సొరకాయ ఆరోగ్యానికి ఎంత మంచిదో స్పెషల్ గా చెప్పాల్సిన అవసరం లేదు. చాలా పోషకాలు ఉంటాయి. అయితే.. ఈ సొరకాయతో కలిపి కొన్ని ఆహారాలు తీసుకోకూడదట. ఏకంగా ఆరోగ్యానికే హానికరమట. మరి, ఆ ఫుడ్స్ ఏంటో ఓసారి చూద్దాం..
మార్కెట్లో చవకగా దొరికే కూరగాయ ఏదైనా ఉంది అంటే అది సొరకాయ అని చెప్పొచ్చు. ఈ కాయలో నీరు పుష్కలంగా ఉంటుంది. అంతేకాదు సొరకాయలో విటమిన్లు, కాల్షియం, మెగ్నీషియం, ఐరన్, జింక్, ఖనిజాలు, యాంటీ ఆక్సిడెంట్స్ పుష్కలంగా ఉంటాయి. ఇవన్నీ మన ఆరోగ్యానికి చాలా మంచివి. ఇందులో ఉండే పోషకాలు మరే ఇతర కూరగాయల్లో లేవు.
సొరకాయతో మనం చాలా రకాల వంటలు చేసుకోవచ్చు. సొరకాయతో కూర, పప్పు, చట్నీ, దోశె ఇలా రకరకాల వంటకాలు చేసుకోవచ్చు. సొరకాయలోని పోషకాలు చర్మ, జుట్టు ఆరోగ్యానికి మంచివని చెప్పినా, ఆయుర్వేదం ప్రకారం కొన్ని ఆహారాలతో కలిపి సొరకాయ తినకూడదు. తింటే ఆరోగ్యానికి హానికరం. మరి సొరకాయతో కలిపి వేరే ఏ ఇతర ఆహారాలు తినకూడదో ఇప్పుడు తెలుసుకుందాం..
సొరకాయతో తినకూడనివి:
క్యాబేజీ : క్యాబేజీ, సొరకాయ కలిపి తినకూడదు. తింటే గ్యాస్ సమస్య వస్తుంది. కడుపులో ఏదైనా సమస్య ఉంటే అస్సలు తినకండి.
బ్రోకలీ : సొరకాయతో బ్రోకలీ తింటే వాంతులు, ముక్కు కారడం, తల తిరగడం వంటి సమస్యలు వస్తాయి. కాబట్టి కలిపి తినకండి.
పుల్లటి ఆహారాలు : సొరకాయతో పుల్లటి ఆహారాలు కలిపి తినకూడదు. తింటే కడుపు నొప్పి, ఇతర సమస్యలు వస్తాయి.
పాల ఉత్పత్తులు : సొరకాయతో పాల ఉత్పత్తులు కలిపి తినడం మానుకోవాలి. ఇది కడుపు సమస్యలు తెస్తుంది.
బీట్రూట్ : బీట్రూట్, సొరకాయ కలిపి తినకూడదు. తింటే మొహం మీద మొటిమలు వస్తాయి.
సొరకాయ ప్రయోజనాలు :
సొరకాయ జ్యూస్ తాగితే జీవక్రియ, రోగనిరోధక శక్తి పెరుగుతాయి. బరువు తగ్గడానికి, చర్మానికి కూడా మంచిది.
గమనిక:
ఆయుర్వేదం ప్రకారం, సొరకాయతో పైన చెప్పిన ఆహారాలు కలిపి తినకూడదు. ఇది ఆరోగ్యానికి మంచిది కాదు. తింటే ఆరోగ్య సమస్యలు వస్తాయి. గుర్తుంచుకోండి.