బచ్చలికూర ఆరోగ్యానికి వరం.. ఇది తింటే అలాంటి సమస్యలు అన్ని మాయం!

ఆకుకూరలు ఆరోగ్యానికి ఎంతో మేలు చేస్తాయి. అన్ని ఆకుకూరల మాదిరిగానే  బచ్చలికూరలో (Spinach) కూడ అనేక పోషకాలు ఉంటాయి...  

ఇవి శరీరానికి శక్తినందించే మంచి ఎనర్జీ బూస్టర్ (Energy booster) గా సహాయపడి అనేక అనారోగ్య సమస్యలకు దూరంగా ఉంచుతాయి. కనుక ఈ ఆకుకూరను తీసుకుంటే ఆరోగ్యానికి కలిగే ప్రయోజనాలు బోలెడు.. అవేంటో ఇప్పుడు మనం తెలుసుకుందాం..

బచ్చలికూరలో సి, ఎ, కె విటమిన్లతోపాటు క్యాల్షియం, పొటాషియం, సోడియం, జింక్, ఇనుము, ఫొలెట్ వంటి ఇతర పోషకాలు మెండుగా ఉంటాయి. వీటితోపాటు కెరోటిన్, లుటిన్, జియాక్సంతిన్, యాంటీ ఆక్సిడెంట్లు కూడ ఉంటాయి. ఇవి శరీర రోగనిరోధకశక్తిని (Immunity) పెంచి శరీరానికి హాని కలిగించే హానికర బ్యాక్టీరియాలను (Harmful bacteria) సమర్థవంతంగా ఎదుర్కొంటాయి.

ప్రతిరోజూ ఈ ఆకుకూరను తీసుకుంటే బరువు తగ్గుతారు (Lose weight). ఇందులో ఉండే పోషకాలు (Nutrients) శరీరంలో చెడు కొవ్వులను కరిగించి బరువును నియంత్రణలో ఉంచుతాయి. కనుక అధిక బరువు సమస్యతో బాధపడేవారు డైట్ లో ఈ ఆకుకూరను చేర్చుకుంటే మంచి ఫలితం ఉంటుంది.

ఇందులో ఉండే నైట్రేట్లు రక్త ప్రసరణను  మెరుగుపరుస్తాయి. దీంతో అధిక రక్తపోటు (High blood pressure) వంటి సమస్యలు తగ్గుతాయి. అలాగే గుండె సమస్యలను (Heart problems) కూడ తగ్గించి గుండె ఆరోగ్యాన్ని కాపాడుతాయి. రక్తహీనత సమస్యలతో బాధపడేవారు ఈ ఆకుకూరను తీసుకుంటే శరీరానికి కావలసిన రక్తం ఉత్పత్తి అవుతుంది.

కనుక రక్తహీనత  (Anemia) సమస్యలతో బాధపడే మహిళలు ఈ ఆకుకూరను తీసుకోవడం మంచిది. ఇందులో ఉండే యాంటీ ఆక్సిడెంట్లు (Antioxidants) మెదడు, నరాల ఆరోగ్యాన్ని మెరుగుపరుస్తాయి. అంతేకాకుండా ఒత్తిడి, ఆందోళన వంటి సమస్యలను కూడ తగ్గించి మెదడుకు విశ్రాంతిని కలిగిస్తాయి. అలాగే వయసు పైబడటంతో ఏర్పడే మతిమరుపు సమస్యలను తగ్గిస్తుంది.  

ఈ ఆకుకూరలో ఉండే వివిధ రకాల విటమిన్లు కంటి సమస్యలను తగ్గించి కంటి ఆరోగ్యాన్ని (Eye health) మెరుగుపరుస్తాయి. మూత్రవిసర్జన సమస్యలతో (Urinary problems) బాధపడేవారు ఈ ఆకుకూరను తీసుకుంటే మూత్రవిసర్జన సమస్యలు తగ్గుతాయని వైద్యులు అంటున్నారు.

అలాగే మూత్రపిండాల్లో ఉండే రాళ్లను (Kidney stones) కూడ కరిగించి మూత్రపిండాలను ఆరోగ్యంగా ఉంచుతాయి. ఇందులో ఉండే క్యాల్షియం ఎముకల బలహీనతను తగ్గించి ఎముకలకు బలాన్ని అందిస్తుంది. ఎంతో ఎముకలు ఆరోగ్యంగా ఉంటాయి. అలాగే కీళ్ల నొప్పులు, మోకాళ్ళ నొప్పులను (Knee pain) తగ్గిస్తుంది.

బచ్చలికూర ఆరోగ్యానికే కాదు చర్మ సౌందర్యాన్ని (Skin beauty) మెరుగుపరచడంలో కూడా మంచి ఫలితాలను అందిస్తుంది. చర్మానికి మంచి నిగారింపును అందించి కాంతిమంతంగా మారుస్తుంది. కనుక మన రోజువారీ ఆహార జీవనశైలిలో బచ్చలికూరను చేర్చుకుందాం.. ఆరోగ్యకరమైన (Healthy) జీవితాన్ని గడుపుదాం..