బిగ్‌ బాస్‌ హోస్ట్ గా నాగార్జున ఫెయిల్‌, రానా అయితే బెస్ట్.. సోనియా ఆకుల స్టేట్‌మెంట్‌

Nagarjuna-Sonia Akula: బిగ్‌ బాస్‌ తెలుగు 3వ సీజన్‌ నుంచి హోస్ట్ గా నాగార్జున కొనసాగుతున్నారు. 8వ సీజన్‌ నాగార్జున హోస్ట్ గానే సాగింది. దీనికి మిశ్రమ స్పందన లభించింది. కానీ ఏడోవ సీజన్‌కి వచ్చిన హైప్‌ రాలేదు. కంటెస్టెంట్ల పరంగా విమర్శలు వచ్చాయి. అలాగే హోస్ట్ విషయంలోనూ విమర్శలు వచ్చాయి. బిగ్‌ బాస్‌ నిర్వాహకులు గేమ్స్, టాస్క్ ల విషయంలో కొత్తదనం పాటించలేకపోయారని అన్నారు. అలాగే వీకెండ్స్ లో హోస్ట్ నాగార్జున కూడా కొన్ని సార్లు బయాస్‌గా కాకుండా కొందరి పక్షాన వ్యవహరించారనే విమర్శలు వచ్చాయి. ఇప్పుడు మాజీ కంటెస్టెంట్‌ షాకింగ్‌ కామెంట్స్ చేసింది.   

nagarjuna, sonia akula

Nagarjuna-Sonia Akula: బిగ్‌ బాస్‌ తెలుగు 8లో సందడి చేసింది సోనియా ఆకుల. ఆమె ప్రారంభంలో మూడు నాలుగు వారాలపాటు ఉంది. అటు పృథ్వీరాజ్‌, ఇటు నిఖిల్‌తో పులిహోర కలిపింది. ఆ ఇద్దరిని తన చుట్టూ తిప్పుకుంది. వీరి ట్రయాంగిల్‌ కెమిస్ట్రీ ఇంట్రెస్టింగ్‌గా అనిపించినా, అది ఆడియెన్స్ కి ఎక్కలేదు.

కంటెంట్‌ ఇవ్వడంలో ఫెయిల్‌ అయ్యారు. ఈ క్రమంలో సోనియా ఆకుల బాగా బ్యాడ్‌ అయ్యింది. ఆమె గేమ్స్ ఆడకుండా ఈ ఇద్దరిని పక్కన కూర్చొని కబుర్లు చెబుతుందనే విమర్శలు వచ్చాయి. అందుకే త్వరగానే ఎలిమినేట్‌ అయ్యింది. తాజాగా ఆమె బిగ్‌ బాస్‌ హోస్ట్ నాగార్జునపై సంచలన వ్యాఖ్యలు చేసింది. నాగ్‌ హోస్ట్ గా ఉంటే తాను బిగ్‌ బాస్‌ షోలోకి వెళ్లను అని తెలిపింది. 

Soniya Akula Marriage Photos

`నాగార్జున హోస్ట్ అయితే నేను బిగ్‌ బాస్‌కి వెళ్లను. నాగ్‌ సార్‌ సాఫ్ట్ పర్సన్‌. సెన్సిటివ్‌ విషయాలను అడ్రెస్‌ చేయాలన్నప్పుడు వాటిని సరైన విధంగా ఆయన డీల్‌ చేయలేదనిపిస్తుంది. మొన్న సీజన్‌లో చూస్తే గౌతమ్‌ని షటప్‌ అంటాడు. అక్కడ అంత పెద్ద తప్పేం చేయలేదు గౌతమ్‌. ఇన్నేళ్లుగా ఆయన బిగ్‌ బాస్‌ హోస్ట్ గా ఉన్నారు.

కనీసం ఏం జరిగిందనేది ఆలోచించి, రీ ఫ్రెష్‌ చేసుకుని, అనలైజ్‌ చేసే టైమ్‌ తీసుకోవడం లేదనిపిస్తుంది. కానీ రానా.. మనం ఏదైనా చెబితే ఏం జరిగిందనేది వెనక్కి వెళ్లి ఆలోచించి చెబుతాడనేది ఆశిస్తున్నా. రానా మీద ఆ హోప్‌ ఉంది. ఆయన నాలెజ్జ్ బుల్‌ పర్సన్‌ అనిపిస్తారంటూ షాకిచ్చింది సోనియా ఆకుల. 

rana daggubati

సోనియా చేసిన కామెంట్స్ ఇప్పుడు వైరల్‌ అవుతుంది. ఆమె ఉద్దేశ్యంలో బిగ్‌ బాస్‌ హోస్ట్ గా నాగార్జున ఫెయిల్‌ అయ్యాడని, రానా అయితే బాగా చేస్తాడని చెబుతుంది. రానా టాక్‌ షోలకు హోస్ట్ గా చేశాడు. ఇలాంటి షోస్‌ చేస్తాడా ? అనేది డౌట్‌. అయితే నాగార్జున విషయంలో పూర్తిగా నెగటివిటీ లేదు.

కొంత మంది వరకే ఇలాంటి విమర్శలు చేస్తున్నారు. కాబట్టి బిగ్‌ బాస్‌ నిర్వహకులు దీన్ని ఎలా తీసుకుంటారో చూడాలి. అయితే తెలుస్తున్న సమాచారం మేరకు నాగార్జునని హోస్ట్ గా మార్చే ప్రసక్తే లేదని, 9వ సీజన్‌, పదో సీజన్‌ వరకు ఆయనే హోస్ట్ అని, అది అగ్రిమెంట్‌ అని సమాచారం. ఈ విషయంలో ఏం జరుగుతుందో చూడాలి.