Rajamouli Lovestory: రాజమౌళి అంత అమాయకుడేం కాదు.. జక్కన్నతో లవ్‌ స్టోరీ బయటపెట్టిన రమా రాజమౌళి

Rama Rajamouli Lovestory: రాజమౌళి అనుకున్నంత అమాయకుడేం కాదని, ఆయనకు సిగ్గేం లేదని చెప్పింది రమా రాజమౌళి. ఆయనతో ప్రేమ పెళ్లికి సంబంధించి ఆమె ఓపెన్‌ అయ్యింది.

రాజమౌలి, రమా మధ్య ప్రేమకథ

దర్శకధీరుడు రాజమౌళి ఇప్పుడు ఇండియాలోనే బిగ్గెస్ట్ స్టార్‌ డైరెక్టర్‌ అని చెప్పొచ్చు. ఆయన తెలుగు సినిమానే కాదు, భారతీయ సినిమా దశ దిశని మార్చేశాడు. ప్రస్తుతం ఆయన మహేష్‌బాబుతో గ్లోబల్‌ ఫిల్మ్ చేస్తున్నాడు. `వారణాసి` చిత్రాన్ని గ్లోబల్‌ ఫిల్మ్ గా తెరకెక్కిస్తున్న విషయం తెలిసిందే. ఇది వచ్చే ఏడాది సమ్మర్‌ లో విడుదల కాబోతుంది. ఈ చిత్ర షూటింగ్‌లో బిజీగా ఉన్న రాజమౌళి కి సంబంధించిన లవ్‌ స్టోరీ బయటకు వచ్చింది. ఆయన భార్య రమా రాజమౌళి వీరి ప్రేమ కథని వెల్లడించింది.

ఏళ్లపాటు కలిసి ట్రావెల్‌ చేశాం

రమా రాజమౌళి.. జక్కన్నతో తన ప్రేమ కథని వెల్లడించింది. తన అక్క వల్లి.. కీరవాణి భార్య. దీంతో రాజమౌళి ఫ్యామిలీ అంతా పరిచయం. తరచూ కలుస్తుంటారు. ఫంక్షన్లు, ఏదైనా ఈవెంట్లలోనూ కలిసేవాళ్లు. `మొదట రాజమౌళిని చూసినప్పుడు ఎలాంటి ఫీలింగ్‌ లేదు. చాలా రోజులు ట్రావెల్‌ అయ్యాం. చాలా సంవత్సరాలకు బాగా కలిసిపోయాం. ఫ్రెండ్లీగా మారిపోయాం. ఒకరిగురించి ఒకరికి బాగా తెలిసింది. అలా మేం దగ్గరయ్యాం. అలాగని ఇదేదో పెద్ద ప్రేమ కథ కాదు. అలా కలిసి ట్రావెల్‌ అవుతున్న సమయంలో రాజమౌళి ఈ ప్రపోజల్‌ తీసుకొచ్చాడట. అప్పుడు ఆయన `శాంతి నివాసం` సీరియల్‌కి వర్క్‌ చేస్తున్నాడు. నేను `అమృతం` సీరియల్‌కి ప్రొడక్షన్‌లో వర్క్ చేస్తున్నాను. స్టూడెంట్‌ నెం 1 ఆఫర్‌ వచ్చిన తర్వాత తామ మధ్య పెళ్లి ప్రస్తావన వచ్చిందని తెలిపింది రమా రాజమౌళి. జక్కన్ననే ఈ ప్రస్తావన తీసుకొచ్చినట్టు తెలిపింది రమా.

మా మధ్య గొడవలు లేవు

రాజమౌళి చాలా షై పర్సన్‌ అని విన్నాం, ఎలా కలిసిపోయారని యాంకర్‌ ప్రశ్నించగా, ఆయనకు సిగ్గేం లేదు. అంత అమాయకుడేం కాదు. అయితే వర్క్ పట్ల ఫోకస్‌గా ఉంటాడు, ఆ విషయంలో రాజీ లేదు. అయితే అదే సమయంలో మంచి పార్టనర్‌ కావాలని, మంచి భార్య కావాలని ఉంటుంది. అలా తనని ఎంచుకున్నాడని చెప్పింది రమా. మరి మీ మధ్య ఏవైనా మనస్పర్థాలు వస్తుంటాయా? ఎలా ఉంటారనే ప్రశ్నకి రమా రాజమౌళి స్పందిస్తూ, తమ అభిప్రాయాలు కలిసిపోతాయని, 99శాతం తేడా ఉండదని, ఒక్క శాతం కూడా ఏంచెప్పాలని ఆలోచిస్తున్నట్టు తెలిసింది. వ్యక్తిగతంగా, ఫ్యామిలీలో డిఫరెన్సెస్‌ ఉండవని, ఏదైనా వర్క్ విషయంలోనే ఉంటుందన్నారు. ఇద్దరం ఒకే ఒపీనియన్‌తో వెళ్లిపోతామని తెలిపారు.

ట్రావెలింగ్‌ గురించే ఎక్కువ చర్చ

ఇక సినిమా గురించే మాట్లాడుకుంటా? ఇంకా వేరే టాపిక్‌ ఉంటుందా? అని అడగ్గా, ఎక్కువగా సినిమా గురించే అని, అది కాకుండా హాలీడేస్‌(ట్రావెలింగ్‌) గురించి మాట్లాడుకుంటామని, ప్రాజెక్ట్‌ అయిపోయాక ఎక్కవ వెళ్దామనే చర్చ ఉంటుందని, ఇద్దరికీ ట్రావెలింగ్‌ అంటే ఇష్టమని చెప్పింది. తాము చాలా కంట్రీస్‌ తిరిగాం, ఇంకా ఏది కవర్ చేయాలని అని మాట్లాడుకుంటామని చెప్పారు. అదే సమయంలో ఇతర దేశాల కాయిన్స్ ని కలెక్ట్ చేస్తుంటామని చెప్పింది రమా రాజమౌళి. ప్రతి సినిమా తర్వాత అందరం కలిసి ఒక ట్రిప్‌కి వెళ్తామని, కేవలం మా ఫ్యామిలీ వరకే మరో ట్రిప్‌కి వెళ్తుంటామని చెప్పింది రమా. ఆమె కాస్ట్యూమ్‌ డిజైనర్‌గా రాణిస్తోంది. రాజమౌళి సినిమాలకు ఆమెనే కాస్ట్యూమ్‌ డిజైనర్‌ కావడం విశేషం.