UK: యూకేలో ఇండియన్స్ బ్రతకాలంటే నెలకు ఎంత ఖర్చవుతుందో తెలుసా? ఫ్యూజులు ఎగిరిపోయే నిజం

UK Cost of Living: ఇండియా నుంచే కాదు చాలా దేశాల నుంచి ఎంతో మంది యువత యూకే(UK)కి వలసవెళ్లి చదువుకోవడం, ఉద్యోగాలు చేయడం లాంటివి చేస్తుంటారు. అయితే అక్కడ నివసించడం అంత తేలికైన పని కాదు. ఖర్చులు ఎంత మోత మోగిస్తాయంటే?

యూకే వెళ్లే వారి సంఖ్య పెరుగుతోంది..

భారతదేశం నుండి ఉన్నత చదువుల కోసం లేదా ఉద్యోగాల కోసం యునైటెడ్ కింగ్‌డమ్ (UK) వెళ్లే వారి సంఖ్య రోజురోజుకూ పెరుగుతోంది. అయితే, యూకే వెళ్లాలనుకునే ప్రతి ఒక్కరి మనస్సులో మెదిలే మొదటి ప్రశ్న—"అక్కడ నెలకు ఎంత ఖర్చవుతుంది?". లండన్ చాలా కాస్ట్లీ సిటీ, అక్కడ బ్రతకాలంటే చాలా ఎక్కువ మొత్తంలో డబ్బు కావాలి. మరి అక్కడ ఖర్చుల వివరాల సంగతేంటి? ఇప్పటికే యూకేలో ఉంటున్నవారి పరిస్థితి ఏంటి? వారు ఏం చెపుతున్నారు. తాజా అంచనాల ప్రకారం, యూకేలో ఒక వ్యక్తి నివసించడానికి అయ్యే సగటు ఖర్చుల వివరాలు ఓ యూట్యూబర్ చెప్పిన సమాచారం ప్రకారం చూస్తే.

ఆదాయానికి తగ్గ ఖర్చులు ఉంటాయి..

యూకే(United Kingdom)లో జీవన వ్యయం (Cost of Living) అనేది ప్రధానంగా మీరు ఉండే నగరంపై ఆధారపడి ఉంటుంది. ఆ దేశంలో అత్యంత కాస్లీ సిటీ లండన్. ఇది ప్రపంచంలోనే అత్యంత ఖరీదైన నగరాల్లో ఒకటిగా ఉంది. ఇక మాంచెస్టర్, బర్మింగ్‌హామ్, ఎడిన్‌బర్గ్ వంటి ఇతర నగరాల్లో ఖర్చులు కాస్త తక్కువగా ఉంటాయి. తక్కువ అంటే మరీ తక్కువ అని చెప్పలేము. లండన్ లో లక్షరూపాయలు ఖర్చు వస్తే.. మిగతాసిటీస్ లో 50 వేల నుంచి 80 వేల వరకూ రావచ్చు.

యూకే లో నెల ఖర్చులు ఎంత అవుతాయి..

యూకేలో నెలవారీ ఖర్చుల గురించి మాట్లాడుకుంటే.. అందులో రెంట్, కరెంట్, వాటర్, ఫుడ్, కిరాణా, గ్యాస్, ఇలా చాలా రకాల ఖర్చులు ఏరియాల వారిగా తగ్గుతూ పెరుగుతూ ఉంటాయి. ఈ రకంగా చూసుకుంటే ముందుగా…

వసతి (Rent): ఇది మీ బడ్జెట్‌లో అతిపెద్ద వాటా. లండన్ వెలుపల ఒక ప్రైవేట్ రూమ్ (షేరింగ్) కోసం నెలకు సగటున 554 పౌండ్స్ అంటే మన ఇండియన్ కరెన్సీలో సుమారు 58,000 రూపాయల వరకు ఖర్చవుతుంది. అదే మీరు లండన్ నగరంలో ఉండాలనుకుంటే, కేవలం రెంట్ కోసమే కనీసం 750 నుండి £1,100 పౌండ్స్ వరకూ కేటాయించాల్సి ఉంటుంది. అంటే ఇండియన్ కరెన్సలో 1,15,000 దాకా కేటాయించాల్సి ఉంటుంది.

బయట తిన్నారంటే బ్యాండ్ పడినట్టే..

యూకేలో వాటర్, గ్యాస్, కరెంట్ తో పాటు బ్రాడ్‌బ్యాండ్ ఇంటర్నెట్ బిల్లుల కోసం నెలకు సగటున 80 నుండి 140 పౌండ్స్ అంటే సుమారు 8,000 నుండి 1500 రూపాయల వరకూ ఖర్చవుతుంది. ఇక కిరాణా (Groceries) విషయానికి వస్తే.. మీ ఇంటి వద్దే వండుకుని తింటే ఖర్చు చాలా ఆదా అవుతుంది. నెలకు ఒక వ్యక్తికి కిరాణా  కోసం 116 నుండి 155 పౌండ్స్ అంటే సుమారుగా 16,000 రూపాయలు అవసరమవుతాయి.

ఇతర ఖర్చుల సంగతేంటి..?

ఇక యూకే(United Kingdom)లో ఉండేవారి ఇతర ఖర్చుల వివరాలు చూస్తే.. ముఖ్యంగా రవాణా (Transport).. బస్సులు లేదా ట్యూబ్ (సబ్‌వే) ప్రయాణాలకు మంత్లీ పాస్ తీసుకోవడం మంచిది. రవాణా కోసం నెలకు 54 నుండి 103 పౌండ్స్ అంటే దాదాపు 5 వేల 6 వందల నుంచి 11వేల వరకూ ఖర్చవుతుంది. ఇక ఇతర ఖర్చుల విషయానికి వస్తే.. మొబైల్ కనెక్షన్ కోసం 1,900 వేలు, బయట స్నేహితులతో కలిసి తిరగడం లేదా సినిమా వంటి వినోదాల కోసం నెలకు కనీసం 8 వేల నుండి 15,500 వరకూ అవసరమవుతాయి.