భారత్లో లాగా అమెరికాలో ప్రజలు గ్యాస్ సిలిండర్లు కొనరు. మరి వాళ్ల ఇళ్లకు వంట గ్యాస్ ఎలా సరఫరా అవుతుంది? ఈ ఆసక్తికరమైన విషయాలను ఈ ఫొటో గ్యాలరీలో వివరంగా చూద్దాం.
ప్రపంచంలో యుద్ధాల కారణంగా భారత్లో గ్యాస్ కొరత ఏర్పడింది. దీంతో ఎల్పిజి గ్యాస్ ధరలు పెరిగాయి… అయినా సిలిండర్లు దొరకడంలేదు. ఖాళీ సిలిండర్లతో ప్రజలు గ్యాస్ ఏజెన్సీల చుట్టూ తిరుగుతున్నారు. సిలిండర్ బుక్ చేసి డెలివరీ కోసం ఎదురుచూస్తున్నారు. కానీ అమెరికాలో ఇలాంటి పరిస్థితి లేదు. అక్కడి ప్రజల ఇళ్లకు వంట గ్యాస్ చాలా సులభమైన పద్ధతిలో అందుతుంది. అమెరికాలో వంట గ్యాస్ ఎలా సరఫరా చేస్తారో ఇక్కడ వివరంగా తెలుసుకుందాం.
25
అమెరికాలో పైపుల ద్వారా గ్యాస్ సరఫరా
అమెరికా నగరాల్లో 90 శాతానికి పైగా ఇళ్లకు పైపుల ద్వారానే నేచురల్ గ్యాస్ సరఫరా అవుతుంది. మనకు మంచినీటి పైపులు ఉన్నట్లే, అక్కడ రోడ్ల కింద గ్యాస్ పైపులైన్లు ఉంటాయి. అక్కడి నుంచి ప్రతి ఇంటికీ ప్రత్యేక కనెక్షన్ ఇచ్చి, నేరుగా వంటగదిలోని స్టవ్కు కలుపుతారు. ఇంటి బయట ఒక మీటర్ ఉంటుంది. మీరు ఎంత గ్యాస్ వాడారో ఆ మీటర్ కచ్చితంగా లెక్కిస్తుంది. నెల చివర్లో కరెంట్ బిల్లు కట్టినట్టు ఆన్లైన్లో బిల్లు చెల్లిస్తే సరిపోతుంది. గ్యాస్ అయిపోతుందన్న టెన్షనే అమెరికా ప్రజలకు ఉండదు.
35
అమెరికాా గ్రామాలకు గ్యాస్ కనెక్షన్ ఎలా ఇస్తారు?
నగరాలు దాటి పైప్లైన్ సౌకర్యం లేని గ్రామాలు, ఫామ్హౌస్లలో మన దగ్గర లాగే LPG సిలిండర్లు అందుబాటులో ఉంటాయి. కానీ వాళ్లు చిన్న సిలిండర్లు వాడరు. వారి ఇంటి వెనకాల లేదా తోటలో 100 నుంచి 500 గ్యాలన్ల (సుమారు 400 నుంచి 2000 లీటర్లు) సామర్థ్యం గల పెద్ద గ్యాస్ ట్యాంకులు ఉంటాయి. ప్రైవేట్ గ్యాస్ కంపెనీలు పెద్ద లారీల్లో వచ్చి కొన్ని నెలలకు ఒకసారి నేరుగా ఆ ట్యాంకులను నింపి వెళ్తాయి. చాలా ఇళ్లలో ఉండే స్మార్ట్ మీటర్లు, గ్యాస్ లెవెల్ తగ్గగానే ఆటోమేటిక్గా కంపెనీకి సమాచారం పంపుతాయి. దాంతో వాళ్లే వచ్చి నింపి వెళ్తారు.
అమెరికాలో చాలా ఇళ్లలో గ్యాస్కు బదులుగా ఎలక్ట్రిక్ స్టవ్లనే వంటకు వాడతారు. ముఖ్యంగా అపార్ట్మెంట్లలో భద్రతా కారణాలు, పర్యావరణ నిబంధనల వల్ల గ్యాస్ కనెక్షన్లకు బదులుగా పూర్తిగా ఇండక్షన్ స్టవ్లనే ఉపయోగిస్తున్నారు. అమెరికన్లు చాలా సందర్భాల్లో సిలిండర్లు కొనరు. కానీ, ఇంటి వెనకాల బార్బెక్యూ గ్రిల్ చికెన్ చేయడానికి, చలికాలంలో ఇంటిని వెచ్చగా ఉంచే అవుట్డోర్ హీటర్ల కోసం చిన్న ప్రొపేన్ సిలిండర్లను వాడతారు. అవి ఖాళీ అయితే, దగ్గరలోని సూపర్ మార్కెట్ లేదా పెట్రోల్ బంకుల్లో ఇచ్చి కొత్తవి తీసుకుంటారు.
55
భారత్లోనూ PNG రాబోతోంది
అద్భుతమైన మౌలిక సదుపాయాలు, ఆధునిక టెక్నాలజీ కారణంగా అమెరికా ప్రజలు సిలిండర్ బుక్ చేసే అవసరం లేకుండా 24 గంటలూ వంట గ్యాస్ పొందుతున్నారు. ప్రస్తుతం భారత్లో కూడా చెన్నై, ముంబై, ఢిల్లీ వంటి మహానగరాల్లో PNG (పైప్డ్ నేచురల్ గ్యాస్) విధానం వేగంగా వస్తోంది. ఈ విధానంలో భూగర్భ పైపుల ద్వారా ఇళ్లకు నేచురల్ గ్యాస్ సరఫరా చేస్తారు. ఈ పథకం త్వరలో పూర్తిగా అమలైతే, భారత ప్రజలు కూడా 24 గంటలూ ఎలాంటి ఆటంకం లేకుండా వంట గ్యాస్ పొందవచ్చు.
