ప్రభాస్‌-త్రివిక్రమ్‌ కాంబినేషన్ లో సినిమా, స్టార్‌ ప్రొడ్యూసర్‌ స్కెచ్‌.. స్టోరీ తెలిస్తే మతిపోవాల్సిందే

Prabhas-Trivikram: ప్రభాస్‌ ఇప్పటి వరకు పనిచేయని దర్శకుడితో వర్క్ చేయబోతున్నారట. త్రివిక్రమ్‌ దర్శకత్వంలో సినిమాకి సంబంధించిన ప్లాన్‌ జరుగుతుందట. స్టార్‌ ప్రొడ్యూసర్‌ ప్లాన్‌ చేస్తున్నారట.   

prabhas

Prabhas-Trivikram: ప్రభాస్‌ ఇండియన్‌ సినిమాకి దిక్సూచి. తెలుగు సినిమాని ప్రపంచానికి పరిచయం చేసిన హీరో మాత్రమే కాదు, తెలుగు సినిమాని ఇండియన్‌ సినిమాగా రిప్రజెంట్‌ చేస్తున్న హీరో. ఫేస్‌ ఆఫ్‌ ఇండియాగా నిలుస్తున్నారు. ఆయన పేరుమీద ఇప్పుడు వేల కోట్ల వ్యాపారం జరుగుతుంది. ప్రస్తుతం ప్రభాస్‌ చేతిలో ఆరు సినిమాలున్నాయి. వాటి వ్యాల్యూ ఏకంగా పది వేల కోట్లు ఉంటుందని చెప్పడంలో అతిశయోక్తి లేదు. ఇండియన్‌ బిగ్గెస్ట్ స్టార్‌ ప్రభాస్‌. 

prabhas

ప్రస్తుతం ఆయన చేతిలో ఆరు సినిమాలున్నాయి. మరో రెండు మూడు చర్చలు దశలో ఉన్నాయి. ఇప్పుడు మరో మూవీ యాడ్‌ కాబోతుంది. ప్రభాస్‌ తో సినిమా చేసేందుకు మరో స్టార్‌ డైరెక్టర్‌ కథ సిద్ధం చేస్తున్నాడు. ఓ స్టార్‌ ప్రొడ్యూసర్‌ ఈ కాంబినేషన్‌ సెట్‌ చేస్తున్నారు. ప్రస్తుతం దానికి సంబంధించిన చర్చలు ప్రాథమిక దశలో ఉన్నాయి. మరి ఆ దర్శకుడు ఎవరనేది చూస్తే. 

prabhas, trivikram

ప్రస్తుతం డార్లింగ్‌.. మారుతితో `ది రాజా సాబ్‌` చిత్రం చేస్తున్నారు. హనురాఘవపూడితో `ఫౌజీ`, సందీప్‌ రెడ్డి వంగాతో `స్పిరిట్‌`, ప్రశాంత్‌ నీల్‌తో `సలార్‌ 2`, నాగ్‌ అశ్విన్‌తో `కల్కి 2` చిత్రాలు చేస్తున్నారు. అలాగే ఇటీవల ప్రశాంత్‌ వర్మ దర్శకత్వంలో ఓ సినిమా చేయబోతున్నారనే వార్తలు వచ్చాయి. ఇప్పుడు మాటల మాంత్రికుడు త్రివిక్రమ్‌ పేరు తెరపైకి వచ్చింది. 

prabhas, trivikram

ప్రభాస్‌ హీరోగా ఓ మైథలాజికల్ మూవీని చేయాలని త్రివిక్రమ్‌ భావిస్తున్నారు. దీనికి `జటాయు` అనే టైటిల్‌ అనుకుంటున్నారట. స్టార్‌ ప్రొడ్యూసర్‌ దిల్‌ రాజు ఈ కాంబినేషన్‌ సెట్‌ చేస్తున్నట్టు సమాచారం.  ఇంద్రగంటి మోహనకృష్ణ కథ అందిస్తున్నారని తెలుస్తుంది.

ప్రస్తుతం ప్రైమరీగా డిస్కషన్‌ స్టేజ్‌లో ఉంది. దీన్ని ఎలాగైనా వర్కౌట్‌ చేయాలని దిల్‌ రాజు స్కెచ్‌ వేస్తున్నట్టు సమాచారం. మరి ఇది ఎంత వరకు పాజిబుల్‌ అవుతుందో చూడాలి. ఎందుకంటే ప్రభాస్‌ ఇప్పుడు ఒప్పుకున్న సినిమాలు పూర్తి కావడానికే ఇంకా నాలుగైదేళ్లు పడుతుంది.

ఆ తర్వాత అంటే అప్పటి వరకు ట్రెండ్‌ మారుతుంది? మార్కెట్‌ మారుతుంది? బిజినెస్‌ లెక్కలు మారుతాయి. కానీ ఈ వార్త మాత్రం టాలీవుడ్‌ని షేక్‌ చేస్తుంది. ప్రభాస్‌ ఫ్యాన్స్ కి పూనకాలు తెప్పిస్తుంది. 

prabhas

దీన్ని రామాయణం ఆధారంగా రూపొందిస్తారని సమాచారం. అయితే ఇప్పటికే రామాయణం ప్రధానంగా `ఆదిపురుష్‌` చేసి చేదు అనుభవాన్ని ఫేస్‌ చేశాడు ప్రభాస్‌. మరి ఇప్పుడు మళ్లీ చేస్తాడా? అనేది చూడాలి. అదే సమయంలో ఇప్పుడు రూపొందబోతున్న `కల్కి2` కూడా మహాభారతం ఆధారంగా తెరకెక్కిస్తున్న మూవీనే.

ఇందులో కల్కిగా ప్రభాస్‌ కనిపిస్తారని సమాచారం. ఇప్పటికే కర్నుడిగా `కల్కి2898`లో చూపించిన విషయం తెలిసిందే. ఇక త్రివిక్రమ్‌ ఇప్పటి వరకు ప్రభాస్‌తో సినిమా చేయలేదు. ఇది సెట్ అయితే ఫస్ట్ టైమ్‌ ఈ సంచలన కాంబో సెట్‌ కాబోతుందని చెప్పొచ్చు.