అక్కినేని నాగేశ్వరరావు - రామానాయుడు మధ్య గొడవ, ఆ పాట వెనుక ఇంత మ్యాటర్ ఉందా..?

నటసామ్రాట్ నాగేశ్వరావు, మూవీ మొఘల్ రామానాయుడు మధ్య చిన్నగొడవ.. అది కూడా ఓ పాట విషయంలో వచ్చిందట. ఈ ఇద్దరు దృవతారల మధ్య గొడవ పెట్టిన ఆ పాట ఏంటి..? ఎందుకు గొడవచ్చింది. 

ఫిల్మ్ ఇండస్ట్రీలో అప్పుడు ఇప్పుడు ఏప్పుడైనా.. గొడవలు, అలకలు, శత్రుత్వాలు, ప్రాణమీత్రులు కామన్. ఇవన్నీకలిస్తేనే ఇండస్ట్రీ. చాలామంది నటీనటులు లాంగ్ టైమ్ మాట్లాడుకోకుండా ఉన్న వారు ఉన్నారు. కొంత కాలం దూరంగా ఉండి కలిసినవారు ఉన్నారు. చిన్న చిన్న తగవులు పెట్టుకుని...మళ్ళీ కలిసిపోయినవారు కూడా ఉన్నారు. అలానే సినిమాల విషయంలో కాస్త బెట్టుచేసిన వారు ఉన్నారు. అలాంటి సందర్భమే మూవీ మొఘల్ రామానాయుడు, అక్కినేని నాగేశ్వరావు మధ్య వచ్చిందట. 

తెలుగు సినిమా పరిశ్రమకు వెస్ట్రన్ స్టెప్పులు నేర్పించిన హీరో అక్కినేని నాగేశ్వ‌ర‌రావు. ఆ కాలంలో ఆయన వేసిన డాన్స్ లు..మెయింటేన్ చేసిన   స్ట‌ైయిల్ గురించి ప్ర‌త్యేకంగా చెప్పాల్సిన అవ‌స‌రం లేదు. అంతగా ఫ్యాషన్ ను మెయింటేన్ చేసినా.. తెలుగు సంస్కృతికి కూడా  ప్రాధాన్యం ఇస్తారు అక్కినేని.  సినిమాల్లో శృతి మించని రొమాన్స్ చేసేవాడే కాని.. డ‌బుల్ మీనింగ్ డైలాగులు.. పాట‌లు చేయాల్సి వస్తే.. అక్కినేని వ్యతిరేకించేవారట. 

అయితే ఇలాంటి ఓ పాట విషయంలోనే ఆయనకు ..స్టార్ ప్రొడ్యూసర్ రామానాయుడికి మధ్య చిన్న మాట కూడా వచ్చిందని టాక్. ఆ పాట మరేదో కాదు లే  లే లే నా రాజ సాంగ్. ఈ పాట చేయాల్సి వచ్చినప్పుడు నాగేశ్వరావుగారు.. ఒప్పుకోలేదట. ఈసినిమాకునిర్మాత, స్వయనా తనకు వియ్యంకుడు అయిన రామానాయుడు తో కూడా ఇదే మాట చెప్పారట. దాంతో అందరు ఏం చేయాలో అర్ధం కాని పిస్థితుల్లో పడ్డారట అక్కినేని. 

Akkineni Nageswararao

ఈసినిమాను డైరెక్ట్ చేసేది అప్పటి అగ్ర దర్శకుడు కే ప్రకాశ్ రావు. ఆయన దర్శకేంద్రుడు కే రాఘవేంద్రరావు కు తండ్రి.  అయితే ఈ పాట లేకపోతే సినిమా కు చాలా పెద్ద లోటు అవుతుందని.. ఈపాట పాపులర్ అవుతుందని దర్శకుడు, నిర్మాత నమ్మారు. అంతే కాదు ఆత్రేయ సాహిత్యం, మహదేవన్ సంగీతం అందించని ఈ పాటను ఒక సారి వినమని.. అందులో మీరు ఇబ్బందిపీల్ అవ్వాల్సింది ఏదీ లేదని అక్కినేనినికి నచ్చచెప్పారట. 

అయితే అక్కినేని మొదట ఈ పాట లేకుంటేనే సినిమా చేస్తాను అన్నారట. కాని రామానాయుడు, సూర్య ప్రకాశరావు కలిసి ఏఎన్నార్ ఇంటికి స్వయంగా వెళ్ళి బ్రతిమలాడారట. దాంతో ఆయన ఒప్పుకోక తప్పలేదని సమాచారం. . చిట్ట‌చివ‌ర‌కు.. రెండు రోజుల పాటుజ‌రిగిన చ‌ర్చ‌లు ఫ‌లించి.. ఎట్ట‌కేల‌కు అక్కినేని ఒప్పుకొన్నారు. ఆయన పక్కన డాన్స్ చేసింది వ్యాంపు పాత్ర‌ల న‌టీమ‌ణి జ్యోతి ల‌క్ష్మి.ఈ పాట ఎంత హిట్ అయ్యిందో ప్రత్యేకంగా చెప్పాల్సిన పనిలేదు. 

ఈ విషయాన్ని  ఓ సంద‌ర్భంలో అక్కినేని వారు చెప్పుకొచ్చారు. నాకు ఇష్టం లేదు కానీ డైరెక్టర్‌గారు కల్యాణ్‌ కేరెక్టర్‌ గురించి చెప్పి, ఆ పాట ఉంటే బాగుంటుందన్నారు. తీసిన తర్వాత బాగాలేకపోతే.. సినిమాలో ఆ పాట పెట్టకుండా పక్కన పెడదాం అని హామీ ఇచ్చారు. దర్శకుడు చెప్పింది వినాలి కనుక.. కాదనలేకపోయాను.. కాని వారు చెప్పినట్టు ఆపాట అంత అద్భుతం చేసింది. అదొక్కటే కాదు.. ఈసినిమాలో పాటలన్నీ సూపర్ హిట్ అయ్యాయి అన్నారు ఏఎన్నార్.