బుల్లితెరపై స్టార్ కమెడియన్, ఒకప్పటి ఫోటో గుర్తు పట్టారా? ఇంతకీ ఎవరీ నటుడు.

ఈమధ్య బుల్లితెర, వెండితెర స్టార్స్ కు సంబంధించి త్రో బ్యాక్ పిక్స్, చైల్డ్ వుడ్ పిక్స్ ఎక్కువగా వైరల్ అవుతున్నాయి.  కొంత మంది స్టార్స్ సోషల్ మీడియాలో షేర్ చేస్తూ ఫ్యాన్స్ కు సర్ ప్రైజ్ ఇస్తున్నారు. తాజాగా ఓ కమెడియన్ కూడా అదే పనిచేశాడు. ఇంతకీ ఎవరతను? 

బుల్లితెర, వెండితెరపై సందడి చేస్తున్న స్టార్స్ అప్పుడప్పుడు తమ చిన్ననాటి ఫోటోలు సోషల్ మీడియాలో అభిమానులతో షేర్ చేసుకోవడం అందరికి తెలిసిందే. కొంత మంది ఫోటోలు గుర్తు పట్టే విధంగా ఉన్నా.. మరికొంత మంది పిక్స్ మాత్రం అస్సలు ఏమాత్రం పోల్చుకోలేకుండా ఉంటాయి. ఇందుగో ఓ స్టార్ కమెడియన్ తను మిమిక్రీ ఆర్టిస్ట్ గా కెరీర్ స్టార్ట్ చేసినప్పటి ఫోటోలు కొన్ని ఇన్ స్టాలో షేర్ చేశాడు. అస్సలు పోల్చుకోలేకుండా ఉన్న ఈ కామెడీ యాక్టర్ ను మీరు గుర్తు పట్టారా?

DID YOU KNOW ?

రాకేష్ - సుజాత ప్రేమ పెళ్లి

రాకింగ్ రాకేష్ కెరీర్ లో ఎన్నో కష్టాలు ఫేస్ చేశాడు. ఇండస్ట్రీలో సెట్ అయిన తరువాత యాంకర్ గా ఫేమస్ అయిన సుజాతతో ప్రేమలో పడ్డాడు. పెద్దలను ఒప్పించి పెళ్లి చేసుకున్నాడు. వీరికి ఒక పాప. రాకేష్, సుజాత ఇద్దరు పర్సనల్ లైఫ్ తో పాటు ఫిల్మ్ కెరీర్ పరంగా కూడా కలిసి నడుస్తున్నారు.

మిమిక్రీ ఆర్టిస్టుగా

అతను ఎవరో కాదు తెలుగు బుల్లితెర ప్రేక్షకులను తన కామెడీ టైమింగ్‌తో మెప్పించిన జబర్దస్త్ ఫేమ్ రాకింగ్ రాకేష్. తాజాగా ఈ నటుడు తన చిన్ననాటి ఫోటోలను సోషల్ మీడియాలో షేర్ చేయడంతో అవి వైరల్ అవుతున్నారు. త్రోబ్యాక్ ఫోటో లో రాకేష్ ను చూసిన ఫ్యాన్స్‌ షాక్ అవుతున్నారు. మిమిక్రీ ఆర్టిస్టుగా సినీరంగంలో అడుగుపెట్టిన రాకేష్, ప్రస్తుతం వెండితెర హీరోగా ఎదిగారు.

బ్రేక్ ఇచ్చిన జబర్థస్త్

రాకేష్ మిమిక్రీ ఆర్టిస్ట్ గా కెరీర్ స్టార్ట్ చేసి.. టీవీ స్క్రీన్‌కి వచ్చాడు, అక్కడి నుంచి తన టాలెంట్ చూపిస్తూ.. వెండితెర దాకా తన ప్రతిభతో ఎదిగాడు. తెలుగులో పాపులర్ కామెడీ రియాలిటీ షో జబర్దస్త్ ద్వారా రాకేష్ బుల్లితెర స్టార్ కమెడియన్ గా మారాడు. ఆ కార్యక్రమంలో తన ప్రత్యేకమైన కామెడీ టైమింగ్‌తో ప్రేక్షకుల హృదయాలను గెలుచుకున్నాడు.

హీరోగా రాకింగ్ రాకేష్ ఫస్ట్ సినిమా

అంతేకాదు, ఈటీవీ వేదికగా పలు షోలలో నటించిన ఆయన, ఇటీవల హీరోగా కొత్త అవతారమెత్తారు. ''కేశవ చంద్ర రమావత్'' అనే సినిమాలో రాకేష్ హీరోగా నటించారు. ఈ చిత్రాన్ని గ్రీన్ టీ ప్రొడక్షన్స్ నిర్మించగా, గరుడవేగ అంజి దర్శకుడిగా వ్యవహరించారు. హీరోయిన్‌గా అన్నన్య కృష్ణన్ నటించారు. ఈ సినిమా ద్వారా రాకేష్ తెలుగు సినీ ప్రేక్షకులకు హీరోగా పరిచయమయ్యాడు.

సుజాతతో రాకేష్ ప్రేమ,పెళ్లి

రాకింగ్ రాకేష్, వ్యక్తిగత జీవితం విషయంలో కూడా మీడియా దృష్టిని ఆకర్షించారు. జబర్దస్త్ కార్యక్రమం చేస్తూ ఉండగానే, యాంకర్ సుజాతతో పరిచయం ఏర్పడి, అది కాస్తా ప్రేమగా మారింది. వీరిద్దరూ పెద్దల సమక్షంలో వివాహం చేసుకున్నారు. ప్రస్తుతం వారికి ఓ పాప ఉన్నారు.

ఇటీవల రాకేష్ తన సోషల్ మీడియా ఖాతాలో త్రోబ్యాక్ ఫోటో షేర్ చేస్తూ ఈటీవీతో తన అనుబంధాన్ని గుర్తు చేసుకున్నారు. “ఈ రోజు ఈ స్థాయికి రావడానికి ఈటీవీ వేదికే నా మొదటి మెట్టు” అయ్యింది అని ఆయన వెల్లడించారు. ఈ టీవీ వార్షికోత్సవాల సందర్భంగా తనకు, తన భార్య సుజాతకు వచ్చిన ఆహ్వానాలు ఆయన నెట్టింట్లో షేర్ చేశారు.

ప్రస్తుతం సోషల్ మీడియాలో సినీతారల చిన్ననాటి ఫోటోలు విపరీతంగా వైరలవుతున్న సమయంలో, రాకింగ్ రాకేష్ ఫోటోలు కూడా నెటిజన్లను ఆకట్టుకుంటున్నాయి. ఈ ఫోటోస్ చూసిన ఫ్యాన్స్ రకరకాల కామెంట్స్ చేస్తున్నారు. రాకేష్ సినీరంగంలో మరిన్ని విజయాలు సాధించాలని అభిమానులు కోరుకుంటున్నారు.