నూనె బదులు నెయ్యి వాడితే ఏమౌతుంది..?

నూనె తీసేసి.. దాని బదులు నెయ్యి వాడితే ఏమౌతుంది?  ఆరోగ్యానికి మంచిదేనా? కలిగే నష్టాలు ఏంటో చూద్దాం....  

ghee

భారతీయులు నెయ్యిని రెగ్యులర్ గా వాడుతూ ఉంటారు.  చిన్న పిల్లలకు కూడా మనం  ఎలాంటి సంకోచం లేకుండా నెయ్యి పెడుతూ ఉంటాం.  ఈ నూనెలు కంటే నెయ్యి మంచిదని నమ్ముతాం. పప్పు, పరాఠా ఇలా ఏది చేసినా అందులో నెయ్యి వాడతారు. మరి.. అసలు.. నూనె తీసేసి.. దాని బదులు నెయ్యి వాడితే ఏమౌతుంది?  ఆరోగ్యానికి మంచిదేనా? కలిగే నష్టాలు ఏంటో చూద్దాం....

ghee oil

నెయ్యిని రెగ్యులర్ గా తీసుకోవడం వల్ల కలిగే లాభాలు...

1.జీర్ణక్రియ...
నెయ్యి మన జీర్ణక్రియను మెరుగుపరచడంలో సహాయపడుతుంది.  నెయ్యి చాలా సులభంగా జీర్ణమయ్యే ఫ్యట్. మలబద్దకం సమస్యను తగ్గించడంలోనూ సహాయం చేస్తుంది. 

ghee

2. రోగనిరోధక శక్తిని బలపరుస్తుంది నెయ్యి సహజ యాంటీమైక్రోబయల్ , యాంటీవైరల్ ఏజెంట్‌గా పనిచేస్తుంది, మీ రోగనిరోధక వ్యవస్థను పెంచుతుంది. అంతేకాకుండా, ఇది మొత్తం అభివృద్ధికి సహాయపడే కొవ్వులో కరిగే విటమిన్లతో నిండి ఉంటుంది.

3. గుండె ఆరోగ్యానికి మద్దతు ఇస్తుందిపోషకాహార నిపుణురాల ప్రకారం  నెయ్యి తక్కువ మొత్తంలో తీసుకుంటే చాలా మంచిది. శుద్ధి చేసిన నూనెలతో పోలిస్తే గుండె ఆరోగ్యానికి  నెయ్యి సురక్షితమైన ఎంపిక 
.4. బరువు తగ్గడంలో సహాయపడుతుంది. నెయ్యి జీవక్రియను నియంత్రించడంలో సహాయపడుతుందని,  శరీరంలో పేరుకు పోయిన నెయ్యిని కరిగించడంలోనూ సహాయపడుతుంది.

ghee

ఇన్ని ప్రయోజనాలు ఉన్న ఈ నెయ్యిని నూనె బదులు వాడొచ్చా..?

మీరు చేసే ప్రతి వంటకు నూనెలకు బదులు నెయ్యిని వాడటం మాత్రం అస్సలు మంచిది కాదు.  నెయ్యి పుష్కలంగా ప్రయోజనాలను కలిగి ఉన్నప్పటికీ, దానిని మాత్రమే వాడటం ఆరోగ్యం కాదు. వేరుశెనగ నూనె, ఆలివ్ నూనె , కుసుమ నూనె వంటి నూనెలు అన్నీ ప్రత్యేకమైనవే. నెయ్యిలో లేని పోషకాలు వీటిలో ఉంటాయి.  నెయ్యిలో సంతృప్త కొవ్వులు (SFA) ఉంటాయి, కానీ ఇతర నూనెలు సమతుల్య ఆహారం కోసం అవసరమైన మోనోఅన్‌శాచురేటెడ్ (MUFA) పాలీఅన్‌శాచురేటెడ్ (PUFA) కొవ్వులను అందిస్తాయి. కాబట్టి ఇతర నూనెలను కూడా వాడాలి. కానీ, మితంగా తీసుకోవాలి.   మీ ఆహారంలో వివిధ రకాల పండ్లు , కూరగాయలను చేర్చుకున్నట్లే, విభిన్న వంట నూనెలను ఉపయోగించడం మంచిది. రెగ్యులర్ గా నూనెలను మారుస్తూ ఉండాలి. ఎప్పుడూ ఒకే రకం నూనెను వాడటం కూడా మంచిది కాదు.