మేకప్ తీసేస్తే నల్లగా ఉంటా, నీ ఇష్టం..ట్రీట్మెంట్ చేయడానికి వచ్చిన డాక్టర్ నే పెళ్లి చేసుకున్న హీరోయిన్

తన లైఫ్, సినిమాలు, ఇతర వ్యవహారాల్లో వాణిశ్రీ చాలా క్లారిటీగా ఉంటారు. వాళ్ళ అమ్మ చెప్పిన మాటని తూచా తప్పకుండా పాటించేవారట. ప్రేమ వ్యావహారాల జోలికి వెళ్ళద్దని తన తల్లి చెప్పినట్లు వాణిశ్రీ ఓ ఇంటర్వ్యూలో తెలిపారు. 

కళాభినేత్రిగా తెలుగు చిత్ర పరిశ్రమలో గుర్తింపు తెచ్చుకున్న వాణిశ్రీ గురించి పరిచయం అవసరం లేదు. ఆమె నటనలో తప్పకుండా ఒక లెజెండ్.  కళ్ళతోనే హావభావాలు పలికిస్తూ.. గడుసరిగా నటించడం వాణిశ్రీకే చెల్లింది. వాణిశ్రీ ఎన్టీఆర్, ఏఎన్నార్, కృష్ణ, కృష్ణం రాజు, శోభన్ బాబు లాంటి హీరోలందరితో నటించింది.ఆ తర్వాతి తరం హీరోలు చిరంజీవి, వెంకటేష్, నాగార్జున చిత్రాల్లో తల్లి, అత్త తరహా పాత్రలు చేసింది. 

తన లైఫ్, సినిమాలు, ఇతర వ్యవహారాల్లో వాణిశ్రీ చాలా క్లారిటీగా ఉంటారు. వాళ్ళ అమ్మ చెప్పిన మాటని తూచా తప్పకుండా పాటించేవారట. ప్రేమ వ్యావహారాల జోలికి వెళ్ళద్దని తన తల్లి చెప్పినట్లు వాణిశ్రీ ఓ ఇంటర్వ్యూలో తెలిపారు. అందుకే నేను ఎవరితోనూ రాసుకుని పూసుకుని తిరగలేదు. నా పని చేసుకు చూసుకుని వెళ్లిపోయేదాన్ని అని వాణిశ్రీ తెలిపారు. 

వాణిశ్రీ పెళ్ళికి సంబంధించిన ఆసక్తికర విషయాన్ని రచయిత జయకుమార్ ఓ ఇంటర్వ్యూలో రివీల్ చేశారు. వాణిశ్రీ కెరీర్ బాగా సాగుతున్న టైంలో కుటుంబ సభ్యులు ఆమెకి పెళ్లి చేయాలనీ డిసైడ్ అయ్యారు. అబ్బాయి ఎవరైతే బావుంటుందని ఆలోచించారట. 

ఆ టైంలో కరుణాకరన్ అనే డాక్టర్ వాణిశ్రీ కుటుంబ సభ్యులకు ఫ్యామిలీ డాక్టర్ లాగా వ్యవహారించేవారట. వాణిశ్రీతో పాటు ఫ్యామిలిలో ఎవరికీ బాగాలేకపోయినా ఇంటికి వచ్చి ట్రీట్మెంట్ ఇచ్చేవారట. ఆయన వాణిశ్రీ కుటుంబ సభ్యులతో బాగా కలసి పోయారు. దీనితో ఎవరో ఎందుకు డాక్టర్ తోనే వాణిశ్రీ పెళ్లికి చేస్తే ఎలా ఉంటుంది అని ఆలోచించారు. 

వాణిశ్రీ హ్యాపీ మూడ్ లో ఉన్నప్పుడు పెళ్లి గురించి ఆమెని అడిగారట. దీనితో వాణిశ్రీ నాకేం పెళ్లి.. ఎవడు చేసుకుంటాడు అని సరదాగా అన్నారు. పెళ్లి కొడుకు రెడీగా ఉన్నాడు అని ఫ్యామిలీ మెంబర్స్ చెప్పారు. అవునా.. ఎవరు అని అడిగితే.. మన డాక్టర్ గారే అని చెప్పారు. లేదు నాకు ఇప్పుడే పెళ్లి వద్దు అని తప్పించుకుంది. కాస్త సమయం గడిచాక పెళ్లి కూడా చేసుకోవాలి కదా అని అలోచించి.. సరే పెళ్లి చేసుకుంటా.. కానీ డాక్టర్ తో నేను ఒకసారి మాట్లాడాలి అని చెప్పింది. 

దీనితో ఫ్యామిలీ మెంబర్స్ వాళ్ళిద్దరికీ మీటింగ్ ఏర్పాటు చేశారు. నన్ను పెళ్లి చేసుకుంటాను అని అన్నారట. చూడండి నేను మీకు ముందే చెబుతున్నా.. సినిమాల్లో లాగా నేను అందంగా ఉండను. మేకప్ తీసేస్తే నల్లగా ఉంటాను. పెళ్లి చేసుకున్న తర్వాత ఇలా ఉన్నవేంటి అని అంటే కుదరదు అని వార్నింగ్ ఇచ్చిందట. దీనికి ఒకే అయితేనే చెప్పు అని వాణిశ్రీ ఆ డాక్టర్ ని అడిగారట. ఆయన ఒకే చెప్పడంతో ఇద్దరూ వివాహం చేసుకున్నారు.