3వేల కోట్ల సినిమాలు చేసినా ఏం ప్రయోజనం, సమంతని టచ్‌ చేయలేకపోయిన రష్మిక, టాప్‌ 10 పాపులర్‌ హీరోయిన్లు

నేషనల్‌ క్రష్‌ రష్మిక మందన్నా `పుష్ప 2`, `చావా`, `సికందర్‌` చిత్రాలతో సుమారు మూడు వేల కోట్ల కలెక్షన్లని సాధించిన సినిమాల్లో భాగమైంది. కానీ పాపులారిటీలో ఆమె సమంతని టచ్‌ చేయలేకపోయింది. 

ఓర్మాక్స్ మీడియా ఇండియా టాప్‌ 10 పాపులర్‌ హీరోయిన్ల జాబితా

ఓర్మాక్స్ మీడియా ప్రతి నెల ఇండియాలో టాప్‌ 10 పాపులర్‌ హీరోలు, హీరోయిన్ల జాబితాని విడుదల చేస్తుంది. ఇందులో ఇండియా వైడ్‌గా ఆ నెలలో ఏ స్టార్‌ గురించి ఎక్కువ డిస్కషన్‌ జరిగింది. వారి సినిమాల అప్‌ డేట్లు, వారి సోషల్‌ మీడియా పోస్ట్ లు, ఫాలోవర్స్, పబ్లిక్‌లో కనిపించడం, 

క్రేజ్‌, మార్కెట్‌ వంటి అంశాలను పరిగణలోకి తీసుకుని ఇండియా టాప్‌ 10 మోస్ట్ పాపులర్‌ హీరో, హీరోయిన్ల జాబితాని విడుదల చేస్తారు. ఏప్రిల్‌ నెలకు సంబంధించిన ఇండియా టాప్‌ 10 పాపులర్‌ హీరోయిన్ల జాబితాని విడుదల చేసింది ఓర్మాక్స్ మీడియా.

మళ్లీ మొదటి స్థానంలోనే సమంత

తాజాగా విడుదలైన జాబితాలో సమంత మొదటి స్థానంలో నిలవడం విశేషం. ఆమె నుంచి సినిమా రాక చాలా కాలం అవుతుంది. సినిమాలకు దూరమై చాలా కాలం అవుతుంది. పైగా ఇటీవలే ఆమె `శుభం` అనే చిత్రాన్ని నిర్మించింది. అది మేలోనే విడుదలైంది. కానీ ఏప్రిల్‌లో సమంతకి సంబంధించిన పెద్ద హడావుడి లేదు.

 అయితే బాలీవుడ్‌ దర్శకుడు రాజ్‌ నిడిమోరు విషయంలో ఆమె వార్తల్లో నిలుస్తున్నారు. దీంతో బాలీవుడ్‌ హీరోయిన్లని, రష్మిక, సాయిపల్లవి వంటి హీరోయిన్లని కాదని నెంబర్‌ వన్‌ స్థానంలో నిలిచింది సమంత. ఇప్పుడే కాదు గత మూడు నాలుగు నెలలుగా సమంతనే టాప్‌లో ఉండటం విశేషం.

సమంతని టచ్‌ చేయలేకపోయిన రష్మిక మందన్నా

నేషనల్‌ క్రష్‌గా పేరుతెచ్చుకున్న రష్మిక మందన్నా ఏప్రిల్‌లో నెలలో నాల్గో స్థానంలో నిలిచింది. మార్చిలో ఆమె ఐదో స్థానంలో ఉండగా, ఇప్పుడు ఒక స్థానం మెరుగుపడింది. కానీ ఆమెకి క్రేజ్‌, ఆమె సినిమాల హడావుడి ఉన్నప్పటికీ మొదటి స్థానంలోకి రాలేకపోయింది. `పుష్ప 2`, `చావా`, `సికందర్‌` వంటి చిత్రాలతో ఇటీవల రచ్చ చేసింది రష్మిక. 

ఈ సినిమాలు సుమారు మూడు వేల కోట్ల కలెక్షన్లని సాధించాయి. పైగా సోషల్‌ మీడియాలోనూ రష్మిక చాలా యాక్టివ్‌గా ఉంటుంది. గ్లామర్‌ ఫోటోలతో అలరిస్తుంది. ఎయిర్‌ పోర్ట్ ల్లోనూ సందడి చేస్తుంది. కానీ సమంతని టచ్‌ చేయలేకపోవడం గమనార్హం.

ఐదో స్థానంలో కాజల్, ఆరో స్థానంలో త్రిష, ఏడో స్థానంలో సాయిపల్లవి

ఇక రెండో స్థానంలో బాలీవుడ్‌ అమ్మడు అలియాభట్‌, మూడో స్థానంలోనూ దీపికా పదుకొనె నిలిచింది. ఐదో స్థానంలో కాజల్‌ నిలవగా, ఆరో స్థానం త్రిష, ఏడో స్థానం సాయి పల్లవి దక్కించుకున్నారు. త్రిష గత నెలలో `గుడ్‌ బ్యాడ్‌ అగ్లీ`తో సందడి చేసింది. ఇప్పుడు `థగ్‌ లైఫ్‌`తో రాబోతుంది. అయినా ఆమె ఆరో స్థానానికే పరిమితం కావడం గమనార్హం.

ఎనిమిదో స్థానంలో లేడీ సూపర్‌ స్టార్‌ నయనతార

లేడీ సూపర్‌ స్టార్‌ ఇమేజ్‌తో రాణిస్తున్న నయనతార ఎనిమిదో స్థానానికే పరిమితం కావడం ఆశ్చర్యపరుస్తుంది. తొమ్మిదో స్థానంలో బాలీవుడ్‌ నటి కత్రినా కైఫ్‌, పదో స్థానంలో శ్రద్ధా కపూర్‌లు నిలిచారు. ఈ సారి బాలీవుడ్‌ హీరోయిన్ల జోరు చూపించడం విశేషం. అయితే తెలుగు హీరోయిన్లు పూజా హెగ్డే, శ్రీలీల, తమన్నా, కీర్తి సురేష్‌, అనుష్క శెట్టి వంటి వారు ఈ జాబితాలో చోటు సంపాదించలేకపోవడం గమనార్హం.