చలికాలంలో బొప్పాయి తింటే ఇన్ని లాభాలా?

ఒక్కో సీజన్ లో ఒక్కో పండు ఆరోగ్యానికి మేలు చేస్తుంది. వీలైనంత వరకు అందరూ సీజనల్ ఫ్రూట్స్ రుచిని ఆస్వాదిస్తుంటారు. అయితే చలికాలంలో మన ఆరోగ్యానికి మేలు చేసే పండ్లలో బొప్పాయి ముందు వరుసలో ఉంటుందనే విషయం మీకు తెలుసా? ఈ కాలంలో బొప్పాయి తినడం వల్ల కలిగే ఆరోగ్య ప్రయోజనాలు ఏంటో.. ఇక్కడ తెలుసుకుందాం.

సాధారణంగా చలికాలం మన జీవితంలో చాలా మార్పులను తెస్తుంది. ఈ సీజన్‌లో ఆహారం నుంచి జీవనశైలి వరకు అన్నీ మారిపోతాయి. ఈ సీజన్‌లో రోగనిరోధక శక్తి బాగా ప్రభావితమవుతుంది. చలికాలంలో రోగనిరోధక శక్తి తరచుగా బలహీనపడుతుంది. ఇలాంటి పరిస్థితిలో ఆహారంలో సరైన మార్పులు చేసుకుంటేనే మనం ఆరోగ్యంగా ఉండగలం.

సీజనల్ వ్యాధులు రాకుండా..

చలికాలంలో బొప్పాయి తినడం ఆరోగ్యానికి చాలా మంచిది. చలికాలంలో బొప్పాయి తింటే శరీరం వెచ్చగా ఉంటుంది. అంతేకాదు ఈ సీజన్ లో వచ్చే వ్యాధుల నుంచి కూడా బొప్పాయి మనల్ని రక్షిస్తుంది.

రోగనిరోధక శక్తికి..

రోగనిరోధక శక్తిని పెంచుతుంది:

చలికాలంలో రోగనిరోధక శక్తి బలహీనపడుతుంది. ఇలాంటి పరిస్థితిలో రోగనిరోధక శక్తిని పెంచుకోవడానికి బొప్పాయి చాలా ఉపయోగపడుతుంది. ఇందులో ఉండే విటమిన్ సి, వివిధ రకాల యాంటీఆక్సిడెంట్లు రోగనిరోధక శక్తిని బలోపేతం చేయడంలో సాయపడతాయి.

జీర్ణక్రియకు మంచిది:

చలికాలంలో జీర్ణ సమస్య రావడం సర్వసాధారణం. చాలా మంది ఈ సమస్యను ఎదుర్కొంటారు. అలాంటి పరిస్థితిలో బొప్పాయి చాలా ఉపయోగకరంగా ఉంటుంది. నిజానికి, బొప్పాయిలో ఉండే ఫైబర్ జీర్ణక్రియకు చాలా మంచిది. బొప్పాయి మలబద్ధక సమస్యను పరిష్కరించడంలోనూ సహాయపడుతుంది.

డయాబెటిస్ ఉన్నవారికి కూడా..

బరువు తగ్గిస్తుంది:
బరువు తగ్గాలనుకునే వారికి బొప్పాయి సహాయపడుతుంది. బొప్పాయిలో కేలరీలు చాలా తక్కువ. ఇందులో విటమిన్ సి, పొటాషియం, ఫోలేట్ పుష్కలంగా ఉంటాయి. ఇవి ఆరోగ్యకరంగా బరువు తగ్గడానికి ఉపయోగపడతాయి.

కళ్ళకు మంచిది:

బొప్పాయిలో ఉండే విటమిన్ సి కంటి ఆరోగ్యానికి చాలా మంచిది. కంటి సమస్యను నివారించడానికి, కళ్ళను ఆరోగ్యంగా ఉంచుకోవడానికి బొప్పాయి తినడం మంచిది. డయాబెటిస్ ఉన్నవారికి కూడా బొప్పాయి చాలా ఉపయోగకరంగా ఉంటుంది.

చర్మ సమస్యకు..

గుండెకు మంచిది:

బొప్పాయిలో విటమిన్ సి, ఫైబర్, యాంటీఆక్సిడెంట్లు వంటి అనేక పోషకాలు ఉన్నాయి. ఇవి శరీరంలోని కొవ్వు స్థాయిలను నియంత్రించడంలోనూ.. గుండెను ఆరోగ్యంగా ఉంచడంలోనూ సహాయపడతాయి.

చర్మానికి మంచిది:

చలికాలంలో చర్మం పొడిబారడం, పగుళ్లు వంటి సమస్యలు రావడం సహజం. ఉదయం బొప్పాయి తినడం వల్ల చర్మాన్ని మెరుగుపరుచుకోవచ్చు.