Guppedantha Manasu: సరికొత్త వృత్తిలో రిషి.. మహేంద్రను బ్రతిమాలికుంటున్న ధరణి?

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ ప్రేక్షకుల హృదయాలను గెలుచుకొని మంచి రేటింగ్ ని సంపాదించుకుంటుంది. అన్న చేసిన కుట్రకి బలై బ్రతికి బయటపడ్డ ఒక తమ్ముని కథ ఈ సీరియల్. ఇక ఈరోజు జూన్ 5 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో జైల్లో ఖైదీలకి మోటివేషనల్ క్లాసెస్ చెప్తూ ఉంటాడు రిషి. కోపం అందరికీ ఉంటుంది కానీ మృగాలు మంచి చెడుని విశ్లేషించలేవు ఆ జ్ఞానం ఒక మనిషికి మాత్రమే ఉంటుంది. ఐదు నిమిషాలు కోపాన్ని జయించ గలిగితే భవిష్యత్తు అంతా మన చేతిలోనే ఉంటుంది అంటాడు రిషి. నిజమే సార్ ఆస్తికోసం నా అన్నని చంపాలి అనుకున్నాను కొద్దిలో తప్పిపోయింది కాబట్టి సరిపోయింది లేకపోతే ఈపాటికి నాకు అన్న లేకుండా పోయేవాడు.

జైలు నుంచి వెళ్ళిన తరువాత నా అన్నతో కలిసే ఉంటాను. నాకు ఆస్తి వద్దు అన్న ఉంటే చాలు అంటూ ఎమోషనల్ అవుతాడు ఒక ఖైదీ. నిజంగానే నేను జైలు నుంచి బయటికి వెళ్లిన తర్వాత నాకు ఇలాంటి గది పట్టించిన వ్యక్తి అంతు చూడాలి అనుకున్నాను  కానీ మీ మాటల వల్ల నాలో మార్పు మొదలైంది. మళ్లీ తప్పు చేస్తే నేను మళ్ళీ జైలుకే రావాలి నా జీవితం ఇక్కడే గడిచిపోతుంది.

అందుకే సార్ మేమందరం మీరు చెప్పినట్లే వింటాము మీరు నిజంగా మాలో చాలా మార్పు తీసుకువచ్చారు అంటూ రిషి ని మెచ్చుకుంటారు ఖైదీలు. క్లాస్ అయిపోయిన తర్వాత బయటకు వస్తాడు రిషి. అక్కడ ఉన్న పోలీసు నిజంగా మీరు గొప్పవారు సార్ మోటివేషనల్ క్లాసెస్ తీసుకుంటాను అంటే నవ్వుకున్నాను కానీ ఖైదీలకి కూడా మనసు ఉంటుందని దాన్ని కరిగిస్తే మనసులో మారతాయని మీరు నిరూపించారు.

నిజంగా మీరు గ్రేట్ అని మెచ్చుకుంటాడు. నాదేముంది సర్ నాలుగు మంచి మాటలు చెప్తాను. మిగిలినది వినే వాళ్ళ సంస్కారం మీద ఆధారపడి ఉంటుందని చెప్తూ ఎప్పటిలాగే మళ్లీ చెప్తున్నాను నా డీటెయిల్స్ ఎవరికీ చెప్పొద్దు అంటూ రిక్వెస్ట్ చేస్తాడు రిషి. ఎప్పటినుంచో అడగాలనుకుంటున్నాను ఎందుకు సార్ చెప్పకూడదు ఏమైనా ప్రాబ్లమా అంటాడు పోలీస్. దయచేసి ఏ విషయాలు అడగొద్దు అని చెప్పి అక్కడి నుంచి వచ్చేస్తాడు రిషి.

అప్పటికే బయట ఏంజెల్ వెయిట్ చేస్తూ ఉంటుంది. నీకోసమే వెయిట్ చేస్తున్నాను కదా సినిమాకి వెళ్దాం అంటుంది. ఇంట్రెస్ట్ లేదు అంటాడు రిషి. నాకోసం అంటూ గడ్డం పట్టుకుని బ్రతిమాలుతుంది ఏంజెల్. ఒప్పుకోక తప్పదు రిషికి. మరోవైపు చక్రపాణి వాళ్ళ పక్కింటి అమ్మాయి మాట్లాడుకుంటూ ఉంటారు. ఇంతలో కాలేజీ నుంచి వస్తుంది వసుధార.

ఎలా ఉందక్క కాలేజీ ఎక్స్పీరియన్స్ అని అడుగుతుంది పక్కింటి అమ్మాయి. ఏమి బాగోలేదు ఇక్కడ స్టూడెంట్స్ లెక్చరర్స్ నే ప్లీజ్ చేస్తున్నారు ప్రిన్సిపాల్తో చెప్పినా కూడా వాళ్ళు అంతే లైట్ తీసుకోమంటున్నారు అంటుంది వసుధార. అంత ఇబ్బంది పడితే కాలేజీ మానేయమ్మ అంటూ సలహా ఇస్తాడు చక్రపాణి. వద్దు నాన్న ఇంట్లో పిల్లల ప్రవర్తన బాగోకపోతే తల్లిదండ్రులు మంచి చెడు చెప్పి వాళ్ళని మంచిదారిలోకి తెచ్చుకుంటారు.

అలాగే నేను కూడా స్టూడెంట్స్ ని మంచిదారిలోకి తేవడానికి ప్రయత్నిస్తాను అంటూ లోపలికి వెళ్ళిపోతుంది వసుధార. అక్క ఇన్నాళ్లు సైలెంట్ గా ఉంటే ఏమో అనుకున్నాను కానీ చాలా ధైర్యవంతురాలు కదా అంకుల్ అంటుంది పక్కింటి అమ్మాయి. సీన్ కట్ చేస్తే ఇంటికి వచ్చిన ఏంజెల్ వాళ్లని ఎందుకు ఆలస్యమైంది అని అడుగుతాడు వాళ్ళ తాతయ్య. సినిమాకి వెళ్ళాం తాతయ్య అంటుంది ఏంజెల్.

కబుర్లు చెప్పుకుంటూ మధ్యలో నీ మోటివేషనల్ క్లాసెస్ ఖైదీల మీద మంచి ప్రభావాన్ని చూపిస్తుందట నాకు ఫోన్ చేసి చెప్పారు అంటూ రిషి ని మెచ్చుకుంటాడు ఏంజెల్ వాళ్ళ తాతయ్య. అంతా మీరు చేసిన సహాయం వల్లే ఆరోజు ఏంజెల్ లేకపోతే నేను బ్రతికే వాడిని కాదు అంటూ గతంలోకి వెళ్ళిపోతాడు రిషి. హాస్పిటల్ బెడ్ మీద ఉన్నప్పుడు తన జేబులో ఉన్న విసిటింగ్ కార్డు చూసి ఆ నెంబర్ కి ఫోన్ చేస్తారు డాక్టర్లు. ఫోన్ రిసీవ్ చేసుకున్న ఏంజెల్ కంగారులో హాస్పిటల్ కి బయలుదేరుతుంది.

తన బ్లడ్ ఇచ్చి రిషి ని సేవ్ చేస్తుంది. ఆరోజు తనది నాది సేమ్ బ్లడ్ గ్రూప్ అవడం నా అదృష్టం. ఈరోజు నన్ను మీ ఇంట్లో కూడా ఉంచుకుంటున్నారు అంటూ కృతజ్ఞతా పూర్వకంగా మాట్లాడుతాడు రిషి. ఇంక చాల్లే ఆపు బాబు టైం అయింది వెళ్లి పడుకో అని గుడ్ నైట్ చెప్పి పంపించేస్తుంది ఏంజెల్. సీన్ కట్ చేస్తే చిన్న మామయ్య నాది ఒక చిన్న రిక్వెస్ట్ చిన్నత్తయ్యకి ఇప్పటికే చాలా పెద్ద శిక్ష వేశారు దయచేసి చిన్నత్తయ్యతో మాట్లాడండి అని బ్రతిమాలుకుంటుంది ధరణి.

శిక్ష తనకే కాదు నేను కూడా మోస్తున్నాను అంటాడు మహేంద్ర. జరిగిందానికి అత్తయ్య కూడా చాలా బాధపడుతున్నారు దయచేసి మాట్లాడండి అంటుంది ధరణి. రిషి ని అందరికీ దూరంగా బ్రతికేలా చేసిందే మీ అత్తయ్య. అలాంటిది తనకెందుకు బాధ అంటాడు మహేంద్ర. ఈ మాటలు అన్నీ జగతి వింటుంది. తర్వాత ఏం జరిగిందో రేపటి ఎపిసోడ్ లో తెలుసుకుందాం.