పవిత్ర లోకేష్‌ పక్కనే ఉండగా, నరేష్‌ని కదిలించిన మరో మహిళ.. ఎమోషనల్‌ పోస్ట్

పవిత్ర లోకేష్‌, నటుడు వీకే నరేష్‌ ప్రస్తుతం సహజీవనం చేస్తున్న విషయం తెలిసిందే. తాజాగా తమని కట్టిపడేసిన మరో మహిళ గురించి వెల్లడించారు నరేష్‌. ఆయన పోస్ట్ రచ్చ చేస్తుంది. 

రెండేళ్ల క్రితం రచ్చ చేసిన నరేష్‌, పవిత్ర లోకేష్‌

పవిత్ర లోకేష్‌, సీనియర్‌ నటుడు నరేష్ ల లవ్‌ స్టోరీ రెండేళ్ల క్రితం పెద్ద చర్చనీయాంశం అయిన విషయం తెలిసిందే. ఇటు తెలుగు చిత్ర పరిశ్రమలో, అటు కన్నడ చిత్ర పరిశ్రమలో వీరిద్దరు బాగా వార్తల్లో నిలిచారు. మీడియాలోనూ చర్చనీయాంశం అయ్యారు. వీరిద్దరు లవ్‌ స్టోరీపై ఏకంగా సినిమానే వచ్చింది. నరేష్‌ స్వయంగా తన నిర్మాణంలో `మళ్లీ పెళ్లి` పేరుతో సినిమా తీసి తమ ప్రేమలోని నిజాయితీని చాటి చెప్పే ప్రయత్నం చేశారు. ఎలాంటి పరిస్థితుల్లో తాను పవిత్ర లోకేష్‌కి దగ్గర కావాల్సి వచ్చిందో తెలిపారు.

మరోసారి వార్తల్లో నిలిచిన నరేష్‌, పవిత్ర లోకేష్‌

ఆ హడావుడి అయిపోయింది. ఇప్పుడు నరేష్‌, పవిత్ర లోకేష్‌ కలిసే జీవిస్తున్నారు. తమ గత పార్టనర్స్ నుంచి విడాకులు రాని నేపథ్యంలో వీరు ఇంకా పెళ్లి చేసుకోలేదు. కానీ ప్రస్తుతానికి సహజీవనమే చేస్తున్నారు. ఇప్పుడు ఎలాంటి గొడవలు లేకుండా హాయిగా తమ లైఫ్‌ని లీడ్‌ చేస్తున్నారు. 

ఆ మధ్య మరోసారి మీడియా ముందుకు వచ్చి సందడి చేసిన విషయం తెలిసిందే. అయితే ఇప్పుడు మరోసారి నరేష్‌, పవిత్ర లోకేష్‌ వార్తల్లో నిలిచారు. ఒక మహిళ చేసిన పని నరేష్‌ హార్ట్ ని కదిలించింది. పక్కన పవిత్ర లోకేష్‌ ఉండగా, ఆ మహిళ మాటలకు ఫిదా అయ్యాడు నరేష్‌. తట్టుకోలేక సోషల్‌ మీడియాలో ఆ విషయాన్ని పంచుకున్నారు.

నరేష్‌ హృదయాన్ని కదిలించిన మహిళ

మరి ఇంతకి ఏం జరిగింది? నరేష్‌ అంత ఎమోషనల్‌గా పోస్ట్ ఎందుకు పెట్టారనేది చూస్తే, నరేష్‌, పవిత్ర లోకేష్‌ ఇటీవల వెకేషన్‌కి వెళ్లారు. ఎయిర్ పోర్ట్ లో కూర్చున్న తమ వద్దకు ఒక మహిళ వచ్చింది. వారికి స్వీట్‌ బాక్స్ గిఫ్ట్ గా ఇచ్చింది. అంతేకాదు నరేష్‌ జీవితంలోకి పవిత్ర రావడం, పవిత్ర జీవితంలోకి నరేష్‌ రావడం పట్ల, వీరిద్దరు ఒకరిపై ఒకరు చూపించుకునే ప్రేమ, అభిమానం, గౌరవం, బాధ్యత విషయంలో ఆమె ప్రశంసలు కురిపించిందట. ఎప్పుడూ ఇలానే ఉండాలని ఆశీర్వదించిందట.

పవిత్ర నీకు దొరకడం మీ అదృష్టం

ఈ విషయాన్ని నరేష్‌ చెబుతూ, ఆమె ఎవరో తెలియదు కానీ, హైదరాబాద్‌ విమానాశ్రయంలో పవిత్రను, నన్ను చూసి.. ఆమెపై(పవిత్ర) మీరు చూపించే శ్రద్ధ, ప్రేమ బాగుంది. ఆమెని అమ్ము అని పిలిచే విధానం నన్ను కట్టిపడేసింది. మీరు జెంటిల్‌మెన్‌, ఆమె మిమ్మల్ని పొందడం ఆమె అదృష్టం, అలాగే మీరు ఆమెని పొందడం నిజంగా మీ అదృష్టం.

 దేవుడు మిమ్మల్ని ఆశీర్వదిస్తాడు` అని చెప్పి స్వీట్‌ బాక్స్ ఇచ్చి అక్కడి నుంచి వెళ్లిపోయిందట ఆ మహిళ. ఆ సమయంలో ఆమె ముఖంలోని నిజాయితీ నచ్చిందని, ఆమె ఎవరో తెలియదు కానీ, ఆమెని జీవితాంతం గుర్తుంచుకుంటాం అని, మా జీవితంలో ఇదొక మెమొరబుల్‌ మూమెంట్‌ అని తెలిపారు నరేష్‌.

ఆ మహిళను గుర్తు చేసుకుంటూ నరేష్‌ ఎమోషనల్‌ పోస్ట్

నరేష్‌ పెట్టిన ట్విట్టర్‌ పోస్ట్ వైరల్‌ అవుతుంది. ఈ సందర్భంగా ఎయిర్‌ పోర్ట్ లో పవిత్ర లోకేష్‌తో కలిసి దిగిన సెల్ఫీని పంచుకున్నారు నరేష్‌. ఇది నెట్టింట రచ్చ చేస్తుంది. నరేష్‌ ప్రస్తుతం వరుసగా సినిమాలతో బిజీగా ఉన్నారు. అయితే గతంతో పోల్చితే ఆయనకు కాస్త ఆఫర్లు తగ్గించినట్టు తెలుస్తుంది. ఇక పవిత్ర లోకేష్‌ చాలా సెలక్టీవ్‌గా మూవీస్‌ చేస్తుంది. చాలా వరకు ఆమె ఇంటికే పరిమితమవుతుందనిపిస్తుంది.