సమ్మర్ లో సబ్జా గింజలు.. మనకు ఎంత హెల్ప్ చేస్తాయో తెలుసా?

దీన్ని రోజూ తినడం వల్ల జీర్ణక్రియకు తోడ్పడుతుంది, కడుపు వ్యాధులను దూరం చేస్తుంది. చెడు కొలెస్ట్రాల్ స్థాయిని అదుపులో ఉంచుతుంది.

ఎండాకాలం రాగానే మనం ఆ వేడిని తట్టుకునేందుకు ఏవేవో ప్రయత్నాలు చేస్తూ ఉంటాం. కొబ్బరి నీళ్లు, మజ్జిగ లాంటివి తాగుతూ ఉంటాం. కానీ.. మనకు అందుబాటులో ఉండే మరో అద్భుతమైన దానిని మాత్రం మర్చిపోతున్నాం. అదే సబ్జా వాటర్.  మనకు మార్కెట్లో ఈ సబ్జా గింజలు చాలా ఈజీగా లభిస్తాయి. ఈ సబ్జా గింజలు తీసుకోవడం వల్ల కలిగే లాభాలు ఏంటో ? దానిలో ఉన్న పోషకాలు ఏంటో ఇప్పుడు తెలుసుకుందాం...

ఈ సబ్జా గింజల్లో  కార్బోహైడ్రేట్లు సమృద్ధిగా ఉంటాయి ప్రతి 100 గ్రాములలో 42% పిండి పదార్థాలు ఉండే ఈ గింజలు శరీరానికి తక్షణ శక్తిని అందిస్తాయి. ఈ గింజలలోని పిండి పదార్థాలు జీవక్రియను ప్రోత్సహిస్తాయి. మూత్రపిండాలు, గుండె , కేంద్ర నాడీ వ్యవస్థ పనితీరులో సహాయపడతాయి. దీన్ని రోజూ తినడం వల్ల జీర్ణక్రియకు తోడ్పడుతుంది, కడుపు వ్యాధులను దూరం చేస్తుంది. చెడు కొలెస్ట్రాల్ స్థాయిని అదుపులో ఉంచుతుంది.

ప్రొటీన్ సమృద్ధిగా ఉంటుంది .సబ్జా గింజలు 100 గ్రాములకి 20% వరకు ఉండే ప్రోటీన్  సహజ , శాఖాహార మూలం. ఎముకలు, కండరాలు, చర్మాన్ని బలోపేతం చేయడానికి, శరీర పనితీరును మెరుగుపరచడానికి, శరీరంలో ఎంజైమ్‌లు, హార్మోన్లు ,ఇతర రసాయనాల ఉత్పత్తిని పెంచడానికి ఈ విత్తనాలను ప్రతిరోజూ తినండి.

Sabja Seeds

ఈ చిన్న నల్ల గింజలు చాలా తక్కువ కేలరీల కంటెంట్ కలిగి ఉంటాయి. స్లీప్ అప్నియా, కీళ్ల వ్యాధులు, కొలెస్ట్రాల్, రక్తపోటు , క్యాన్సర్‌ను తగ్గించడానికి ఈ విత్తనాలను మీ దినచర్యలో చేర్చుకోండి.

ఫైబర్ సమృద్ధిగా ఉంటుంది సబ్జా గింజల్లో ఫైబర్ పుష్కలంగా ఉంటుంది, ఇది కడుపు సమస్యలను దూరం చేస్తుంది. ఇవి మంచి కొలెస్ట్రాల్‌ను మెరుగుపరుస్తాయి, మిమ్మల్ని శక్తివంతంగా ఉంచుతాయి. మధుమేహం. గుండె జబ్బుల ప్రమాదాన్ని తగ్గిస్తాయి.

సబ్జా గింజలు కాల్షియం, మెగ్నీషియం, ఐరన్, పొటాషియం, ఫోలిక్ యాసిడ్ వంటి వివిధ ఖనిజాల స్టోర్‌హౌస్. 100 గ్రాముల సబ్జా విత్తనాలలో 244% కాల్షియం, 178% మెగ్నీషియం, 499% ఇనుము, 56% పొటాషియం, 78% ఫోలిక్ యాసిడ్ ఉంటాయి.

సబ్జా గింజలు ఒమేగా 3 ఫ్యాటీ యాసిడ్స్ కి  గొప్ప మూలం, ఇది డిప్రెషన్ , యాంగ్జైటీతో పోరాడటానికి సహాయపడుతుంది, కళ్లకు మంచిది, పిండం అభివృద్ధిలో సహాయపడుతుంది, గుండె సమస్యలను నివారిస్తుంది. అంతేకాదు.. ఈ సబ్జా గింజలు తీసుకోవడం వల్ల సులభంగా బరువు కూడా తగ్గవచ్చు.