డయాబెటీస్ పేషెంట్లు ఉదయం వీటిని తాగితే బ్లడ్ షుగర్ కంట్రోల్ లో ఉంటుంది

డయాబెటిస్ ఉన్నవారు కొన్ని ఆహారాలను మొత్తమే తినకూడదు. లేదా తగ్గించాల్సి ఉంటుంది. ఎందుకంటే ఇది మీ బ్లడ్ షుగర్ ను తగ్గించడానికి సహాయపడుతుంది. అయితే మధుమేహులు ఉదయం కొన్ని పానీయాలను తాగితే కూడా రక్తంలో చక్కెర స్థాయిలు కంట్రోల్ లో ఉంటాయి. 

diabetes

డయాబెటిస్ ఉన్నవారు వారి జీవనశైలిపై.. ముఖ్యంగా వారి ఆహారంలో విషయంలో చాలా జాగ్రత్తగా ఉండాలి. ఏవి పడితే అవి తినకూడదు. తాగకూడదు. ఎందుకంటే కొన్ని ఆహారాలు రక్తంలో చక్కెర స్థాయిలను పెంచుతాయి. అందుకే అవేంటో తెలుసుకుని వాటిని పూర్తిగా నివారించడమో.. లేకపోతే తగ్గించడమో చేయాలి. దీనివల్లే బ్లడ్ షుగర్ నియంత్రణలో ఉంటుంది. నిపుణుల  ప్రకారం.. మధుమేహులు ఉదయం కొన్ని పానియాలను తాగితే రక్తంలో చక్కెర స్థాయిలు పెరిగే అవకాశం తగ్గుతుంది. అవేంటంటే..

బొప్పాయి జ్యూస్

బొప్పాయి జ్యూస్ డయాబెటిస్ ఉన్న వారికి చాలా మంచిది. అందుకే చాలా మంది దీన్ని మధుమేహులు తాగాలని సలహానిస్తుంటారు. నిజానికి ఇది ఉదయాన్నే తాగే పానీయం. ఎందుకంటే దీన్ని ఉదయాన్నే తింటే మంచి ఫలితం ఉంటుంది. వీలైనంత వరకు ఖాళీ కడుపుతోనే దీన్ని తాగాలి. ఇది షుగర్ ను బాగా తగ్గించడానికి సహాయపడుతుంది. కొవ్వు, పిండి పదార్థాలు, కేలరీలు తక్కువగా ఉండే బొప్పాయిలో యాంటీఆక్సిడెంట్లు పుష్కలంగా ఉంటాయి. మధుమేహ వ్యాధిగ్రస్తులకు ఇదెంతో మేలు చేస్తుంది.

fenugreek water

మెంతివాటర్

డయాబెటిస్ ఉన్నవారు ఉదయాన్నే మెంతి వాటర్ ను తాగడం అలవాటు చేసుకోవాలి. ఇందుకుంటే ఇది కూడా రక్తంలో చక్కెర స్థాయిలను నియంత్రిస్తుంది. ఇందుకోసం మెంతులను రాత్రిపూట నీటిలో నానబెట్టాలలి. వీటిని వడకట్టి ఉదయాన్నే తాగాలి. దీంతో వీటిలో ఉండే పోషకాలను పొందుతారు. అలాగే షుగర్ కూడా కంట్రోల్ లో ఉంటుంది. 

cinnamon tea

దాల్చిన చెక్క గ్రీన్ టీ

దాల్చిన చెక్కతో కూడిన గ్రీన్ టీ మధుమేహ వ్యాధిగ్రస్తులు ఉదయాన్నే తాగితే ఎంతో మంచిది. ఎందుకంటే ఇది బ్లడ్ షుగర్ ను కూడా కంట్రోల్ చేస్తుంది. అంతేకాకుండా డయాబెటిస్ ఉన్నవారు స్వీట్లకు దూరంగా ఉండాలి. అయితే బదులుగా దాల్చినచెక్కను ఉపయోగించాలి. దాల్చిన చెక్క కొద్దిగా తీయగా కూడా ఉంటుంది. ఇలా దాల్చినచెక్కను వాడే వారు చాలా మందే ఉంటారు. దాల్చినచెక్క రక్తంలో చక్కెరను తగ్గించడమే కాకుండా డయాబెటిస్ తో సంబంధం ఉన్న ఆరోగ్య సమస్యలు, వ్యాధులను నివారించడానికి కూడా సహాయపడుతుంది.