Vijay: తమిళ స్టార్ హీరో విజయ్ సంచలనం సృష్టించబోతున్నారు. తొలిసారి ఎన్నికల బరిలోకి దిగి 113 సీట్ల అధిక్యంతో ప్రభుత్వ ఏర్పాటు దిశగా అడుగులు వేస్తున్నారు. ఈ నేపథ్యంలో విజయ్ విజయంలో సినిమాల పాత్ర ఏంటో ఇప్పుడు తెలుసుకుందాం.
‘సర్కార్’ సినిమా రాజకీయ నేపథ్యంతో సాగుతుంది. ఈ సినిమాలో విజయ్ ఓ కార్పొరేట్ అధికారి పాత్రలో కనిపిస్తారు. విదేశాల నుంచి వచ్చి, భారత ఎన్నికల వ్యవస్థలో ఉన్న లోపాలను ప్రశ్నిస్తాడు. ముఖ్యంగా ఓటు హక్కు విలువ, ప్రజల బాధ్యతలపై ఈ సినిమా బలమైన సందేశం ఇచ్చింది.
26
మెర్సల్ (2017) – ఆరోగ్య రంగంపై ప్రశ్నలు
‘మెర్సల్’ కమర్షియల్ సినిమా అయినప్పటికీ, ఆరోగ్య రంగంలో ఉన్న సమస్యలను బహిర్గతం చేసింది. విజయ్ ద్విపాత్రాభినయంలో కనిపిస్తూ, ఆసుపత్రుల ఖర్చులు, పేదలకు చికిత్స అందుబాటులో లేకపోవడం వంటి అంశాలను ప్రస్తావించాడు. విడుదల సమయంలో ఈ సినిమా పెద్ద చర్చకు దారితీసింది.
36
కత్తి (2014) – రైతుల సమస్యలపై దృష్టి
‘కత్తి’ విజయ్ కెరీర్లో అత్యంత ప్రభావవంతమైన సినిమాల్లో ఒకటి. ఈ చిత్రం రైతుల ఆత్మహత్యలు, వ్యవసాయ భూములపై కార్పొరేట్ దోపిడీ వంటి సమస్యలను చూపించింది. గ్రామీణ సమస్యలను వెలుగులోకి తీసుకువచ్చిన సినిమా ఇది. ఈ సినిమా కూడా విజయ్ని ప్రజలకు ఎక్కువగా చేరువ చేసింది.
‘తుపాక్కి’ ప్రధానంగా యాక్షన్ సినిమా అయినప్పటికీ, దేశ భద్రతపై గట్టి సందేశం ఉంది. విజయ్ ఆర్మీ ఆఫీసర్ పాత్రలో కనిపించి, ఉగ్రవాదంపై పోరాటాన్ని చూపించాడు. దేశభక్తి, జాగ్రత్తల ప్రాముఖ్యతను ఈ సినిమా తెలియజేసింది.
56
మాస్టర్ (2021) – యువతపై ప్రభావం
‘మాస్టర్’ సినిమా యువత జీవితాలపై దృష్టి సారిస్తుంది. ముఖ్యంగా జువెనైల్ సిస్టమ్, చిన్న వయసులోనే నేరాలకు గురవుతున్న పిల్లల పరిస్థితిని చూపించింది. సరైన మార్గదర్శకత్వం ఎంత ముఖ్యమో ఈ సినిమా తెలియజేస్తుంది.
66
బిగిల్ (2019) – మహిళల సాధికారత
‘బిగిల్’ కేవలం స్పోర్ట్స్ సినిమా కాదు. మహిళల శక్తిని, వారి ప్రతిభను ప్రోత్సహించే కథ ఇది. సమాజంలో మహిళలు ఎదుర్కొనే అడ్డంకులను చూపిస్తూ, వారికి సరైన మద్ధతు అవసరం అని ఈ సినిమా స్పష్టం చేసింది.
