ప్యాన్ కేకులను హెల్దీగా చేసేదెలా..?

 ఎందుకంటే.. షుగర్ ఎక్కువగా వేస్తారు కాబట్టి బరువు పెరుగుతామని భయం ఉన్నవారు కూడా తినరు. అయితే... ఈ ప్యాన్ కేకులకు హెల్దీ వర్షన్ కూడా ఉన్నాయి. వాటిని ఎలా తయారు చేసుకోవాలో ఇప్పుడు చూద్దాం...  

pan cake

ప్యాన్ కేకులను చాలా మంది ఇష్టంగా తింటూ ఉంటారు. ముఖ్యంగా పిల్లలకు  ప్యాన్ కేకులు బాగా నచ్చుతాయి. కానీ..  ప్యాన్ కేకులు మైదా పిండితో చేస్తారు అని.. చాలా మంది పేరెంట్స్ పిల్లలకు పెట్టడానికి ఇష్టపడరు. కానీ.. మనం ఇంట్లోనే  హెల్దీగా ప్యాన్ కేకులు తయారు చేయవచ్చని మీకు తెలుసా?

banana egg pan cake

సాధారణంగా ప్యాన్ కేకులు చాలా క్యాలరీలతో నిండి ఉంటాయి. ఎందుకంటే.. షుగర్ ఎక్కువగా వేస్తారు కాబట్టి బరువు పెరుగుతామని భయం ఉన్నవారు కూడా తినరు. అయితే... ఈ ప్యాన్ కేకులకు హెల్దీ వర్షన్ కూడా ఉన్నాయి. వాటిని ఎలా తయారు చేసుకోవాలో ఇప్పుడు చూద్దాం...

Pancake

1 బనానా ప్యాన్ కేక్స్..

మైదా పిండితో కాకుండా హోల్ వీట్ పిండితో.. బనానా ప్యాన కేక్ చేయవచ్చు. ఇది చాలా ఆరోగ్యకరంగా ఉంటుంది.  ఫైబర్, పొటాషియం కూడా పుష్కలంగా ఉంటుంది. ఈ ప్యాన్ కేక్ తయారు చేయడానికి... రెండు బాగా పండిన అరటి పండ్లు తీసుకోవాలి. వాటిని బాగా స్మూత్ పేస్టులాగా చేసుకోవాలి. ఇప్పుడు అందులో రెండు కోడిగుడ్లు వేసి బాగా కలపాలి. ఇప్పుడు అందులోనే ఒక కప్పు గోధుమ పిండి వేయాలి. అవసరం అనిపిస్తే.. వెనీలా ఎసెన్స్ వేసుకోవచ్చు. కొద్దిగా ఉప్పు వేయాలి. ఈ పిండిని బాగా కలుపుకొని.... ప్యాన్ గా వేడి ఎక్కిన తర్వాత.. కేకుల్లా వేసుకోవడమే. నెయ్యితో కాల్చుకుంటే టేస్ట్ ఇంకా అదిరిపోతుంది. కాస్త ఆరోగ్యకరంగా కావాలి అంటే.. కొబ్బరి నూనె వాడుకోవచ్చు. తర్వాత.. తేనె వేసుకొని తింటే... కమ్మగా ఉంటుంది.

2.ఓట్ మీల్ బ్లూబెర్రీ ప్యాన్ కేక్స్..

ప్యాన్ కేకులను ఓట్స్ తోనూ హ్యాపీగా తినొచ్చు. ఇందులో... యాంటీఆక్సిడెంట్స్, ఫైబర్ పుష్కలంగా ఉంటుంది.  వీటితో రోజూ మొదలుపెడితే.. ఆ రోజు చాలా హెల్దీగా ఉంటుంది. దాని కోసం మనం...సాధారణంగా చేసే ప్యాన్ కేక్ లో పిండికి బదులు... ఓట్స్ ని పౌడర్ ని వాడితే సరిపోతుంది. కొంచెం బేకింగ్ పౌడర్, చిటికెడు ఉప్పు, దాల్చిన చెక్క పొడి వేసి కలపాలి. ఇప్పుడు అందులో ఒక కోడిగుడ్డు, ఒక కప్పు బాదం పాలు వేసి.. అన్నీ బాగా కలుపుకోవాలి. ఇప్పుడు వీటిలో బ్లూబెర్రీలు కలుపుకొని.. ప్యాన్ కేక్స్ వేసుకోవడమే. రుచి అదిరిపోతుంది.. మంచి హెల్దీ బ్రేక్ ఫాస్ట్ కూడా అవుతుంది.