Guppedantha Manasu: షాకింగ్ డెసిషన్ తీసుకున్న రిషి.. శైలేంద్రని వెనకేసుకొస్తున్న ఫణీంద్ర!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ ప్రేక్షకుల హృదయాలని గెలుచుకొని మంచి టిఆర్పి రేటింగ్ ని సంపాదించుకుంటుంది. ఒంటరిని చేసి పిన్ని ఎమోషన్స్ తో ఆడుకుంటున్న ఒక కొడుకు కథ ఈ సీరియల్. ఇక ఈరోజు జూన్ 10 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో కాలేజీలో లెక్చరర్ గా వర్క్ చేయమని రిషి ని రిక్వెస్ట్ చేస్తాడు విశ్వనాథం. ఈ విషయంలో నన్ను ఇబ్బంది పెట్టొద్దు అంటాడు రిషి. ఎప్పుడు ఏం అడిగినా ఒప్పుకుంటావు కదా ఈ విషయంలో మాత్రం ఎందుకు ఒప్పుకోవటం లేదు దీని వెనక ఏదైనా కారణం ఉందా అని అడుగుతుంది ఏంజెల్.

అలాంటిదేమీ లేదు అంటాడు రిషి కానీ తను ప్రాణాపాయ స్థితిలో ఉన్నప్పుడు వాళ్లు చేసిన సాయాన్ని గుర్తు చేసుకుని వాళ్లు కాలేజీ బాధ్యతలు తీసుకోమనట్లేదు కదా కేవలం టీచింగ్ చేయమంటున్నారు అని మనసులో అనుకొని లెక్చరర్ గా వెళ్ళటానికి నిర్ణయించుకుంటాడు రిషి. అదే విషయాన్ని ఏంజెల్ వాళ్లకి చెప్తే సంతోషిస్తారు. సీన్ కట్ చేస్తే  మహేంద్ర ఫ్రెండ్ బాధపడుతున్న మహేంద్ర కి ధైర్యం చెబుతూ ఉంటాడు.

నేను అన్ని విధాల ప్రయత్నించాను కానీ రిషి ఎక్కడ ఉన్నాడో తెలియడం లేదు అని చెప్తాడు ఫ్రెండ్. వాడేమి తప్పిపోలేదు కదా దొరకటానికి వాడి మనసుని గాయం చేశారు. వాడు వెళ్ళేటప్పుడే చెప్పాడు నన్ను కలిసే ప్రయత్నం చేయొద్దని అంటూ నిష్టూరంగా  మాట్లాడుతుంది దేవయాని. నేను నా కొడుకు నమ్మినవాళ్లే మమ్మల్ని మోసం చేశారు అంటూ జగతి వైపు చూస్తాడు మహేంద్ర.

తను లేకుండా నేను ఉండలేను ప్రాణం పోయినట్లుగా ఉంది దయచేసి నా కొడుకుని వెతికి పెట్టు వాడు ఇక్కడే ఎక్కడో దగ్గర్లో ఉన్నట్టుగా నా మనసు చెప్తుంది దయచేసి త్వరగా వెతికి పెట్టు అని ఫ్రెండ్ ని రిక్వెస్ట్ చేస్తాడు మహేంద్ర. బాబాయి చూస్తే జాలి వేస్తుంది వాడు కనిపించకపోతేనే ఇలా అయిపోతున్నాడు చచ్చిపోయాడు అని తెలిస్తే ఇంకెలా అయిపోతాడో అని మనసులో అనుకుంటాడు శైలేంద్ర.

 రిషిని తప్పకుండా వెతికే తీసుకు వస్తాను కానీ ఆ రోజు రిషి మీద అలాంటి అభియోగం ఎందుకు మోపావు..ఇప్పటికైనా నిజం చెప్పు. కారణం తెలిస్తేనే చాలా ప్రాబ్లమ్స్ సాల్వ్ అవుతాయి అని ఎంతో రిక్వెస్ట్ చేస్తాడు మహేంద్ర ఫ్రెండ్. ఆ విషయం తెలియకుండా ఉంటేనే మంచిది అంటుంది జగతి. ఇదీ వరస ఎప్పుడడిగినా ఇదే సమాధానం అంటూ భార్యని విసుక్కుంటాడు  మహేంద్ర. మరోవైపు ఆనందంగా ఇంటికి వచ్చిన కూతుర్ని ఏం జరిగింది అని అడుగుతాడు చక్రపాణి.

 కాలేజీకి ఒక కొత్త వ్యక్తి వచ్చాడు అతను మురుగన్ ని బెదిరించాడంట. అతని వల్ల ఎలాంటి సమస్య ఉండదు అని స్టాఫ్ అందరికీ ధైర్యం చెప్పాడంట అని చెప్తుంది వసు. అలాంటి వ్యక్తిని నువ్వు కలవలేదా అంటాడు చక్రపాణి. ప్రయత్నించాను కానీ కాస్తలో మిస్ అయ్యాను. కానీ తప్పకుండా కలుస్తాను అతని అభినందనలు చెప్తాను అంటుంది వసు. స్టాఫ్ అతని గురించి చెప్తుంటే నాకు రిషి సారే గుర్తొచ్చారు అంటూ కొంచంగా ఎమోషనల్ అవుతుంది వసు.

మరోవైపు రికార్డులు జగతి ముందు పడేసి ఏంటి ఈ రిపోర్టులు.. కాలేజీ అడ్మిషన్స్ పడిపోయాయి ఇకనైనా నువ్వు ఎండి పదవి నుంచి తప్పుకుంటే బాగుంటుంది అంటాడు శైలేంద్ర. డిబిఎస్టి కాలేజీకి పతనం అనేది ఉండదు రిషి వేసిన పునాది అలాంటిది నువ్వేమీ కంగారు పడకు అంటుంది జగతి. శైలేంద్ర చెప్పినట్లు నువ్వు ఎం డి సీట్ నుంచి తప్పుకోవటమే మంచిది అంటాడు ఫణీంద్ర.

ఒక్కసారిగా షాక్ అవుతుంది జగతి. అవునమ్మా ఇప్పుడున్న స్ట్రెస్ లో నువ్వు ఈ బాధ్యతలు మోయలేవు అంటాడు ఫణీంద్ర. లేదు బావగారు ఎండి సీటు కోసం గోతి దగ్గర నక్కలు వేచి చూస్తున్నాయి అంటూ శైలేంద్రవైపు కోపంగా చూస్తుంది జగతి. అంత ధైర్యం బయట వాళ్లకి ఎవరికి ఉంది అయినా అవన్నీ చూసుకోవడానికి మేమందరము ఉన్నాం కదా  ఆలోచించుకో అని చెప్పి అక్కడ నుంచి వెళ్ళిపోతాడు శైలేంద్ర. డాడీ మాటలు కొంచెం పని చేసేలాగా ఉన్నాయి అనుకుంటాడు శైలేంద్ర. తరువాత ఏం జరిగిందో రేపటి ఎపిసోడ్ లో చూద్దాం.