Ennenno Janmala Bandham: భర్తని అసహ్యించుకుంటున్న వేద.. ప్రాణాపాయ స్థితిలో యష్!

Ennenno Janmala Bandham: స్టార్ మా లో ప్రసారం అవుతున్న ఎన్నెన్నో జన్మల బంధం సీరియల్ మంచి కంటెంట్ తో ప్రేక్షకుల హృదయాలని గెలుచుకుంది. భార్యని అపార్థం చేసుకొని తను బాధపడుతూ భార్యని కూడా బాధ పెడుతున్న ఒక భర్త కథ ఈ సీరియల్. ఇక ఈరోజు ఏప్రిల్ 14 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నన్ను వదలండి మీతో మాట్లాడడానికి అసహ్యంగా ఉంది అంటుంది వేద. వదిలేస్తే ఎక్కడికి వెళ్తావు వస్తాను అని ఎవరికైనా మాటిచ్చావా అంటూ అసహ్యంగా మాట్లాడుతాడు  యష్. ఆ మాటలకి కోపంతో ఊగిపోయిన వేద భర్త  చంప చెల్లుమనిపిస్తుంది. ఏదో బాధలో ఉన్నారు ఓదారుద్దామనుకొని వచ్చాను అంటూ బాధతో అక్కడ నుంచి వెళ్ళిపోతుంది.ఏడుస్తూ కూర్చున్న వేదకి చిత్ర ఫోన్ చేసి ఫంక్షన్ నుంచి వస్తుంటే ఎవరో తాగుబోతులు అటాక్ చేసి వసంత్ ని కొడుతున్నారు నాకు భయంగా ఉంది అని ఏడుస్తూ చెప్తుంది. చిత్ర ని అడ్రస్ అడిగి నువ్వేమీ భయపడొద్దు నేను వస్తున్నాను అంటూ ఫోన్ పెట్టేస్తుంది వేద. భర్త దగ్గరికి వెళ్లి జరిగింది చెప్తుంది కానీ అప్పటికే మత్తులో ఉన్న యష్ ఆ మాటలు వినే పరిస్థితిలో ఉండడు.

 అప్పుడు వేద, విన్నికి ఫోన్ చేసి జరిగిందంతా చెప్తుంది. నువ్వేమీ కంగారు పడకు అక్కడ పోలీస్ స్టేషన్ లో ఉన్న సిఐ నాకు తెలుసు నేను ఫోన్ చేస్తాను నువ్వు బయల్దేరు నేనూ వస్తాను అంటాడు విన్ని. మరోవైపు మధ్య రాత్రిలో మెలకువ వచ్చిన యష్ కి వేద కనిపించకపోవడంతో ఆమెని వెతుకుతూ బయటికి వస్తాడు. అప్పుడే ఇంటికి వచ్చిన వేద, విన్ని మాట్లాడుకోవడం చూసిన  యష్ అపార్థం చేసుకుంటాడు. మీ ఇద్దరూ ఏదో మాట్లాడుకుంటున్నట్లు ఉన్నారు డిస్టర్బ్ చేసినందుకు సారీ అంటాడు. నా భార్య కోసం నేను పిచ్చోడి లాగా వెతుకుతున్నాను కానీ తనకి పాత స్నేహాలు కూడా ఉన్నాయని మర్చిపోయాను,ఆ పాత బంధాలు ఇప్పుడు మొగుడు పెళ్ళాల బంధానికి అడ్డుగా మారుతున్నాయి అంటాడు. ఇంతలోనే తలకి కట్లు కట్టుకొని వచ్చిన వసంత్ ని చూసి ఏమైంది అని అడుగుతాడు.

ఏదో చిన్న గొడవ అంటాడు వసంత్. చిన్న గొడవ కాదు బావగారు చాలా పెద్ద గొడవ జరిగింది సమయానికి వేద అక్క వివిన్ గారు వచ్చి హెల్ప్ చేశారు అంటుంది చిత్ర. చిత్రవాళ్లు లోపలికి వెళ్ళిపోయిన తరువాత  ఈ ఎమర్జెన్సీ లో నీకు భర్త కాకుండా నీ ఫ్రెండ్ గుర్తొచ్చాడు. నా భార్యకి నామీద కన్నా ఊర్లో వాళ్ళ మీదే  ఎక్కువ నమ్మకం అంటాడు యష్. మాట్లాడుకోవటానికి ఇది కరెక్ట్ టైం కాదు అంటాడు విన్ని. నేను వెళ్లొస్తాను అని విన్ని అంటే చేయి పట్టి ఆగు అంటుంది వేద. నువ్వు ఏం తప్పు చేశావు నువ్వు ఎందుకు వెళ్ళిపోవాలి. పిలవగానే వచ్చి హెల్ప్ చేశావు అలసిపోయి ఉంటావు కదా వెళ్లి కాఫీ తాగుదాం అంటుంది వేద. వద్దు ఇది కరెక్ట్ టైం కాదు అంటాడు విన్ని. వెళ్ళు వెళ్లి కాఫీ తాగు తర్వాత రిలాక్స్ అవ్వు తర్వాత నీకు నచ్చినప్పుడు ఇంటికి వెళ్ళు నిన్ను ఎవరు అడుగుతారు నువ్వు మేడం గారికి బెస్ట్ ఫ్రెండ్ కదా అంటాడు యష్.

 అంతేకాదు నా వెల్ విషర్ కూడా పిలవగానే పరిగెత్తుకుంటూ వచ్చావు మర్చిపోతానా అంటుంది వేద. అందుకేనా ఆ చేతిని అంత గట్టిగా పట్టుకున్నావు ముందే ఎందుకు పట్టుకోలేదు అంటూ నిలదీస్తాడు యష్. విన్ని ఏదో మాట్లాడుతూ ఉంటే దూరిపోవాలని చూడకు నిలువునా పాతేస్తాను అంటూ హెచ్చరిస్తాడు యష్. నా ఫ్రెండ్ కి మర్యాద చేసుకునే హక్కు కూడా నాకు లేదా అంటుంది వేద. భర్తగా నాకు కూడా హక్కు ఉంటుంది ఇకమీదట నేను కూడా నా హక్కుల్ని చూపిస్తాను. అంటాడు యష్. అక్కే కాదు బాధ్యత కూడా ఉంటుంది అంటాడు విన్ని. ఇప్పుడు నాకు బాధ్యతలు నేర్పిస్తావా అంటూ విని మీద కేకలు వేస్తాడు యష్. మర్యాదగా మాట్లాడమంటాడు విన్ని. మర్యాద అనేది నీకు ఉంటే వేరే వాడి పెళ్ళాంతో అర్ధరాత్రి పూట ఇలా తిరగవు అంటాడు  యష్. చెప్తే వినిపించుకోవేంటి అంటాడు విన్ని.

వినిపించుకునే పరిస్థితుల్లో లేరు విన్ని వదిలేయ్ అంటుంది  యష్. అందరూ నన్ను వదిలేసేవాళ్లే యష్. నువ్వు అపార్థం చేసుకుంటున్నావు అని విన్ని అంటే నువ్వేమీ సంజయ్ ఇవ్వకు తప్పు చేసినవాళ్లే సంజాయిషీ  ఇవ్వాలి. తప్పు చేసే వాళ్ళముందు తలదించుకోవడం కూడా పెద్ద తప్పే ఉంటుంది వేద. మీరు మనిషిగా ఉన్నప్పుడు నేను మీ మాటకి విలువ ఇస్తాను కానీ ఇప్పుడు కాదు.మీకు ఏం చెప్పినా వృధాయే అంటూ నీలాంటి ఫ్రెండ్ ఉండడం నా అదృష్టం అంటూ విన్నీకి థాంక్స్ చెప్తుంది వేద. నీకు ఇప్పుడు ఏ అవసరం వచ్చినా నేను ఉంటాను అంటూ హామీ ఇచ్చి అక్కడి నుంచి వెళ్ళిపోతాడు విన్ని. 

అదే కోపంతో యష్  కూడా కార్ తీసి మత్తులో డ్రైవింగ్ చేస్తూ ఆక్సిడెంట్ కి గురవుతాడు. మర్నాడు ఉదయాన యష్ దగ్గర నుంచి ఫోన్ వస్తే ఆనందపడుతుంది వేద కానీ అసలు విషయాన్ని తెలుసుకుని కూలబడిపోతుంది. తరువాయి భాగంలో హాస్పిటల్ కి పరిగెత్తుకొని వెళ్తుంది వేద. ఐ సి ఏ లో ఉన్న భర్తని చూసి  ఏడుస్తుంది. మీకు ఏమి కాదు నేనున్నాను మిమ్మల్ని మళ్ళీ మామూలు  మనిషిని చేస్తాను  అంటుంది.