చాలా మంది చాయ్ లో యాలకులను వేస్తుంటారు. దీనివల్ల టీ మంచి సువాసన వస్తుంది. అలాగే టేస్ట్ కూడా బాగుంటుంది. కానీ టీలో యాలకులను వేస్తే ఏమౌతుందో తెలిస్తే ఆశ్చర్యపోతారు.
యాలకులను మనం ఎన్నో రకాల వంటల్లో ఉపయోగిస్తాం. ఇది కేవలం ఒక మసాలా దినుసు మాత్రమే కాకుండా.. మన ఆరోగ్యానికి మేలు చేసే దివ్య ఔషదం కూడా. యాలకుల్లో విటమిన్ బి6, విటమిన్ బి3, విటమిన్ సి, జింక్, కాల్షియం, పొటాషియం వంటి పోషకాలు పుష్కలంగా ఉంటాయి. వీటిని తీసుకోవడం వల్ల మన ఆరోగ్యానికి ఎంతో మేలు జరుగుతుంది. అయితే చాలా మంది యాలకులను టేస్ట్ కోసం, మంచి సువాసన కోసం టీలో వేస్తుంటారు. కానీ ఈ టీ మన ఆరోగ్యానికి మేలు చేస్తుందన్న సంగతి మాత్రం ఎవ్వరికీ తెలియదు. యాలకులు వేసిన టీని తాగడం వల్ల ఎలాంటి లాభాలు కలుగుతాయో ఇప్పుడు తెలుసుకుందాం పదండి.
యాలకులు వేసిన టీని రెగ్యులర్ గా తాగడం వల్ల జీర్ణ సమస్యలు తగ్గిపోతాయి. ఎసిడిటీతో బాధపడేవారికి కూడా ఇది ప్రయోజనకరంగా ఉంటుంది. యాలకులు వేసిన టీని తాగితే ఎసిడిటీ, అజీర్ణం, గ్యాస్, కడుపు ఉబ్బరం వంటి సమస్యలు నయమవుతాయి. ఈ టీ మన జీర్ణక్రియను మెరుగుపరుస్తుంది.
యాలకుల్లో యాంటీ ఆక్సిడెంట్స్ మెండుగా ఉంటాయి. ఇవి హైబీపీని కంట్రోల్ చేయడానికి బాగా సహాయపడుతుంది. అందుకే అధిక రక్తపోటు సమస్యతె బాధపడేవారు యాలకులు కలిపి టీని రెగ్యులర్ గా తాగితే అధిక రక్తపోటు నియంత్రణలో ఉంటుంది.
యాలకులు కలిపిన టీ మన గుండె ఆరోగ్యాన్ని కాపాడటానికి కూడా ఎంతగానో సహాయపడుతుంది. ఈ టీని ప్రతిరోజూ తాగితే రక్తంలో చక్కెర స్థాయిలు అదుపులో ఉంటాయి. కాబట్టి డయాబెటీస్ ఉన్నవారు యాలకులు వేసిన టీని రోజూ తాగడం మంచిదని డాక్టర్లు, ఆరోగ్య నిపుణులు చెబుతున్నారు.
యాలకులు మన ఇమ్యూనిటీ పవర్ ను పెంచడానికి సహాయపడతాయి. వీటిలో రోగనిరోధక శక్తిని పెంచే యాంటీ ఆక్సిడెంట్లు పుష్కలంగా ఉంటాయి. యాలకుల టీని తాగితే దగ్గు, జలుబు సమస్యలు తగ్గిపోతాయి. అలాగే శ్వాస తీసుకోవడంలో ఇబ్బంది కూడా నయమవుతుంది.
యాలకులు వేసిన టీ బెల్లీ ఫ్యాట్ రాకుండా చేయడంలో కూడా చాలా ఎఫెక్టీవ్ గా పనిచేస్తుంది. ఎలా అంటే ఈ టీ మీ శరీరంలో అదనపు కొవ్వు పేరుకుపోకుండా చేయానికి జీవక్రియను పెంచుతుంది. అలాగే ఈ టీ తాగితే గుండె జబ్బులు వచ్చే రిస్క్ కూడా తగ్గుతుంది. కాబట్టి మీరు ప్రతిరోజూ యాలకుల టీని తాగితే ఫ్యాట్స్ తగ్గుతాయి. అంతేకాదు ఇది ఒత్తిడిని కూడా తగ్గిస్తుంది. అలాగే మిమ్మల్ని హెల్తీగా ఉంచుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి