రణ్బీర్ కపూర్ 'రామాయణ' టీజర్ రిలీజ్ అయినప్పటి నుంచి చర్చల్లో ఉంది. ఈ సినిమాకు సంబంధించి కొత్త విషయాలు బయటకు వస్తున్నాయి. ఈ క్రమంలోనే, సినిమా ఓటీటీ రిలీజ్పై ఓ వార్త చక్కర్లు కొడుతోంది. ఈ మూవీకి ఓటీటీ నుంచి భారీ ఆఫర్ వచ్చినట్లు తెలుస్తోంది.
రణ్బీర్ కపూర్ మోస్ట్ అవైటెడ్ ఫిల్మ్ రామాయణ టీజర్ గురువారం రిలీజైంది. టీజర్ రిలీజ్తో ఈ సినిమాపై జనాల్లో ఆసక్తి పెరిగింది. చాలామంది దీన్ని చూసేందుకు ఆగలేకపోతున్నామని అంటున్నారు. ఇప్పుడు ఈ మూవీ ఓటీటీ రిలీజ్పై ఓ వార్త బయటకొచ్చింది.
26
రాముడిగా రణ్బీర్ కపూర్
నితేశ్ తివారీ డైరెక్ట్ చేస్తున్న రామాయణం టీజర్లో రాముడిగా రణ్బీర్ కపూర్ ఫస్ట్ లుక్ చూపించారు. టీజర్లోని విజువల్స్ చూశాక సినిమాపై అంచనాలు పెరిగాయి. రెండు భాగాలుగా రానున్న ఈ సినిమా బడ్జెట్ 4000 కోట్లు అని చెబుతున్నారు.
36
700 కోట్ల ఓటీటీ ఆఫర్
బాలీవుడ్ హంగామా కథనం ప్రకారం, నిర్మాత నమిత్ మల్హోత్రాకు రెండు భాగాలకు కలిపి 700 కోట్ల ఓటీటీ ఆఫర్ వచ్చింది. ఇప్పటివరకు ఏ భారతీయ సినిమాకు ఇంత పెద్ద ఆఫర్ రాలేదు. అయితే, ఆయన ఈ ప్రతిపాదనను తిరస్కరించినట్లు తెలుస్తోంది.
రిపోర్ట్స్ ప్రకారం, రామాయణం సినిమాను 4000 కోట్ల భారీ బడ్జెట్తో తీస్తున్నారు. ఇది రాబోయే తరాలను ప్రభావితం చేసే చారిత్రక సినిమా కాబట్టి, ఇంతకంటే ఎక్కువ మొత్తానికి అర్హమైనదని నమిత్ మల్హోత్రా, ఆయన టీమ్ భావిస్తున్నారు. ఓటీటీ ప్లాట్ఫామ్ నుంచి 1000 కోట్ల డీల్ వస్తుందని వారు ఆశిస్తున్నారు. మిగిలిన 3000 కోట్లను గ్లోబల్ థియేటర్స్, ఇతర మార్గాల ద్వారా రాబట్టాలని ప్లాన్ చేస్తున్నారు.
56
ఇంకా పెద్ద డీల్ రావొచ్చని..
నమిత్ మల్హోత్రా శాటిలైట్, డిజిటల్, మ్యూజిక్ రైట్స్ ద్వారా వెంటనే డబ్బు సంపాదించే బదులు, ప్రస్తుతానికి వాటిని తన దగ్గరే ఉంచుకోవాలని నిర్ణయించుకున్నారు. సినిమాకు ఉన్న గ్లోబల్ అప్పీల్ వల్ల, ప్రాజెక్ట్కు సంబంధించిన మరిన్ని విషయాలు బయటకు వస్తే ఇంకా పెద్ద డీల్ రావొచ్చని నిర్మాత నమ్ముతున్నారు. ఈ సినిమా అన్ని ప్లాట్ఫామ్స్కు గ్లోబల్ స్థాయిలో గుర్తింపు తెస్తుందని, రెండు భాగాలకు 1000 కోట్ల ధర సరైనదేనని వారు భావిస్తున్నారు.
66
నితేశ్ తివారీ డైరెక్టర్
ఈ సినిమాకు నితేశ్ తివారీ డైరెక్టర్. ఇందులో రణ్బీర్ కపూర్ రాముడిగా, సాయి పల్లవి సీతగా, యశ్ రావణుడిగా, సన్నీ డియోల్ హనుమంతుడిగా, రవి దూబే లక్ష్మణుడిగా నటిస్తున్నారు. వీరితో పాటు లారా దత్తా, అరుణ్ గోవిల్, షీబా, రకుల్ ప్రీత్ సింగ్, కాజల్ అగర్వాల్, అమితాబ్ బచ్చన్, మోహిత్ రైనా కూడా ఈ సినిమాలో కనిపించనున్నారు.
