బలగం వేణు 'ఎల్లమ్మ' హీరో ఫైనల్, ఎవరంటే..?

బలగం సినిమా తర్వాత దర్శకుడు వేణు తన తదుపరి చిత్రం 'ఎల్లమ్మ' కోసం హీరోని వెతుకుతున్నారు. నాని, నితిన్ వంటి నటులతో చర్చలు జరిపినప్పటికీ, చివరకు తేజ సజ్జ ఈ ప్రాజెక్ట్‌లో నటించే అవకాశం ఉందని సమాచారం.

బలగం మూవీతో దర్శకుడిగా వేణుకి మంచి ఇమేజ్, క్రేజ్ వచ్చిన సంగతి తెలసిందే.  జబర్దస్త్ నటుడిగా, కమెడియన్‌గా పాపులర్ అయిన వేణు డైరక్టర్ గా నెక్ట్స్ లెవిల్ కు వెళ్లారు.   వేణులో ఇంత టాలెంట్ ఉందా? అని అంతా ఆశ్చర్యపోయారు. వేణు ఎమోషనల్ డైరెక్టర్‌గా అందరినీ ఆకట్టుకుని నెక్ట్స్ లెవిల్ వెళ్ళారు.

అయితే బలగం తరువాత వేణు ఇంకో ప్రాజెక్ట్‌ని పట్టాలెక్కించలేకపోయారు.  అందరూ వేణు నెక్ట్స్ ప్రాజెక్టు ఏమిటా అని ఎదురుచూస్తున్న టైమ్ లో ఎల్లమ్మ స్క్రిప్ట్‌ను రెడీ చేసుకున్న వేణు.. హీరోని పట్టుకుని సెట్స్ మీదకు వెళ్లాలని ప్రయత్నిస్తున్నారు. అయితే ఈ సినిమాకు హీరో దొరకటమే సమస్యగా మారిందని సమాచారం.

రీసెంట్ గా ఎల్లమ్మ సినిమా షూటింగ్‌ ఎప్పుడు మొదలు పెడతావు అంటూ స్వయంగా దిల్‌ రాజు దర్శకుడు వేణు ను ఇటీవల ఒక సినిమా వేడుకలో అడిగారు. అప్పుడు వేణు సమాధానం ఇస్తూ మీరు ఓకే అంటూ వెంటనే మొదలు పెడతాను అని వేణు అంటే... వద్దు వద్దులే ఫిబ్రవరి నుంచి మొదలు పెట్టు అన్నట్లుగా దిల్‌ రాజు నుంచి రెస్పాన్స్ వచ్చింది. అంటే ఎల్లమ్మ సినిమా వచ్చే ఏడాది ఫిబ్రవరి నుంచి షూటింగ్‌ ప్రారంభం అయి, అదే ఏడాది చివరి వరకు సినిమా ప్రేక్షకుల ముందుకు వచ్చే అవకాశం ఉందని తేలింది. 

ఒక వేళ షూటింగ్‌ ఆలస్యం అయితే 2026 సంక్రాంతికి విడుదల అయ్యే అవకాశాలు ఉన్నాయి. అయితే హీరో విషయంలో మాత్రం వేణు ఇబ్బంది పడుతున్నారని అదే సమస్యగా మారిందని చెప్పుకున్నారు. ఆ మధ్యన హీరో నానికి ఎల్లమ్మ కథను చెప్పి ఓకే చేయించుకున్నాడంటూ వార్తలు వినిపించాయి.

కానీ నాని మాత్రం కథ  విని.. ఓకే చెప్పినా డేట్స్ ఎడ్జెస్ట్ చేయలేనంటూ హ్యాండ్ ఇచ్చినట్టుగా చెప్తున్నారు. ఆ తర్వాత ఈ కథ నితిన్ దగ్గరకు వెళ్లింది. అక్కడ కూడా ముందుకు వెళ్లలేదంటున్నారు. ఈ క్రమంలో ఈ మూవీకి హీరో మాత్రం ఇంకా ఫిక్స్ కానట్టు తెలిసింది. 

అయితే మీడియా వర్గాల నుంచి అందుతున్న సమాచారం మేరకు  బలగం వేణుకు హీరో దొరికేశాడు.. ఎల్లమ్మ త్వరలోనే పట్టాలెక్కనుంది. |హీరో  తేజ సజ్జ ఈ వైవిధ్యమైన కథకు ఓకే చెప్పినట్టు ఫిల్మ్‌ సర్కిల్స్‌లో ఓ వార్త బలంగా వినిపిస్తున్నది. ఇప్పటివరకూ లవ్‌, స్పిరుట్యువల్  యాక్షన్‌ కథలతో అలరించిన తేజ సజ్జకు ఇది కొత్త జానర్‌. ఇంతకీ ఆ కథ ఏంటి? దాని పూర్వాపరాలేంటి? త్వరలో బయిటకు రానున్నాయి. 

 ‘హనుమాన్’ తర్వాత తేజ సజ్జ మిరాయ్ అనే భారీ సినిమాతో వస్తున్న సంగతి తెలిసిందే. కార్తీక్ ఘట్టమనేని దర్శకత్వంలో పీపుల్ మీడియా ఫ్యాక్టరీ నిర్మాణంలో మిరాయ్ సినిమా తెరకెక్కుతుంది. ఇప్పటికే ఈ సినిమా నుంచి గ్లింప్స్, పోస్టర్స్ రిలీజ్ చేసి సినిమాపై భారీ అంచనాలు పెంచారు. ఈ సినిమాలో మంచు మనోజ్ విలన్ గా నటిస్తుండటంతో సినిమాపై మరింత ఆసక్తి నెలకొంది.

కళింగ యుద్ధం తరువాత యోగిగా మారిన అశోకుడు రాసిన ఓ అపార గ్రంథం కోసం జరిగే పోరాటం, ఆ గ్రంథాన్ని కాపాడడం కోసం ఉండే ఒక యోధుడు కథతో ఈ మిరాయ్ సినిమా ఉండబోతుందని సమాచారం. ఈ సినిమాని 2025 ఏప్రిల్ 18న రిలీజ్ చేస్తామని ప్రకటించారు. తాజాగా నేడు దసరా సందర్భంగా మిరాయ్ సినిమా కొత్త పోస్టర్ రిలీజ్ చేసారు.