Health Tips: చలికాలంలో నెయ్యిని తినడం వల్ల మనకు ఎన్నో ప్రయోజనాలు కలుగుతాయి. అందుకే దీన్ని సూపర్ ఫుడ్ అంటారు. నిజానికి నెయ్యిని ఎన్నో ఏండ్ల నుంచి ఎన్నో సమస్యలను తగ్గించడానికి ఉపయోగిస్తున్నారు. కాగా చలికాలంలో వేడినీటిలో నెయ్యిని కలిపి తాగడం వల్ల ఎన్నో ఆరోగ్య ప్రయోజనాలు కలుగుతాయని నిపుణులు చెబుతున్నారు. అవేంటో తెలుసుకుందాం పదండి.
చలికాలంలోని చల్లని గాలులు వాతావరణాన్ని ఆహ్లాదకరంగా మారుస్తాయి. కానీ ఇతర సీజన్లతో పోలిస్తే ఈ కాలంలోనే దగ్గు, జలుబు, జ్వరం వంటి ఎన్నో సమస్యలు ఎక్కువగా వస్తాయి. ఈ సీజన్ లో మన ఆరోగ్యం బాగుండాలంటే మన ఆహారపు అలవాట్లను మార్చుకోవాల్సి ఉంటుంది. చలికాలంలో ఖచ్చితంగా తినాల్సిన ఆహారాలు కొన్ని ఉన్నాయి. ఇవి మన ఆరోగ్యాన్ని కాపాడుతాయి.
అలాగే చలికాలో మినల్ని వెచ్చగా ఉంచడానికి కూడా సహాయపడతాయి. అంతేకాదు మన ఇమ్యూనిటీ పవర్ ను కూడా పెంచుతాయి. ఇలాంటి ఆహారాల్లో నెయ్యి ఒకటి. దీనిని వింటర్ సూపర్ ఫుడ్ అని కూడా అంటారు. నెయ్యిలో ఎన్నో రకాల పోషకాలు సమృద్ధిగా ఉంటాయి. ఇది మన ఆరోగ్యానికి ఎంతో మేలు చేస్తుంది. అద్భుతమైన ప్రయోజనాలను అందిస్తుంది. అందుకే దీనిని ఎన్నో రకాలుగా తమ ఆహారంలో భాగం చేసుకుంటుంటారు. అయితే గోరువెచ్చని నీటిలో నెయ్యిని కలిపి తాగడం వల్ల ఆరోగ్యానికి మరిన్ని ఎక్కువ ప్రయోజనాలు కలుగుతాయని నిపుణులు చెబుతున్నారు. దీన్ని ఉదయాన్నే తాగడం వల్ల ఎలాంటి ప్రయోజనాలు కలుగుతాయో తెలుసుకుందాం పదండి.
నెయ్యి ఎందుకు సూపర్ ఫుడ్?
నెయ్యి భారతీయ వంటశాలలలో ఖచ్చితంగా ఉపయోగించే ఒక పదార్థం. పోషకాలు ఎండుగా ఉండే సూపర్ ఫుడ్ నెయ్యి. అందుకే దీనిని ఎన్నో విధాలుగా ఉపయోగిస్తారు. ఆహారంతో పాటుగా మతపరమైన ఆచారాలు, ఆయుర్వేదం, మందులు మొదలైన వాటికి కూడా నెయ్యిని ఉపయోగిస్తారు. నెయ్యిలో విటమిన్ ఎ, విటమిన్ ఇ, విటమిన్ డి లు పుష్కలంగా ఉంటాయి. ఇది మీ జీవక్రియను పెంచడానికి సహాయపడుతుంది. ఇది మన జీర్ణక్రియను మెరుగ్గా ఉంచుతుంది. చర్మాన్ని ఆరోగ్యంగా ఉంచుతుంది. ఇమ్యూనిటీ పవర్ ను పెంచుతుంది. ఎముకలను బలోపేతం చేస్తుంది. అసలు నెయ్యి కలిపిన వేడినీళ్లను తాగడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం..
కీళ్ల నొప్పుల నుంచి ఉపశమనం
చలికాలంలో కీళ్ల నొప్పులు ఎక్కువవుతాయి. దీనివల్ల ఏ పనీ చేయలేరు. కూర్చోవడానికి, నడవడానికి కూడా ఇబ్బందిగానే ఉంటుంది. ఇలాంటప్పుడు నెయ్యిలో ఉండే ఔషద గుణాలు ఈ కీళ్ల నొప్పులను తగ్గించి దృఢంగా మారుస్తాయి.
చర్మ ఆరోగ్యం
ఈ చలికాలంలో చల్లని గాలులు వల్ల మన చర్మంలో తేమ తగ్గుతుంది. దీంతో చర్మం పొడిబారుతుంది. ఇలాంటప్పుడు ప్రతిరోజూ వేడి నీటితో నెయ్యిని తాగడం వల్ల చర్మానికి అవసరమైన పోషణ అందుతుంది. ముఖ్యంగా నెయ్యిలో ముఖ్యమైన కొవ్వు ఆమ్లాలు, విటమిన్లు పుష్కలంగా ఉంటాయి. వీటిని క్రమం తప్పకుండా తీసుకోవడం వల్ల మీ చర్మం సహజ మెరుపు పెరుగుతుంది. అలాగే చర్మ సంబంధిత సమస్యలు కూడా తగ్గిపోతాయి.
జీర్ణక్రియను మెరుగుపరుస్తుంది
మీరు ఎప్పుడూ జీర్ణ సమస్యలతో బాధపడుతుంటే వేడినీటిలో నెయ్యి కలిపి తాగండి. ఇది మీకు ప్రయోజనకరంగా ఉంటుంది. అవును దీన్ని రెగ్యులర్ గా తాగడం వల్ల జీర్ణ ఎంజైమ్ల స్రావం పెరిగి జీర్ణక్రియ మెరుగుపడుతుంది.
బరువు నిర్వహణకు
నెయ్యి ఆరోగ్యకరమైన కొవ్వు కు మంచి వనరు. నెయ్యి మీ కడుపును ఎక్కువసేపు నిండుగా ఉంచుతుంది. అలాగే అతిగా తినడాన్ని తగ్గిస్తుంది. ఫుడ్ కోరికలను కూడా తగ్గించేందుకు సహాయపడుతుంది. దీంతో మీరు బరువు పెరిగే అవకాశం ఉండదు.
శరీరాన్ని నిర్విషీకరణ చేయడంలో
వేడి నీరు మన శరీరం నుంచి విషపదార్థాలను బయటకు పంపుతుంది. అలాగే ఈ వేడినీటిలో నెయ్యిని కలిపి తాగడం వల్ల శరీరాన్ని నిర్విషీకరణ చేయడానికి సహాయపడుతుంది. నిజానికి నెయ్యిలో నిర్విషీకరణ లక్షణాలు ఉన్నాయి. ఇది శరీరాన్ని నిర్విషీకరణ చేయడంలో ఎఫెక్టీవ్ గా పనిచేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి