ఈ చదువులు నా వల్ల కాదు నాన్న అంటూనే చదివేసింది.. మెగా కోడలు కాబోతున్న లావణ్య త్రిపాఠి బ్యాగ్రౌండ్ తెలుసా ?

'అందాల రాక్షసి' చిత్రంలో ఓ డైలాగ్ ఉంటుంది. ఈ చదువులు నావల్ల కాదు నాన్న.. త్వరగా పెళ్లి చేసేయండి' అని లావణ్య క్యూట్ గా చెప్పడం ఆడియన్స్ ని భలే ఆకట్టుకుంది. కొంచెం అటు ఇటుగా ఉన్నప్పటికీ ఇది లావణ్య రియల్ లైఫ్ లో కూడా జరిగిందట. 

లావణ్య త్రిపాఠి 'అందాల రాక్షసి' చిత్రంతో హీరోయిన్ గా ఎంట్రీ ఇచ్చింది. ఆ చిత్రంలో ఓ డైలాగ్ ఉంటుంది. ఈ చదువులు నావల్ల కాదు నాన్న.. త్వరగా పెళ్లి చేసేయండి' అని లావణ్య క్యూట్ గా చెప్పడం ఆడియన్స్ ని భలే ఆకట్టుకుంది. కొంచెం అటు ఇటుగా ఉన్నప్పటికీ ఇది లావణ్య రియల్ లైఫ్ లో కూడా జరిగిందట. 

లావణ్య త్రిపాఠి త్వరలో మెగా కోడలు కాబోతుండడంతో ఆమె బ్యాగ్రౌండ్, ఫ్యామిలీ డీటెయిల్స్, ఇతర ఆసక్తికర విషయాలు వైరల్ అవుతున్నాయి. లావణ్య త్రిపాఠి అయోధ్యలో జన్మించింది. లావణ్య త్రిపాఠి తండ్రి హైకోర్టులో న్యాయవాది. తల్లి ఉపాధ్యాయురాలిగా పనిచేసారు. స్కూల్ విద్యాబ్యాసం డెహ్రాడూన్ లో పూర్తి చేసింది. లావణ్య త్రిపాఠికి ఒక చెల్లి, తమ్ముడు ఉన్నారు. 

లావణ్య త్రిపాఠికి ఉన్నత చదువులపై అంతగా ఆసక్తిలేదట. సినిమాలపై బాగా ఆసక్తి ఉండేది. దీనితో నటిగా ప్రయత్నిస్తానని తన తండ్రికి చెప్పడంతో.. డిగ్రీ పూర్తి చేసిన తర్వాతే ఏదైనా అని చెప్పారట. దీనితో లావణ్య ముంబై వచ్చి ఎకనామిక్స్ లో గ్రాడ్యుయేషన్ పూర్తి చేసింది. ఆ తర్వాత మోడలింగ్ చేస్తూ మిస్ ఉత్తారాఖండ్ టైటిల్ కూడా గెలుచుకుంది. లావణ్య త్రిపాఠి క్లాసికల్ డ్యాన్సర్ కూడా. ఆమెకి భరత నాట్యంలో మంచి ప్రావీణ్యం ఉంది. 

ఇక సినిమాల్లో తొలి ఛాన్స్ ఆమెకి 2012లో దక్కింది. అందాల రాక్షసి చిత్రంతో తెలుగు ప్రేక్షకులని పలకరించింది. ఆ మూవీలో లావణ్య త్రిపాఠి క్యూట్ పెర్ఫామెన్స్ తో భలే మెప్పించింది. ఆ తర్వాత లావణ్య త్రిపాఠి దూసుకెళ్తా, భలే భలే మగాడివోయ్, మిస్టర్, అంతరిక్షం, సోగ్గాడే చిన్నినాయనా లాంటి క్రేజీ చిత్రాల్లో నటించి మెప్పించింది. 

మిస్టర్ చిత్రంలో వరుణ్ తేజ్ తో కలసి నటించింది. అక్కడే వీరిద్దరి ప్రేమకి బీజం పడింది. మనసులు కలవడంతో ప్రేమలో పడ్డారు. కానీ ఎక్కడా వీరిద్దరూ బయటపడలేదు. శుక్రవారం లావణ్య, వరుణ్ నిశ్చితార్థం జరగడంతో ఫ్యాన్స్ శుభాకాంక్షలు చెబుతున్నారు. 

మెగా ఫ్యామిలీలోకి ఒక నటి కోడలిగా రావడం ఇది రెండవసారి. గతంలో పవన్ కళ్యాణ్.. రేణు దేశాయ్ ని పెళ్లాడిన సంగతి తెలిసిందే. లావణ్య, వరుణ్ ప్రేమకి ఇరు కుటుంబ సభ్యులు గ్రీన్ సిగ్నల్ ఇవ్వడంతో ఒక్కటి కాబోతున్నారు.