాల సమూహాలు - క్వాడ్రిసెప్స్, గ్లూట్స్, తొడ కండరాలు కాలక్రమేణా బలంగా,  టోన్ అయ్యేలా చేస్తాయి.

ఇండోర్ సైక్లింగ్ మీ కీళ్లకు మంచిది

ఇండోర్ సైక్లింగ్ ప్రభావవంతమైన తక్కువ-ప్రభావ వ్యాయామంగా పరిగణించబడుతుంది. ఇది వృద్ధులకు, మోకాలి, కీళ్ల నొప్పులు ఉన్నవారికి బాగా సహాయపడుతుంది. ఇది కీళ్లపై తక్కువ ఒత్తిడిని కలిగిస్తుంది.  మోకాలి సమస్య లేదా వెన్నునొప్పి ఉన్నవారు ఇండోర్ సైక్లింగ్ కు ముుందు డాక్టర్ తో మాట్లాడాలి. వైద్యుడి సలహా మేరకే ఈ సైకిల్ ను తొక్కాలి.

Image: Getty

ఒత్తిడిని తగ్గిస్తుంది

ఇండోర్ సైక్లింగ్ మానసిక ఆరోగ్య ప్రయోజనాలను కూడా కలిగిస్తుంది. ఏదో ఒక రూపంలో శారీరకంగా చురుకుగా ఉండటం వల్ల మీ శరీరం ఎండార్ఫిన్లు అని పిలువబడే ఫీల్-గుడ్ హార్మోన్లను రిలిజ్ చేస్తుంది. పలు అధ్యయనాల ప్రకారం.. సైక్లింగ్ డోపామైన్, సెరోటోనిన్ ను కూడా పెంచుతుంది. ఇది విశ్రాంతి తీసుకోవడానికి సహాయపడుతుంది. ఫలితంగా మీ మానసిక స్థితి మెరుగ్గా ఉంటుంది. ఒత్తిడి స్థాయిలు కూడా తగ్గుతాయి. 

స్టామినాను మెరుగుపరుస్తుంది

ఇండోర్ సైక్లింగ్ మీ స్టామినాను పెంచడానికి కూడా సహాయపడుతుంది. దీన్ని రెగ్యులర్ గా తొక్కుతుంటే మీ అలసట క్రమంగా తగ్గుతూ ఉంటుంది. ఇది రోజువారీ కార్యకలాపాలను నిర్వహించడానికి, ఇతర తీవ్రమైన వ్యాయామాలలో పాల్గొనడానికి ఎక్కువ శక్తి, సామర్థ్యాన్ని కలిగి ఉండటానికి సహాయపడుతుంది.