ప్రస్తుతం అన్ని రాష్ట్రాల్లో లాక్ డౌన్ విధిస్తున్న సంగతి తెలిసిందే. దీంతో.. రోజూ బయటకు వెళ్లడం కుదరదని అందరూ వారానికి, పది రోజులకు సరిపడా కూరగాయలు తెచ్చి పెట్టుకుంటున్నారు. మరి ఆ కూరగాయలన్నింటినీ ఫ్రిడ్జ్ ఉన్నవాళ్లు వారం, పది రోజుల వరకు ఫ్రెష్ గా ఉంచుకోగలరు. ఆ సౌకర్యం లేని వారు.? ఈ సింపుల్ టిప్స్ ఫాలో అయితే.. ఫ్రిడ్జ్ లేకున్నా.. కూరగాయలు ఫ్రెష్ గా ఉంచుకోవచ్చట. అదెలాగో చూద్దాం..
అందరూ ఇళ్లల్లోనే ఉండాలనే రూల్ ఏమీ లేదు కదా ఫ్రిడ్జ్ సౌకర్యం ఉండటానికి.. కొందరు పీజీల్లో.. కొందరు రూమ్స్ లో ఉంటారు. అలాంటివారికి ఫ్రిడ్జ్ ఉండదు కదా.. వారు ఈ టిప్స్ తో కూరగాయలు తాజాగా ఉంచుకోవచ్చు.
కూరగాయలకు సూర్య రశ్మి తగిలినప్పుడు మరింత రుచిగా మారతాయట. అందుకే.. కూరగాయలకు లేత సూర్య రశ్మి తగిలేలా చూసుకుంటారట.
ఆకు కూరలు తొందరగా పాడైపోతాయి కాబట్టి.. వాటిని తెచ్చిన వెంటనే వాటిల్లో కొద్దిగా పాడైనట్లు కనిపించిన ఆకులను ముందుగా తొలగించాలి. మిగిలిన వాటిని వేరే దాంట్లో స్టోర్ చేయాలి.
కూరగాయలను ముక్కలుగా కోసుకొని.. వాటిని కాస్త ఆరనివ్వాలి. ఆ తర్వాత వాటిని విడివిడిగా బ్యాగుల్లో ప్యాక్ ఛేసుకోవాలి. కూరగాయలన్నింటినీ ఒకే బుట్టలో వేసి ఉంచడం కూడా మంచి పద్దతి కాదు.
దోసకాయ, క్యాప్సికమ్, ములగకాయ, వంకాయ వంటి కూరగాయలను తుడి క్లాత్ లో చుట్టి పెట్టాలి. ఇలా పెడితే ఎక్కువ కాలం నిల్వ ఉంటాయి.
క్యారెట్‌ను ఎక్కువసేపు తాజాగా ఉంచడానికి, దాని పైభాగాన్ని కత్తిరించి గాలి చొరబడని కంటైనర్‌లో ఉంచండి. ఇది క్యారెట్లను చాలా రోజులు తాజాగా ఉంచుతుంది. తేమ లేని డబ్బాలో నిల్వ చేయడం తప్పనిసరి.
కరివేపాకు తాజాగా ఉండటానికి, నూనెలో వేయించాలి. ఈ విధంగా ఒక వారం పాటు ఉంచవచ్చు. కానీ గాలి చొరబడని కంటైనర్‌లో ఉంచండి.
ప్రతి ఇంట్లో టమోటాలు ఉపయోగిస్తారు. టమోటాలు తాజాగా ఉండటానికి, వాటిని ప్లాస్టిక్ సంచిలో వేసి, ఆ సంచిలో చిన్న రంధ్రాలు చేయాలి.
టమాట కొద్దిరోజుల తర్వాత పాడవ్వడం మొదలౌతుంది. అలాంటప్పుడు.. దానిని ముక్కలుగా కోసి రోస్ట్ చేసి.. ఆలివ్ ఆయిల్ లో కలిపి స్టోర్ చేసుకోవాలి. ఇలా చేయడం వల్ల ఎప్పుడు కావాలంటే అప్పుడు ఉపయోగించుకోవచ్చు.
వెల్లుల్లి, బంగాళాదుంపలు, ఉల్లిపాయలు వంటి కూరగాయలను చాలా కాలం పాటు తాజాగా ఉంచడానికి, వాటిని చల్లని ప్రదేశంలో ఉంచండి. వెల్లుల్లి సరిగా గాలి తగలకుండా ఉండే కవర్ లో ఉంచాలి. ఇలా చేయడం వల్ల వెల్లుల్లి ఎక్కువ కాలం తాజాగా ఉంటుంది.
బంగాళాదుంపలు మరియు ఉల్లిపాయలను ఎప్పుడూ కలిసి ఉంచవద్దు. వాటిని సూర్యరశ్మికి దూరంగా ఉంచండి. రెండింటిని కలిపి ఉంచితే త్వరగా పాడైపోతాయి. దూరంగా ఉంటే ఎక్కువ కాలం నిల్వ ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి