గుమ్మడి గింజలే కదా అని తీసిపారేయకండి.. ఇవెన్ని సమస్యలను తగ్గిస్తాయో తెలుసా?

సైజు చిన్నదైనా గుమ్మడి గింజలు మన ఆరోగ్యానికి చేసే మేలు అంతా ఇంతా కాదు. వీటిలో మన శరీరానికి అవసరమైన పోషకాలు పుష్కలంగా ఉంటాయి. వీటిని తింటే రాత్రిళ్లు హాయిగా నిద్రపట్టడం నుంచి బరువు తగ్గడం వరకు ఎన్నో ప్రయోజనాలు కలుగుతాయి.   

మన ఆరోగ్యాన్ని మెరుగుపరచడానికి ఆహారం కీలక పాత్ర పోషిస్తుంది. పోషకాలు ఎక్కువగా ఉండే ఆహారాలను మీ రోజువారి ఆహారంలో చేర్చడం వల్ల అనేక ప్రయోజనాలు కలుగుతాయి. అయితే చాలా మంది కూరగాయలను ఉపయోగిస్తుంటారు. కానీ వాటి విత్తనాలను మాత్రం పారేస్తుంటారు. నిజానికి కొన్నికూరగాయల విత్తనాలు కూడా ఎన్నో ఆరోగ్య ప్రయోజనాలను కలిగిస్తాయి. అలాంటి వాటిలో గుమ్మడికాయల విత్తనాలు ఒకటి.

pumpkin seeds

గుమ్మడిగింజల సైజు చిన్నగా ఇవి ప్రోటీన్లకు  మంచి వనరు. ఈ విత్తనాల్లో విటమిన్లు, ఖనిజాలు పుష్కలంగా ఉంటాయి. గుమ్మడి గింజల్లో మెగ్నీషియం, ప్రోటీన్, జింక్, ఐరన్ వంటి వివిధ రకాల పోషకాలు పుష్కలంగా ఉంటాయి. ఇవి గుండె ఆరోగ్యాన్ని కాపాడుతాయి. ప్రోస్టేట్ గ్రంథి ఆరోగ్యాన్ని, కొన్ని క్యాన్సర్ల నుంచి రక్షణ కల్పిస్తాయి. అసలు గుమ్మడి గింజలను తినడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం.. 

Image: Getty Images

కంటి ఆరోగ్యం

గుమ్మడి గింజల్లో విటమిన్ ఎ, విటమిన్ సి, విటమిన్ ఇ, బీటా కెరోటిన్, పొటాషియం, ఫైబర్ కంటెంట్ పుష్కలంగా ఉంటాయి. విటమిన్ ఎ ఎక్కువ మొత్తంలో ఉండే గుమ్మడికాయ గింజలను తీసుకోవడం వల్ల కళ్లు ఆరోగ్యంగా ఉంటాయి. కంటిచూపు కూడా మెరుగుపడుతుంది. 

Pumpkin seeds

రోగనిరోధక శక్తి

మన శరీరంలో రోగనిరోధక వ్యవస్థ బలంగా ఉంటేనే మనం ఆరోగ్యంగా ఉంటాం. లేదంటే అంటువ్యాధులు, ఇతర సీజనల్ వ్యాధులు వస్తాయి. అయితే గుమ్మడి గింజల్లో విటమిన్ సి పుష్కలంగా ఉంటుంది. కాబట్టి వీటిని తింటే మన రోగనిరోధక శక్తి పెరుగుతుంది.

pumpkin seeds

గుండె  ఆరోగ్యం

గుమ్మడికాయలో గుండె ఆరోగ్యాన్ని మెరుగుపరిచే వివిధ పోషకాలు పుష్కలంగా ఉంటాయి. గుమ్మడికాయ విత్తనాల్లో పొటాషియం, విటమిన్ సి, ఫైబర్, ఆరోగ్యకరమైన కొవ్వులు, ఫైటోస్టెరాల్స్, యాంటీఆక్సిడెంట్లు పుష్కలంగా ఉంటాయి. ఇవి గుండెను ఎన్నో వ్యాధుల నుంచి కాపాడుతాయి. ఇవి రక్తపోటును తగ్గించడానికి, కొలెస్ట్రాల్ స్థాయిలను మెరుగుపరచడానికి కూడా సహాయపడతాయి. అంతేకాదు గుండె జబ్బుల ముప్పును కూడా తగ్గిస్తాయి. 

ప్రోటీన్లు

గుమ్మడికాయ విత్తనాలు ప్రోటీన్ కు మంచి మూలం. కాబట్టి వీటిని క్రమం తప్పకుండా తీసుకోవడం వల్ల మన శరీరానికి అవసరమైన ప్రోటీన్ అందుతుంది. 

జీర్ణక్రియ

ఫైబర్ పుష్కలంగా ఉండే గుమ్మడికాయ విత్తనాలు జీర్ణక్రియను మెరుగుపరచడానికి కూడా సహాయపడతాయి. ఇవి గట్ ఆరోగ్యానికి కూడా మేలు చేస్తాయి. అలాగే మలబద్దకం సమస్యను తగ్గిస్తాయి. అజీర్థి నుంచి కాపాడుతుంది.

డయాబెటీస్

గుమ్మడి గింజల్లో ఫైబర్ కంటెంట్ పుష్కలంగా ఉంటుంది. ఈ గింజలు డయాబెటీస్ పేషెంట్లకు మంచి మేలు చేస్తాయి. రక్తంలో చక్కెర స్థాయిలను నియంత్రించడానికి కూడా సహాయపడతాయి.

క్యాన్సర్ 

గుమ్మడి గింజల్లో యాంటీ ఆక్సిడెంట్లు సమృద్ధిగా ఉంటాయి. ఇవి కొన్ని క్యాన్సర్ ప్రమాదాన్ని నివారించడానికి కూడా సహాయపడతాయి. అంతేకాదు గుమ్మడికాయ గింజలను తినడం వల్ల రాత్రిళ్లు ప్రశాంతంగా నిద్రపోతారు. 

వెయిట్ లాస్

గుమ్మడి గింజల్లో కేలరీలు కూడా చాలా తక్కువగా ఉంటాయి. వీటిలో ఫైబర్ కంటెంట్ ఎక్కువ మొత్తంలో ఉంటుంది. ఈ ఫైబర్ కడుపును ఎక్కువ సేపు నిండుగా ఉంచుతుంది. ఆకలిని తగ్గించడానికి సహాయపడుతుంది. ఈ గింజలు ఊబకాయాన్ని నియంత్రించడానికి సహాయపడతాయి. అలాగే గుమ్మడి గింజల్లో ఉండే యాంటీ ఆక్సిడెంట్స్ చర్మ ఆరోగ్యాన్ని కాపాడుతాయి.