పెసరపప్పు మొలకలతో ఇన్ని ప్రయోజనాలా?

చాలా మంది ఎండాకాలంలో మొలకెత్తిన పెసరపప్పును ఎక్కువగా తింటుంటారు. ఎందుకో తెలుసా? ఈ మొలకలతో ఎన్నో రోగాల ముప్పు తప్పుతుంది కాబట్టి.  

Sprouts

మొలకెత్తిన పెసరపప్పును ఎక్కువగా ఉదయం బ్రేక్ ఫాస్ట్ లో తింటుంటారు. నిజానికి ఇది మన శరీరానికి ఎంతో ప్రయోజనకరంగా ఉంటుంది. మొలకెత్తిన పెసరపప్పులో ఫైబర్, రఫేజ్ మాత్రమే కాకుండా ఫోలేట్, విటమిన్ సి తో పాటుగా అనేక ఖనిజాలు కూడా ఉంటాయి. ఏదేమైనా ఈ రోజు మొలకెత్తిన పెసరపప్పును తింటే మనకు ఎలాంటి ఆరోగ్య  ప్రయోజనాలు కలుగుతాయో ఇప్పుడు తెలుసుకుందాం.. 

విటమిన్ కె

మొలకెత్తిన పెసరపప్పులో విటమిన్ కె పుష్కలంగా ఉంటుంది. ఇది మన ఆరోగ్యానికి ఎన్నో విధాలుగా ఉపయోగపడుతుంది. 1 కప్పు పెసరపప్పులో 5.45 ఎంసిజి విటమిన్ కె ఉంటుంది. ఈ విటమిన్ కె మీ కోసం ఎన్నో విధాలుగా పనిచేస్తుంది. ఈ విటమిన్ కండరాల బలాన్ని పెంచుతుంది. అలాగే మీ రక్తం గడ్డకట్టే ప్రమాదాన్ని తగ్గిస్తుంది. అంతేకాదు ఆస్టియోకాల్సిన్ ఆరోగ్యకరమైన ఎముక కణజాలాన్ని ఉత్పత్తి చేయడానికి విటమిన్ కె అవసరమయ్యే మరొక ప్రోటీన్. మొలకెత్తిన పెసరపప్పు దీనికి మీకు సహాయపడుతుంది.

గుండెకు మేలు చేస్తుంది

మొలకెత్తిన పెసరపప్పు గుండె ఆరోగ్యానికి ఎన్నో విధాలుగా మేలు చేస్తుంది. ఇవి రక్త నాళాలను ఆరోగ్యంగా ఉంచడంతో పాటుగా గుండెకు అడ్డంకి ప్రమాదాన్ని కూడా తగ్గిస్తుంది. ఈ పెసరపప్పు మొలకలు రక్త ప్రసరణను మెరుగుపరుస్తాయి. ఇది గుండె పనితీరును మెరుగుపరిచి ఎన్నో వ్యాధులకు దూరంగా ఉంచుతుంది.

green gram sprouts

కడుపునకు మంచిది

మొలకెత్తిన పెసరపప్పును తినడం వల్ల పొట్టకు ఎన్నో రకాలుగా మేలు జరుగుతుంది. ఇది గట్ లోని బ్యాక్టీరియాను ప్రోత్సహిస్తుంది. అలాగే కడుపు జీవక్రియ కార్యకలాపాలను పెంచుతుంది. ఫలితంగా మలబద్ధకం సమస్య ఉండదు. దీంతో మీ జీర్ణవ్యవస్థ సజావుగా నడుస్తుంది. అలాగే మీ రక్తంలో చక్కెర స్థాయిలు స్థిరంగా ఉంటాయి.

eating Sprouts

ఎముకల బలాన్ని పెంచుతుంది

మొలకెత్తిన పెసరపప్పును తినడం వల్ల మీ ఎముకలు బలంగా ఉంటాయి. ఈ మొలకలు మీ ఎముకల సాంద్రతను పెంచడంతో పాటు కీళ్లకు సంబంధించిన సమస్యలను కూడా తగ్గిస్తుంది. అంతే కాదు కండరాలను ఆరోగ్యంగా ఉంచడానికి కూడా ఇది సహాయపడుతుంది. కాబట్టి మొలకెత్తిన పెసరపప్పును తప్పకుండా తినండి.